Êsai 33:16 - Nau Brah Ndu Ngơi 2023

¹⁶ Bunuyh kơt nĕ mra dơi gŭ tâm ntŭk prêh, Geh pôih ma mpir lŭ mra jêng ntŭk păng du krap; Bu mra ăn ndơ sông sa ma păng Jêh ri păng mâu rvê pưt dak nhêt ôh.

Êsai 33:16 ပူးပေါင်းရင်းမြစ်များ

I Phung Hađăch 19:6

Păng uănh saơ mpeh klơ bôk păng geh du glo ƀănh jê̆ lĕ gŭch sĭn jêh ta klơ ŭnh rnga, jêh ri du nông dak. Sông sa nhêt lôch jêh, păng bê̆ch tay đŏng.

Nau Mprơ Ơm 107:41

Ƀiălah păng rklaih phung pưt kƀah bơh nau rêh ni, Jêh ri ăn rnăk vâl khân păng jêng âk nâm bu phung biăp.

Nau Mprơ Ơm 111:5

Păng ăn ndơ sông sa ma phung klach yơk Păng, Jêh ri kah gĭt nau Păng tâm rnglăp mro mrăng.

Nau Mprơ Ơm 15:1

Ơ Brah Yêhôva, mbu mra gŭ tâm ngih bok May? Mbu mra gŭ ta yôk kloh May?

Nau Mprơ Ơm 18:33

Păng ƀư ma jâng gâp ngăch nâm bu jâng jun me Jêh ri dơm gâp gŭ nâp lĕ ntŭk prêh klơ.

Nau Mprơ Ơm 33:18

Ri măt Brah Yêhôva uănh ma phung klach yơk ma Păng, Jêh ri phung kâp gân tâm nau ueh Păng

Nau Mprơ Ơm 34:10

Phung kon yau mŭr mra geh nau pưt kƀah jêh ri ji ngot ji hir, Ƀiălah bu nâm joi Brah Yêhôva mâu mra pưt du ntil nau ueh ôh.

Nau Mprơ Ơm 37:3

Rnơm nsing hom ma Brah Yêhôva jêh ri ƀư nau ueh, Gŭ hom tâm n'gor jêh ri siăm păng nơm ma nau răp jăp Păng.

Nau Mprơ Ơm 62:7

Nau tâm rklaih jêh ri nau chrêk rmah gâp gŭ tâm Brah Ndu; Păng jêng lŭ toyh ma gâp, ntŭk gâp gŭ krap.

Nau Mprơ Ơm 90:1

Ơ Kôranh Brah, bơh rnôk aơ tât rnôk ri, May njêng jêh ntŭk hên gŭ.

Nau Mprơ Ơm 91:14

Yorlah păng rŏng ma Gâp yor nây Gâp mra tâm rklaih păng; Gâp mra king n'gang păng yorlah păng gĭt năl amoh Gâp.

Nau Hôr 1:33

Ƀiălah mbu nơm iăt gâp mra hôm rêh ueh mpăn, Mra dơi geh nau đăp mpăn, mâu klach nau mhĭk ôh.”

Nau Hôr 10:9

Bunuyh gŭ rêh sŏng mra geh nau đăp mpăn, Bi phung tĭng ndô̆ trong kue bu mra ƀư mpơl lĕ kan păng.

Nau Hôr 18:10

Amoh Brah Yêhôva jêng du pôih nâp ngăn, Bunuyh sŏng srăng nchuăt tât ta nây, dơi joi ntŭk du krap đăp mpăn.

Êsai 25:4

Yorlah May jêng ntŭk phung o ach nsing, Jêng ntŭk nde nâp ma phung nau ndĭt trơi tâm nôk jêr jŏt ngăn, Jêng ntŭk krap bơh sial phŭt, Jêng gui n'hâm der nôk nar duh, Nôk phung ƀai khôm n'hâm luh Tâm ban ma sial phŭt njach mpêr ƀon,

Êsai 30:20

Kôranh Brah mra ăn ma khân may piăng let nau rngot jêh ri dak nau rêh ni. Rnôk aơ, phung sâm nti may mâu hôm đŏng pôn muh măt ôh; măt may mra saơ phung sâm nti may.

Êsai 32:18

Phung ƀon lan Gâp mra gŭ tâm ntŭk đăp mpăn, Tâm ntŭk gŭ rklăk, tâm ntŭk rlu mpăn ngăn.

Êsai 49:10

Khân păng mâu mra ji ngot ôh, mâu lĕ ji hir, N'hâm duh jêh ri nar mâu hôm ƀư rêh ni ma khân păng ôh, Yorlah Nơm yô̆ nđach ma khân păng mra njŭn khân păng, Njŭn leo khân păng văch dăch lĕ dak n'hor.

Êsai 58:14

Rnôk nây, may mra gŭ maak tâm Brah Yêhôva, Gâp mra ăn may ncho hao ta lĕ chor prêh ta neh ntu; Gâp mra siăm may ma drăp ndơn Y-Yakôb chô yau may.” Trôm mbung Brah Yêhôva ngơi jêh nau nây.

Yêrêmi 37:21

Hađăch Sêdêkia ntĭnh njŭn leo Y-Yêrêmi tâm nhuang phung tahan gak, ăp nar ăn du glo piăng let tă bơh phung ƀư piăng let, kŏ tât ƀon nây mâu hôm geh piăng let đŏng ôh. Yor nây, Y-Yêrêmi hôm gŭ tâm nhuang tahan gak.

Yôel 3:16

Brah Yêhôva mra rđuh bơh Siôn; Păng ƀư ăn nteh huy bâr Păng nơm luh bơh Yêrusalem. Lĕ ndâr trôk jêh ri lĕ rngôch neh ntu mpât n'găr da dê. Ƀiălah Brah Yêhôva jêng ntŭk nde ma phung ƀon lan Păng, Jêng pôih nâp ma phung ƀon lan Israel.

Habakuk 3:19

Kôranh Brah Yêhôva jêng nau dăng gâp, Păng ƀư ma jâng gâp nâm bu jâng jun, Kơl gâp chuat hăn ta klơ yôk prêh. (Nchih ma bunuyh gai phung mprơ jêh ri phung kreh gong rêng)

Mathay 6:11

Ăn ma hên ndơ sông sa nar aơ ăn tŏng;

Nau Vay Nkah Tay 33:29

Hơi phung Israel khân may geh nau răm maak âk hâu ngăn! Du phung ƀon lan geh Brah Yêhôva kơl rklaih an! Mbu dơi jêng nâm bu khân may? Păng jêng khêl kơl king khân may, Jêng đao djôt leo nau chrêk rmah tât ma khân may! Phung rlăng mra chon mbah tanăp khân may, Bi khân may mra jot ntŭk prêh klơ khân păng.”