Êsai 33:19 - Nau Brah Ndu Ngơi 2023

¹⁹ May mâu hôm mra saơ ôh phung ƀon lan ƀai nây, Jêng phung ƀon lan ngơi nau ngơi bu năch mâu dơi tăng rah vah ôh, Ngơi nau ngơi mâu dơi gĭt rbăng.

Êsai 33:19 ပူးပေါင်းရင်းမြစ်များ

Nau Ntơm 11:7

Găp jêh! Ăn He jŭr hom, ƀư tâm rlŭk nau ngơi khân păng, gay ma khân păng mâu dơi gĭt rbăng nau ngơi ndrăng khân păng nơm.”

II Phung Hađăch 19:32

Yor ri, Brah Yêhôva lah ma hađăch Asiri kơt aơ: ‘Păng mâu mra lăp ƀon aơ ôh, mâu mra pănh tong hăr ta nây, mâu đŏng sŏk khêl mâu lah bât pôih gay rduh lơh ƀon.

Nau Ngluh Êjipt 14:13

Y-Môis lah ma phung ƀon lan: “Lơi klach ôh, iăt ma gŭ nâp jêh ri mra saơ nau tâm rklaih bơh Brah Yêhôva mra ƀư ăn ma khân may nar aơ. Lĕ phung Êjipt khân may saơ nar aơ mâu hôm ôh mra saơ.

Êsai 28:11

Yor nây, Brah Yêhôva mra dŏng bâr mbung phung bu năch Jêh ri nau ngơi êng lah ma phung ƀon lan aơ.

Êsai 37:34

Păng mra plơ̆ sĭt ta trong păng văch tât, mâu dơi lăp tâm ƀon aơ ôh.’ Brah Yêhôva lah pônây.

Êsai 37:37

Y-Sênakêrip, hađăch Asiri, rŭch tahan hăn sĭt, jêh ri gŭ ta Ninive.

Yêrêmi 5:15

Brah Yêhôva lah: “Hơi ngih phung Israel, Gâp mra djôt du ndŭl mpôl ƀon ngai tât tâm rdâng đah may. Nây jêng du ndŭl mpôl dăng ktang, Du ndŭl mpôl ơm jêh, Du ndŭl mpôl nau ngơi khân păng may mâu gĭt, Mâu gĭt rbăng moh nau khân păng ngơi.

I Kôrintô 14:21

Tâm nau vay geh nau nchih: “Kôranh Brah lah: Gâp mra lah ma phung ƀon lan aơ bơh phung bunuyh ngơi nau êng, Jêh ri ma trôm mbung phung bu năch; nđâp lah pônây, khân păng mâu mra iăt Gâp.”