Êsai 33:8 - Nau Brah Ndu Ngơi 2023

⁸ Trong toyh jêng rngot njăp, Bu mâu hôm hăn ta trong ôh; Bu hŏ ƀư rai nau tâm rnglăp, Mưch rmot ma phung mbơh, Mâu chrê ma bunuyh ôh.

Êsai 33:8 ပူးပေါင်းရင်းမြစ်များ

Nau Mprơ Ơm 10:5

Trong păng geh jêng nau ndrŏng ƀaƀơ; Nau Kôranh Brah phat dôih prêh ngăn, păng mâu dơi gĭt rbăng; Păng mưch lĕ rngôch phung rlăng đah păng.

Êsai 24:5

Rplay neh geh nau ƀơ̆ ƀơch Yor phung ƀon lan păng nơm, Yorlah khân păng hŏ ƀư tih nau vay, Mâu di đah nau vay dăp, Jêh ri ƀư rai lơi nau tâm rnglăp n'ho ro.

Êsai 35:8

Ta nây, mra geh du trong toyh, Bu rnha păng jêng Trong Kloh Ueh. Phung ƀơ̆ ƀơch mâu mra hăn ta nây ôh, Ƀiălah păng prăp ma phung geh nau chuai. Mbu nơm hăn ta trong nây Nđâp tơlah rluk mâl ăt mâu vĭ nhhơt ôh.

Êsai 36:1

Tâm năm jât ma puăn ngih hađăch Hêsêkia chiă uănh, geh Y-Sênakêrip, hađăch Asiri, hao văch tâm lơh jêh ri pit sŏk ma lĕ rngôch ƀon nâp geh pôih tâm n'gor Yuđa.

Nau Nhĭm Vơl 1:4

Trong hăn ma ƀon Siôn rngot klâng ngăn Yorlah mâu hôm geh nơm tât tâm nar rƀŭn. Lĕ rngôch mpông pêr păng jêng rngol, Phung kôranh ƀư brah nter vơl; Phung bu ur druh tang tat păng rngot klâng. Nau rêh păng gŭ tâm nau rngot ngăn.

Kan Lêvi 26:22

Gâp mra mƀơk âk mpô mpa bri janh tât jêh ri ntŭng sŏk phung kon khân may, ƀư rai mpô mpa rong jêh ri ƀư ma rnoh bunuyh khân may n'hŭch kŏ tât lĕ trong jêng hŏng.

Phung Kôranh Phat Dôih 19:17

Bu klâu bu ranh n'gơr măt saơ phung bu năch gŭ padih trong, păng ôp: “Ta ntŭk may hăn jêh ri mbah tă may?”

Phung Kôranh Phat Dôih 5:6

Tâm nar Y-Samgar, kon bu klâu Y-Anat, Tâm rnôk H'Jael, bu chalơi lĕ trong toyh, Bu năch hăn jâng ƀoi lĕ rlong kue.

I Samuel 17:10

Bu klâu Philistin nây lah tay: “Di jêh nar aơ, gâp rlong ma phung tahan Israel: Săch hom du huê bu klâu gay tâm lơh đah gâp.”

I Samuel 17:26

Y-Đavit lah ma phung gŭ êp păng: “Moh ndơ bu mra nkhôm ma nơm dơi nkhĭt bu klâu Philistin aơ, jêh ri sŏk lơi nau bêk prêng tă bơh phung Israel? Yorlah bu klâu Philistin aơ, nơm mâu koh ntâu ôh mbu moh păng jêng, dĭng nănh rlong nuih phung tahan Brah Ndu gŭ rêh mro mrăng?”