Êsai 34:11 - Nau Brah Ndu Ngơi 2023

¹¹ Ƀiălah klang grât jêh ri blŏ mra sŏk ntŭk nây, Klang kô jêh ri nđak mra gŭ ta nây. Brah Ndu mra nthăng rse veh ƀư rai bri nây, Jêh ri rse yông ndơ jâk mâu glo ta khân păng.

Êsai 34:11 ပူးပေါင်းရင်းမြစ်များ

II Samuel 8:2

Hađăch dơi đah phung tahan Môap, đă khân păng bê̆ch ta klơ neh jêh ri veh ma rse: veh bar bông rse jêh ri nkhĭt, veh du bông rse ăn ma rêh. Pôri ăn phung Môap pah kan jêh ri chê̆ pi ma Y-Đavit.

II Phung Hađăch 21:13

Gâp mra nthăng ta klơ Yêrusalem rse veh ƀon Samari jêh ri rse yông ndơ jâk ngih Y-Ahap. Gâp mra pih kloh ƀon Yêrusalem tâm ban bu jut du mlâm ngan pala, jêh nây kŭp tâm dâng, klơ jêh rao kŭp lơi păng.

Nau Mprơ Ơm 102:6

Gâp jêng nâm bu sĭm klang grât tâm bri hŏng. Tâm ban klang kô tâm ndrêch rdah.

Êsai 14:23

“Gâp mra ƀư ăn bri dak nây jêng ntŭk blŏ gŭ, jêng ntŭk dak nglau; jêh ri Gâp mra dŏng mpêh ƀư rai lơi păng jêh ri pih kloh bri nây.” Brah Yêhôva ma phung tahan lah pônây.

Êsai 24:10

Ƀon toyh uh ah hŏ rlâm rai chah jêh; Ngih vâl nchăng da dê, mâu hôm geh nơm lăp ta nây ôh.

Êsai 34:17

Brah Ndu yơh hŏ ƀư nau tâm nchroh ma bu, Ti Păng dŏng rse veh tâm pă kô̆ ma khân păng. Lĕ mpô mpa bri aơ mra pit sŏk neh nây n'ho ro, Jêh ri gŭ ta nây ntơm bơh rnôk aơ tât rnôk ri.

Nau Nhĭm Vơl 2:8

Brah Yêhôva hŏ lĕ dăp nal ƀư rai jêh Mpêr ƀon kon druh Siôn; Păng hŏ nthăng jêh rse veh, Nkhĭt mâu rlu ôh ti Păng ƀư ăn ma mpêr jêh pôih rngot klâng, Nsum ndrel tâm nau rgănh huăr rai lĕ.

Kan Lêvi 11:16

sĭm ôtrus, klang kô, sĭm tê văch, lĕ rngôch klang pah,

Amôt 7:8

Brah Yêhôva lah ma gâp: “Hơi Y-Amôt, moh may saơ?” Gâp lah: “Du rse yông ndơ jâk”. Kôranh Brah lah tay: “Aơ, Gâp mra dơm rse yông ndơ jâk ƀư di gay veh phung ƀon lan Israel Gâp; Gâp mâu mra yô̆ ma khân păng ôh.

Sôphôni 2:14

Phung mpa rong mra kuen ta nklang ƀon; Lĕ rngôch ntil phung mpô mpa êng, Nđâp ma klang grât jêh ri blŏ, Gŭ ta ăp chiông meh gâng tâm ban lĕ, Nteh sĭm ndrau huy prot ta mpông bloh, Nau lĕ rngol ta ntŭk mbong mpông, Yorlah ăp ntil ndơ bu ƀư ma tơm si sêdar lĕ rơih lơi.

Nau Tâm Mpơl 18:2

Tông mpăr nter huy: “Ƀon Babilôn dŭt toyh rlâm rai jêh, rlâm rai jêh! Păng plơ̆ jêng ntŭk phung brah mhĭk gŭ, Ntu rsuăn ma lĕ huêng djơh, Jêh ri ma lĕ rngôch ntil sĭm ƀơ̆ ƀơch bu tâm rmot.