Êsai 34:16 - Nau Brah Ndu Ngơi 2023

¹⁶ Joi hom tâm ndrom samƀŭt Brah Yêhôva jêh ri rŏ: Tâm phung mpô mpa bri nây, mâu mra pưt du ntil, Mâu geh du mlâm pưt nkuăng mâu lah me ôh. Yorlah mbung Brah Yêhôva ntăm jêh nau nây, Jêh ri Brah Păng tâm rƀŭn jêh lĕ khân păng.

Êsai 34:16 ပူးပေါင်းရင်းမြစ်များ

Nau Ntơm 6:17

Bi Gâp, Gâp mra ăn dak lêng tât ta neh ntu gay ƀư rai lĕ rngôch nglay săk geh n'hâm nsôr gŭ tâm dâng trôk. Lĕ rngôch mpa klơ neh mra khĭt.

Nau Mprơ Ơm 33:6

Lĕ ndâr trôk rhăk njêng bơh nau ngơi Brah Yêhôva, Lĕ rngôch khay mănh mbing luh tă n'hâm nsôr bơh bâr mbung Păng.

Nau Mprơ Ơm 33:9

Yorlah mâm nau Păng lah mra geh ro; Păng ntrŭnh nau ntăm lĕ rngôch ndơ mra nâp ngăn.

Nau Hôr 23:12

Ăn gơih hom lĕ nuih n'hâm ma nau ntĭm nti, Jêh ri rkêng tôr iăt lĕ nau blau mĭn âk.

Êsai 1:20

Ƀiălah tơlah khân may dun jêh ri tâm rdâng, Đao gưm mra ƀư rai khân may; Yor bâr mbung Brah Yêhôva hŏ ngơi jêh.”

Êsai 14:31

Ơ mpông mpêr! Nhĭm nhhiăng hom! Ơ ƀon toyh, lŭng nter hom! Ơ lĕ phung Philistin, rai lôch hom! Yorlah geh du nau nhhŭk ŭnh tât tă bơh mpeh pa lơ, Mâu geh du huê chalơi phung tahan păng nơm.”

Êsai 21:17

Phung tahan janh ktang pănh na tâm phung Kêdar hôm e djê̆ dơm. Yorlah Yêhôva Brah Ndu ma phung Israel lah jêh nau nây.”

Êsai 30:8

Aƀaơ, ăn may nchih hom nau nây ta klơ pŏk kađar, Nchih hom nau nây tâm du ndrom samƀŭt, Gay prăp nau nây n'ho ro ma phung kon sau.

Êsai 40:26

N'gơr hom măt khân may let klơ gay uănh: Mbu nơm rhăk njêng lĕ ndơ nây? Păng yơh jêng Nơm ƀư lĕ rngôch mănh mbing tâm trôk tĭng nâm rnoh jêh ri tĭng mbŭch, Păng kuăl amoh lĕ rngôch phung nây, Mâu pưt du mănh mbing ôh, Yor nau ktang dŭt toyh Jêh ri nau brah Păng mâu blau lôch.

Êsai 40:5

Aƀaơ, nau chrêk rmah Brah Yêhôva mra tâm mpơl, Jêh ri lĕ rngôch bunuyh mra saơ da dê nau nây, Yorlah Brah Yêhôva hŏ ngơi jêh nau nây.”

Êsai 58:14

Rnôk nây, may mra gŭ maak tâm Brah Yêhôva, Gâp mra ăn may ncho hao ta lĕ chor prêh ta neh ntu; Gâp mra siăm may ma drăp ndơn Y-Yakôb chô yau may.” Trôm mbung Brah Yêhôva ngơi jêh nau nây.

Daniel 10:21

Ƀiălah gâp mra mbơh ma may nau bu nchih jêh tâm ndrom samƀŭt nau ngăn. Mâu geh nơm kơl gâp gay ma tâm rdâng đah khân păng, knŏng du huê Mikel, tông mpăr khân may.”

Amôt 3:7

Tâm ban lĕ, Kôranh Brah Yêhôva mâu mo du ntil nau ôh Mbơh lĕ nau ndâp Păng Ma phung oh mon Păng jêng phung nơm mbơh lor.

Sakari 4:6

Păng lah ma gâp: “Aơ jêng nau ngơi bơh Brah Yêhôva lah ma Y-Sôrôƀaƀel: ‘Nau nây mâu di yor nau dơi ôh, kŏ mâu lĕ yor nau blau kan, ƀiălah yor Brah Huêng ueh Gâp.’ Brah Yêhôva ma phung tahan lah.

Malachi 3:16

Nôk nây, phung klach yơk ma Brah Yêhôva nkoch bri ndrăng khân păng nơm, jêh ri Brah Yêhôva rkêng tôr iăt nau khân păng. Bu nchih jêh du ndrom samƀŭt ăn kah gĭt tanăp Brah Yêhôva ăn ma phung klach yơk ma Păng jêh ri yơk ma amoh Păng.

Mathay 5:18

Yorlah nanê̆, Gâp lah ma khân ay may, êlor trôk jêh ri neh ntu ê hŏ rlau, mâu mra roh du ntil mâu lah du rplay samƀŭt dŭt jê̆ tâm nau vay ôh, kŏ tât lĕ rngôch nau nây mra dơi lôch jêh.

Luka 21:33

Trôk neh mra rlau lôch, ƀiălah nau Gâp ngơi mâu mra rlau lôch ôh.

Yôhan 10:35

Lah nau vay bu kuăl ma phung sŏk dơn Nau Brah Ndu Ngơi jêng brah, jêh ri nau Brah Ndu Ngơi bu mâu dơi chalơi ôh

Yôhan 5:39

Khân may sek uănh joi Nau Brah Ndu Ngơi, yorlah mĭn tâm nây geh nau rêh n'ho ro. Nau Brah Ndu Ngơi nây yơh mbơh nkoch ma Gâp,

Nau Vay Nkah Tay 31:21

Lah geh âk nau mhĭk jêh ri nau uh ah nkhŭt ma khân păng, nau mprơ aơ mra jêng du nau mbơh tâm rdâng đah khân păng, yorlah noi deh khân păng mâu mra dơi chuêl nau mprơ aơ. Nanê̆ ngăn, Gâp hŏ gĭt lĕ nau mĭn khân păng nar aơ êlor ma Gâp njŭn khân păng lăp tâm n'gor Gâp hŏ ton jêh ăn ma khân păng.”

Yôsuê 1:8

Ndrom samƀŭt nau vay aơ lơi ăn ngai bơh bâr mbung may, ƀiălah mĭn rvê hom nau nây măng nâm nar, gay blau njrăng ƀư tĭng lĕ nau nchih jêh tâm nây. Ri mơ may chăt jêng jêh ri dơi jêng tâm trong may hăn.

II Pêtrôs 1:19

Yor ma nau nây, nau mbơh lor hên geh lơ hô ngơi rah vah lơn. Ăn khân may rkêng tôr iăt ma nau aơ nâm bu ŭnh kađen sol ang tâm ntŭk ngo, kŏ tât mpơl nôk nar jêh ri mănh mbing ôi luh tâm nuih n'hâm khân may.