Êsai 33:4 - Nau Brah Ndu Ngơi 2023

⁴ Drăp ndơ khân may bu mra rgum tâm ban ma krah ndrach; Bu rduh lăp ma păng khân may tâm ban ma phung krah nsăt rduh ran tât.

Êsai 33:4 ပူးပေါင်းရင်းမြစ်များ

II Nau Rêh Jêng 14:13

Y-Asa jêh ri phung tahan păng tĭng rgot khân păng tât ta Gêrar. Phung tahan Kus cha lôt khĭt âk jêh ri pih kloh mâu hôm geh du huê bunuyh rêh; khân păng roh rai jêh tanăp măt Brah Yêhôva jêh ri phung tahan Păng. Phung Yuđa dơi sŏk pit âk ngăn ndô ndơ.

II Nau Rêh Jêng 20:25

Y-Jôsaphat jêh ri phung tahan păng tât sŏk pit ndô ndơ, âk ngăn drăp ndơ jêh ri ndơ nkrơ̆ khlay klơ săk jăn phung tahan rlăng. Khân păng sŏk pit ma khân păng nơm kŏ tât khân păng mâu hôm dơi tuy ôh. Khân păng sŏk gro ndô ndơ nây tâm pe nar, yorlah ndô ndơ dŭt âk ngăn.

Êsai 33:23

Lĕ rse may bu hŏ ƀư rdja jêh, Mâu dơi kât nâp n'gâng bok ta klơ kumpăn ôh, Jêh ri mâu lĕ dơi ling bok. Nôk nây, bu mra tâm pă âk ndơ sŏk pit, Nđâp phung rvĕn ăt geh đŏng bu pă.

Êsai 33:3

Lah tăng nteh drơu drơu, phung ƀon lan nchuăt du; Lah May dâk, lĕ bri dak nchuăt du lă lêng.

Êsai 33:5

Brah Yêhôva geh nau yơk yorlah Păng gŭ tâm ntŭk prêh klơ. Păng ƀư ma Siôn bêng ma nau di jêh ri nau sŏng srăng.

Êsêkiêl 25:7

yor nây, aơ, Gâp hŏ yơr jêh ti Gâp tâm rdâng đah may. Gâp mra jao may jêng ndơ pit in ăn ma lĕ rngôch bri dak; Gâp mra ngluh lơi may tă bơh phung ƀon lan; Gâp mra ƀư rai may tă bơh bri dak. Gâp mra ƀư rai lơi may jêh ri may mra gĭt Gâp jêng Brah Yêhôva.’”

Yôel 1:4

Moh ndơ ndrŭng hôm om krah sa tay; Moh ndơ krah hôm om pôri ndrŭng sa n'huk ntâu; Moh ndơ ndrŭng n'huk ntâu hôm om pôri krah nsăt sa.

Yôel 2:25

Gâp mra ntrok tay ăn ma khân may Ma lĕ yan geh grăch sa Tă bơh ma krah, ndrŭng n'huk ntâu, ndrŭng rchuăl jêh ri krah nsăt, Jêng phung tahan toyh Gâp hŏ njuăl tât ta nklang khân may.

Yôel 2:3

Tanăp măt khân păng, geh ŭnh sa rvăn, Pakơi khân păng, geh chiông ŭnh sa ƀhiau. Êlor panăp khân păng văch, bri neh nâm bu n'gar Êđen; Pakơi khân păng rgăn, knŏng hôm jêng bri rdah rngot njăp. Mâu geh ôh ndơ dơi klaih bơh khân păng.

Yôel 2:9

Khân păng rduh ran rlet ma ƀon toyh, nchuăt klơ mpêr ƀon, Hao lăp tâm ngih lăp ta mpông bloh nâm bu nuyh ntŭng.