Êsai 33:6 - Nau Brah Ndu Ngơi 2023

⁶ Păng mra jêng nau nâp ma nar jêh ri mông khân may, Jêng nau tâm rklaih rmeh ler, nau blau mĭn, jêh ri nau gĭt rbăng; Nau klach yơk ma Brah Yêhôva jêng jay ndơ khlay Păng ăn.

Êsai 33:6 ပူးပေါင်းရင်းမြစ်များ

II Phung Hađăch 18:7

Yor ri, Brah Yêhôva gŭ ndrel păng, ăp nau păng ƀư, păng geh nau dơi. Păng dâk tâm rdâng dah hađăch Asiri, mâu tông bâr ma păng ôh.

Ndrom Samƀŭt bơh Yôp 4:6

Mâu di bơh nuih n'hâm klach yơk Kôranh Brah jêng ntŭk may rnơm nsing, Jêh ri trong nau sŏng jêng nau may kâp gân ƀơh?

Nau Mprơ Ơm 140:7

Ơ Kôranh Brah jêng Brah Yêhôva, jêng nau ktang tâm rklaih gâp, May king n'gang bôk gâp ta nar tâm lơh.

Nau Mprơ Ơm 28:8

Brah Yêhôva jêng nau ktang ma ƀon lan Păng. Jêng pôih tâm rklaih ma nơm Păng tŏ dak ƀâu kah.

Nau Mprơ Ơm 45:4

Yorlah nau ngăn, nau rdơ̆ rbăn jêh ri nau sŏng srăng, Ăn nsoh hom nau hit rnam may, ncho ndeh hăn tât ma nau dơi; Ti ma may ƀư lĕ kan khư nau bu yơk.

Nau Hôr 14:24

Đon hađăch ma phung blau mĭn jêng nau ndrŏng kuăng, Bi ma rvang kao phung rluk mâl jêng nau brŭt moih.

Nau Hôr 14:26

Tâm nau klach yơk ma Brah Yêhôva geh ntŭk rnơm nsing nâp ngăn, Jêh ri phung jêng kon Păng mra dơi geh du ntŭk gŭ krap.

Nau Hôr 14:27

Nau klach yơk ma Brah Yêhôva jêng tu dak nau rêh, Kơl kon bunuyh der bơh dăk nau khĭt.

Nau Hôr 15:16

Ueh lơn geh djê̆ drăp ndơ ƀiălah klach yơk ma Brah Yêhôva Rlau lơn đah geh âk drăp ndơ ƀiălah nau rŭng răng tĭng groi.

Nau Hôr 19:23

Nau klach yơk Brah Yêhôva njŭn tât nau rêh: Ƀư ăn khân păng dơi geh nau maak, Jêh ri nking lĕ rngôch nau mhĭk.

Nau Hôr 2:5

Nôk nây may gĭt rbăng nau klach yơk ma Brah Yêhôva Jêh ri dơi joi nau gĭt rbăng Brah Ndu.

Nau Hôr 28:2

Lah ntŭk n'gor uh ah Pôri geh âk kôranh; Ƀiălah rnơm du huê bunuyh gĭt vât jêh ri gĭt rbăng, Bri dak mra nâp jŏ jong.

Nau Hôr 29:4

Ma nau sŏng, hađăch ƀư ăn bri dak dơi nâp, Ƀiălah mbu nơm sŏk dơn drăp bu blŏl, ƀư rai bri dak.

Nơm Nti 7:12

Yorlah krap tâm dâng gui nau blau mĭn ăt nâm bu krap tâm dâng gui prăk rêl; Ƀiălah nau khlay gĭt rbăng dơi jêng nau blau mĭn mât njrăng nau rêh mbu nơm dơi geh păng.

Nơm Nti 7:19

Nau blau mĭn ƀư ăn bunuyh blau geh nau dăng ktang Rlau lơn lĕ rngôch jât nuyh kôranh chiă uănh tâm ƀon.

Êsai 11:9

Khân păng mâu mra ƀư mhĭk, mâu lĕ chôk bu khĭt Tâm lĕ yôk kloh ueh Gâp, Yorlah nau gĭt rbăng Brah Yêhôva mra bêng ler lam neh ntu Nâm bu lĕ n'hong dak nkŭm bêng dak mƀŭt.

Êsai 26:1

Tâm nar nây, bu mra mprơ nau mprơ aơ tâm bri Yuđa: “He geh du ƀon toyh nâp! Kôranh Brah sŏk nau tâm rklaih Ƀư pêr mbâl, ƀư pôih.

Êsai 32:17

Ndô ndơ bơh nau sŏng srăng jêng nau đăp mpăn, Play khlay bơh nau sŏng srăng jêng nau đăp rmên jêh ri nau rnơm ƀaƀơ.

Êsai 32:18

Phung ƀon lan Gâp mra gŭ tâm ntŭk đăp mpăn, Tâm ntŭk gŭ rklăk, tâm ntŭk rlu mpăn ngăn.

Êsai 33:20

Uănh hom ta Siôn jêng ƀon he kah gĭt prăp lĕ nau rƀŭn toyh! Măt may mra saơ Yêrusalem, Jêng ntŭk gŭ đăp mpăn, jêng ngih bok bu mâu trơn ta ntŭk êng ôh, Lĕ mâng pêr ngih bok bu mâu hôm tŏk ôh, Lĕ rse brăt mâu dơi tăch ôh.

Êsai 45:17

Bi Israel, Brah Yêhôva mra tâm rklaih, Ma nau tâm rklaih n'ho ro; Kŏ tât n'ho ro, Khân may mâu mra bêk mâu lah uh ah ôh!

Êsai 51:14

Bu mra tâm rklaih gơnh phung jêng bu nă; Khân păng mâu mra khĭt tâm ndrung ngo ôh, Mâu lĕ khân păng pưt ndơ sông sa.

Êsai 51:6

N'gơr hom măt khân may klơ lĕ ndâr trôk, Jêh ri uănh hom ta neh; Yorlah lĕ ndâr trôk mra lêk yơh nâm bu nhhŭk ŭnh, Neh ntu mra ơm nâm bu mlâm ao, Phung ƀon lan gŭ ta nây mra khĭt tâm ban ma rhuay. Ƀiălah nau Gâp tâm rklaih mra hôm n'ho ro, Nau sŏng srăng Gâp mâu blau lôch ôh.

Yêrêmi 31:34

Khân păng mâu mra sâm nti ôh ma nơm chiau meng mâu lah oh nâu păng pô aơ: ‘Gĭt năl hom Brah Yêhôva,’ yorlah lĕ rngôch khân păng gĭt năl Gâp da dê, ntơm bơh nơm jê̆ lơn tât ma nơm toyh lơn,” Brah Yêhôva lah: “Yorlah Gâp mra yô̆ an nau djơh mhĭk khân păng jêh ri mâu hôm kah gĭt ma nau tih khân păng đŏng.”

Habakuk 2:14

Yorlah gĭt năl nau chrêk rmah Brah Yêhôva Mra bêng ler lam neh ntu Nâm bu dak nkŭm bêng dak mƀŭt.

Mathay 6:33

Ƀiălah lor lơn, ăn khân may joi ƀon bri hađăch Brah Ndu jêh ri nau sŏng srăng Păng, ri mơ Păng mra ăn ntop lĕ rngôch ndơ nây ma khân may đŏng.

II Kôrintô 6:10

uănh nâm bu rngot, ƀiălah răm maak mro; uănh nâm bu nau ndĭt trơi, ƀiălah hên ƀư đŏng ma âk bunuyh ndrŏng; uănh nâm bu mâu geh ndơ ôh, ƀiălah geh đŏng lĕ rngôch.

I Timôthê 4:8

yorlah nau nsrôih nti ma săk jăn knŏng jêng khlay djê̆ djê̆, ƀiălah nau klach yơk jêng khlay lơn ma lĕ rngôch nau, yorlah geh nau ton ma nau rêh rnôk aơ jêh ri ma nau rêh rnôk kăndơ̆ đŏng.

I Timôthê 6:6

Nau klach yơk nđâp ma nuih n'hâm maak jêng nau khlay toyh.