Êsai 33:1 - Nau Brah Ndu Ngơi 2023

¹ Rêh ni ngăn ma may jêng nơm ƀư rai Ƀiălah may nơm bu mâu hŏ ƀư rai ôh, Jêng nơm ndơm bu Ƀiălah bu mâu mâp ndơm may ôh! Lah may rlu ƀư rai bu, Bu mra ƀư rai may đŏng; Lah may mâu hôm ƀư nau ndơm Bu mra ndơm may đŏng.

Êsai 33:1 ပူးပေါင်းရင်းမြစ်များ

Nau Hôr 22:23

Yorlah Brah Yêhôva mra koh dŏng nau rplay ngơi khân păng, Jêh ri sŏk rhuăt nau rêh phung pit ntŭng ndô ndơ khân păng.

Êsai 10:12

Ƀiălah dôl Kôranh Brah hŏ ƀư jêh lĕ kan Păng ta klơ yôk Siôn jêh ri ta ƀon Yêrusalem, Păng lah: “Gâp mra tâm rmal lĕ nau kan nuih n'hâm n'hao êng jêh ri măt nau hưn n'hao êng nơm hađăch Asiri.

Êsai 14:25

Gâp mra ƀư rai phung tahan Asiri tâm bri Gâp; Gâp mra jot plên păng ta klơ yôk Gâp. Mâng mbăk păng mra dơi sŏk lơi bơh phung ƀon lan Gâp, Mbăk jâk păng mra dơi sŏk lơi bơh săng nglik khân păng.”

Êsai 17:14

Ta kêng măng, aơ, geh nau klach krit, Êlor ma tât ƀring ang ôi, mâu hôm saơ khân păng ôh. Nĕ jêng ndơ phung sŏk ntŭng, Jêng mrô nal prăp ma phung ntŭng ndơ he.

Êsai 21:2

Geh du nau tâm saơ klach krit hŏ mpơl ma gâp: Nơm mâu gŭ răp jăp dôl ƀư rlăng, Nơm ƀư rai dôl ƀư rai! “Ơ phung Êlam, hăn hao hom! Ơ phung Mêdơ, nchueng jŭm hom! Gâp mra ƀư lôch Lĕ nau păng lŭng nter.”

Êsai 24:16

Bơh lĕ ntŭk dŭt neh ntu, hên hŏ tăng bâr bu mprơ: “Nau chrêk rmah prăp ma Nơm Sŏng Srăng.” Ƀiălah gâp lah: “Gâp hŏt rgănh jêh, gâp hŏt rgănh jêh! Rêh ni ngăn ma gâp, phung mâu gŭ răp jăp! Phung mâu gŭ răp jăp ăt thoi đŏng mâu gŭ răp jăp!”

Êsai 31:8

Asiri mra cha lôt tâm dâng mpiăt đao, mâu tăp ma đao bunuyh ôh, Jêh ri du mpiăt đao mâu tăp ma đao bunuyh ôh mra sa rvăn khân păng. Păng mra nchuăt du panăp mpiăt đao nây, Jêh ri phung bu klâu ndăm păng mra ƀư pah kan jâk.

Êsai 48:8

May mâu mâp tăng ôh, mâu lĕ mâu mâp gĭt, Bơh kăl e, tôr may mâu mâp pơk ôh. Yorlah Gâp gĭt jêh may mơng tâm rdâng, Di ngăn bu kuăl khân may jêng phung tâm rdâng bơh ndŭl me.

Êsêkiêl 39:10

Khân păng mâu ŭch joi long tâm mir, mâu chôk long tâm krŏng, yorlah khân păng sŏk ndơ tâm lơh prăp sĭnh ŭnh. Khân păng mra tŭn jot phung lĕ tă tŭn jot khân păng jêh ri pit in phung hŏ tă pit in khân păng, Kôranh Brah Yêhôva lah pônây.

Sôphôni 3:19

Aơ, tâm nôk nây, Gâp mra tâm rdâng đah lĕ rngôch phung tŭn jot may; Gâp mra tâm rklaih ƀư bah phung kuet rvĕn, Kuăl rgum phung tă bu mprơh du, Gâp mra ƀư ma khân păng geh nau tâm rnê jêh ri nau lư n'găr Tâm ăp ntŭk bu hŏ ƀư bêk prêng jêh khân păng.

Mathay 7:2

Yorlah khân may phat dôih bu pô ri bu mra phat dôih khân may tâm ban lĕ, khân may veh ma ndah âk pô ri khân păng ăt mra veh ma khân may lĕ.

Nau Tâm Mpơl 13:10

Tơlah mbu nơm bu njŭn leo jêng bu nă, Păng mra jêng bu nă. Tơlah mbu nơm bu nkhĭt ma đao gưm, Bu mra nkhĭt păng ma đao gưm. Aơ jêng nau srôih jêh ri nau chroh phung kloh ueh.

Nau Tâm Mpơl 16:6

Yorlah khân păng ƀư nkhŭt jêh mham phung kloh ueh jêh ri phung nơm mbơh lor, Pôri May ăn jêh ma khân păng nhêt mham. Nĕ mơ tâm di!”

Nau Tâm Mpơl 17:17

Yorlah Brah Ndu ƀư ăn khân păng mĭn ntrâng ƀư nau Păng mĭn tâm du ai nuih n'hâm ndrăng khân păng jao ƀon bri hađăch khân păng nơm ma mpô mpa dŭt janh, ma tât nôk nau ngơi Brah Ndu lĕ tât di ngăn.

Phung Kôranh Phat Dôih 1:7

Y-Adôni-Bêsek lah: “Geh pơh jât hađăch gâp koh jêh nglau ti me jêh ri nglau jâng me, dônh ndơ sông sa rmeh tŭp tâm dâng sưng gâp sông. Gâp hŏ ƀư nau nây yor ri Brah Ndu har plơng tay gâp.” Bu leo păng tât ta ƀon toyh Yêrusalem jêh ri păng khĭt ta nây.

Phung Kôranh Phat Dôih 9:23

Brah Ndu prơh du huê brah mhĭk ƀư nau ƀlăch ƀlêr ta nklang Y-Abimêlek jêh ri bunuyh Sichem, ƀư ăn phung ƀon lan Sichem tâm rdâng đah Y-Abimêlek.