Êsai 33:2 - Nau Brah Ndu Ngơi 2023

² Ơ Brah Yêhôva, dăn yô̆ nđach an ma hên! Hên kâp gân May. Dăn ăn nau ktang ma hên ăp kêng ôi, Tâm rklaih hên nôk tâm nau rêh ni.

Êsai 33:2 ပူးပေါင်းရင်းမြစ်များ

Nau Mprơ Ơm 123:2

Nâm bu măt phung oh mon Uănh ta ti kôranh bu klâu khân păng. Nâm bu măt phung oh mon bu ur Uănh ta ti kôranh bu ur păng, Tâm ban pônây lĕ măt hên kâp gân ma Yêhôva Brah Ndu hên, Kŏ tât Păng yô̆ nđach ma hên.

Nau Mprơ Ơm 143:8

Ơm ôi, ăn gâp iăt nuih n'hâm ueh May, Yorlah gâp rnơm nsing ma May; Dăn ntĭm ăn gâp gĭt, trong gâp mra hăn, Yorlah huêng gâp kâp gân May.

Nau Mprơ Ơm 25:3

Ngăn yơh mâu geh du huê nơm rnơm nsing ma May geh nau bêk prêng; Knŏng phung gŭ nau tâm rlăng.

Nau Mprơ Ơm 27:1

Brah Yêhôva jêng nau ang jêh ri nau tâm rklaih gâp, Ma mbu hôm gâp klach? Brah Yêhôva jêng pôih nâp nau rêh gâp, Ma mbu hôm gâp klach?

Nau Mprơ Ơm 33:22

Ơ Brah Yêhôva, dăn nau ueh May jŭr hoch tâm hên, Di nâm bu hên kâp gân jêh tâm May.

Nau Mprơ Ơm 37:39

Nau tâm rklaih phung sŏng srăng văch tă bơh Brah Yêhôva; Păng jêng pôih nâp khân păng tâm rnôk rêh ni.

Nau Mprơ Ơm 46:1

Brah Ndu jêng ntŭk mbe krap jêh ri nau ktang hên, Păng kơl tâm lĕ nau rêh ni.

Nau Mprơ Ơm 46:5

Brah Ndu gŭ ta nklang ƀon nây, păng mâu mra n'gơ ôh. Ơm ôi Brah Ndu mra kơl păng.

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 60:11

Dăn May sâm kơl hên bơh nau uh ah, Yorlah kon bunuyh kơl an jêng dơm dam.

Nau Mprơ Ơm 62:1

Huêng gâp gŭ rlu mpăn ntŭk du huê Brah Ndu; Nau tâm rklaih gâp văch tă bơh Păng.

Nau Mprơ Ơm 62:5

Ơ huêng gâp, gŭ rlu hom tâm Brah Ndu. Yorlah nau gâp kâp gân dơm tâm păng.

Nau Mprơ Ơm 62:8

Hơi phung ƀon lan, rnơm nsing hom ma Păng ƀaƀơ; Nkhŭt hom lĕ nuih n'hâm tanăp măt Păng; Yorlah Brah Ndu jêng ntŭk he nde krap. (Sêla)

Nau Mprơ Ơm 90:15

May ƀư ăn ma hên geh nau răm maak gay ntrok tay lĕ nar nau May ƀư rêh ni ma hên, Jêh ri tâm ban ma lĕ năm hên saơ jêh nau mhĭk tât.

Nau Mprơ Ơm 91:15

Păng mra kuăl mbơh sơm ma Gâp, Gâp mra plơ̆ lah ma păng; Tâm nau rêh ni, Gâp mra gŭ ndrel păng, Tâm rklaih păng jêh ri khlay yơk ma păng.

Nau Ngluh Êjipt 14:27

Ƀhit ang, Y-Môis yơr ti păng ta klơ dak mƀŭt jêh ri dak mƀŭt plơ̆ tay nâm bu ơm. Phung Êjipt nchuăt du ƀiălah Brah Yêhôva nklơ̆ khân păng trŭnh tâm dak mƀŭt.

Êsai 17:10

Yorlah may chuêl jêh Brah Ndu nơm tâm rklaih may, Mâu kah gĭt ôh ma Lŭ Toyh ntŭk may du krap. Yor nây nđâp lah may tăm jêh đang tơm si dŭt ueh, Ƀư đŏng ntil play krăk ƀâu bu năch;

Êsai 25:4

Yorlah May jêng ntŭk phung o ach nsing, Jêng ntŭk nde nâp ma phung nau ndĭt trơi tâm nôk jêr jŏt ngăn, Jêng ntŭk krap bơh sial phŭt, Jêng gui n'hâm der nôk nar duh, Nôk phung ƀai khôm n'hâm luh Tâm ban ma sial phŭt njach mpêr ƀon,

Êsai 25:9

Tâm nar nây, bu mra lah: “Ri, aơ jêng Brah Ndu he; He kâp gân Păng, jêh ri Păng hŏ tâm rklaih he jêh. Aơ yơh jêng Brah Yêhôva he kâp gân, Ăn he hâk răm jêh ri maak yor nau Păng tâm rklaih!”

Êsai 26:16

Ơ Brah Yêhôva, tâm nau rêh ni, Khân păng joi May; Tơlah May nkra, khân păng kuăl mbơh sơm lĕ nuih n'hâm ma May.

Êsai 26:8

Ơ Brah Yêhôva, ngăn yơh, ta trong nau May phat dôih. Hên kâp gân May; Huêng hên ji hir ma May Ma amoh May jêh ri nau kah gĭt ndray ma May.

Êsai 37:3

Khân păng lah ma Y-Êsai: “Y-Hêsêkia lah kơt aơ: ‘Nar aơ jêng nar rŭng răng, nau nduyh jêh ri nau bêk prêng; tâm ban bu ur lĕ tât nôk deh kon jêh ƀiălah mâu tŏng suan gay deh kon ôh.

Êsai 40:10

Aơ, Kôranh Brah Yêhôva mra văch ma nau brah, Păng mra chiă uănh ma ti Păng. Aơ, nau Păng nkhôm gŭ ndrel Păng, Nau Păng plơng gŭ tanăp Păng.

Êsai 51:5

Nau sŏng srăng Gâp dăch êp jêh, Nau Gâp tâm rklaih dăch mpơl jêh, Nting tur Gâp mra chiă uănh phung ndŭl mpôl bunuyh. Lĕ rngôch gôl dak mƀŭt, mra kâp gân Gâp, Jêh ri khân păng kâp gân ma nting tur Gâp.

Êsai 59:16

Păng saơ mâu geh du huê bunuyh sŏng srăng ôh, Jêh ri hih rhâl yor mâu geh nơm vah vơl. Păng dŏng ti păng nơm ƀư tât nau tâm rklaih; Nau sŏng Păng nơm kơl.

Êsai 8:17

Gâp mra gŭ kâp Brah Yêhôva, jêng Nơm pôn muh măt Păng bơh ngih Yakôb; gâp mra kâp gân Păng!

Yêrêmi 14:8

Ơ Kôranh Brah, May jêng nau kâp gân ma phung Israel, Nơm tâm rklaih tâm nau rêh ni, Mâm ƀư may nâm bu du huê bu năch tâm n'gor aơ, Nâm bu du huê bu năch veh bê̆ch njưh du măng?

Nau Nhĭm Vơl 3:23

Tâm ăp ôi, Nau yô̆ nđach Kôranh Brah mhe mro, Nau răp jăp May jêng toyh hâu ngăn.

Ndrom Samƀŭt bơh Ôsê 14:2

Khân may djôt hom nau ngơi Plơ̆ sĭt ma Brah Yêhôva; Lah hom ma păng pô aơ: “Dăn sŏk lơi lĕ nau mhĭk hên Jêh ri mplơ̆ nau ueh uĭn, Gay ma hên dơi nhhơr ndơ ƀư brah tâm rnê ma trôm mbung. Ntrok ma ndrôk nkuăng.