Êsai 34:10 - Nau Brah Ndu Ngơi 2023

¹⁰ Măng nâm nar păng mâu mra nhhât ôh, Nhhŭk ŭnh n'ho ro. Neh khân păng mra jêng rngot njăp bơh rnôk aơ tât rnôk ri; N'ho ro mâu geh bunuyh rgăn ta nây ôh.

Êsai 34:10 ပူးပေါင်းရင်းမြစ်များ

Êsai 1:31

Bunuyh ktang mra tâm ban ma rse mhay bu ƀư brai, Nau kan păng tâm ban ma mprănh ŭnh, Lĕ bar ŭnh mra sa ndrel n'grŭp, Mâu geh nơm dơi buh nhhât.

Êsai 13:20

Păng mra n'ho ro mâu hôm geh bunuyh hôm gŭ ôh, Bơh rnôk aơ tât rnôk ri mâu mra geh bunuyh gŭ; Phung Arabi mâu mra rdâk ngih bok khân păng ta nây ôh, Phung rmăk biăp mâu đŏng ăn ma phung biăp khân păng lâng bê̆ch ta ntŭk nây.

Êsai 24:1

Aơ, Brah Yêhôva mra ƀư ma neh ntu nsoih bŏng jêh ri jêng rngol; Păng ƀư ma neh ntu rgâl jêh ri ma phung ƀon lan nchah rai pru pra.

Êsai 34:17

Brah Ndu yơh hŏ ƀư nau tâm nchroh ma bu, Ti Păng dŏng rse veh tâm pă kô̆ ma khân păng. Lĕ mpô mpa bri aơ mra pit sŏk neh nây n'ho ro, Jêh ri gŭ ta nây ntơm bơh rnôk aơ tât rnôk ri.

Êsai 66:24

Khân păng mra luh hăn jêh ri saơ săk jăn phung bunuyh tâm rdâng jêh đah Gâp; ndrŭng tâm săk khân păng mâu mra khĭt ôh, ŭnh sa khân păng mâu blau nhhât ôh, jêh ri khân păng mra jêng ndơ ƀơ̆ ƀơch ma lĕ rngôch bunuyh.”

Yêrêmi 49:18

Brah Yêhôva lah: “Nâm bu nau ƀư rai ma ƀon Sôdôm, Gômôrơ jêh ri ƀon chiau meng, Êđôm mâu mra geh bunuyh gŭ rêh đŏng ôh, mâu geh lĕ du huê bunuyh mra hăn tât gŭ ta nây.

Yêrêmi 7:20

Yor nây, Kôranh Yêhôva lah: “Aơ, nau ji nuih Gâp, nau ji nuih Gâp, mra nkhŭt jŭr ntŭk aơ, ta klơ bunuyh jêh ri mpô mpa, ta klơ tơm si tâm mir jêh ri kao play neh; nau ji nuih nây mra hit gring gring, mâu dơi buh nhhât ôh.”

Êsêkiêl 29:11

Mâu mra geh mpang jâng bunuyh hăn rgăn ta nây, mâu lĕ geh mpô mpa hăn rgăn đŏng ôh. Păng mâu mra geh bunuyh gŭ ta nây tâm puăn jât năm.

Nahum 2:10

Khân păng lĕ bu ƀư rai jêh ri sŏk pit lĕ bhiau! Nuih n'hâm khân păng huăr huơi da dê, kômâk râm sâr; Ndŭr kơi ji hâu ngăn, Muh măt lĕ brâp.

Nau Tâm Mpơl 18:18

dôl saơ nhhŭk ŭnh sa păng, khân păng kuăl huy: “Ê hŏ mâp geh ƀon dŭt toyh nâm bu ƀon aơ!”

Nau Tâm Mpơl 19:3

Khân păng lah tay tơ̆ rơh bar: “Halêluya! Nhhŭk ŭnh păng thŭl hao n'ho ro!”