Êsai 32:9 - Nau Brah Ndu Ngơi 2023

⁹ Ơ phung bu ur mpay êng, Dâk iăt hom bâr Gâp! Ơ phung kon bu ur mâu gĭt njrăng, Rkêng hom tôr iăt nau Gâp ngơi!

Êsai 32:9 ပူးပေါင်းရင်းမြစ်များ

Nau Mprơ Ơm 123:4

Huêng hên dĭl nhăl jêh Nau mưch rmot bơh phung nklă, Jêh ri nau mưch rmot phung sưr.

Êsai 28:23

Rkêng hom tôr gay iăt bâr gâp; Rkêng tôr hom jêh ri iăt nau gâp ngơi!

Êsai 3:16

Brah Yêhôva lah: “Yorlah phung kon bu ur ƀon Siôn jêng sưr, Ƀă hăn ƀă n'gơr trô ko klơ, Măt uănh ma nau kơnh, Ƀă hăn ƀư ê he, Ƀă ăn nteh kông jâng khân păng,

Yêrêmi 9:19

Yorlah geh nau nhĭm vơl bơh ma ƀon Siôn pô aơ: ‘Hên lĕ rai jêh! Hên prêng hâu ngăn yơh! Yorlah hên hŏ chalơi ntŭk gŭ; Ngih vâl hên bu hŏ ƀư rai jêh!’”

Yêrêmi 9:20

Hơi lĕ bu ur, iăt hom nau Brah Yêhôva, Pơk hom tôr iăt nau bơh mbung Păng; Nti hom ăn kon bu ur khân may nau mprơ nhĭm vơl, Nti ndrel nau mprơ rngot klâng!

Nau Nhĭm Vơl 4:5

Phung tă chiăm ler ndơ sa kah, Aƀaơ gŭ êng tâm trong sâng ƀon toyh; Phung văch ma toyh tâm bok rvanh chăng-krăk, Aƀaơ ri pung tâm ŭnh buh.

Sôphôni 2:15

Ƀon toyh aơ răm maak hŏ gŭ jêh ma nau mpăn lah êng pô aơ: “Gâp aơ, padih gâp mâu hôm geh bunuyh êng ôh!” Ƀiălah aƀaơ păng lĕ jêng rngol jêh, Ƀư ntŭk ma phung mpô mpa bri bê̆ch kuen! Ăp bunuyh hăn rgăn gơm mưch rvêh ti nsŭch da dê!

Mathay 13:9

Mbu nơm geh tôr, rkêng iăt hom!”

Nau Vay Nkah Tay 28:56

Bu ur ueh mơih rmên lơn ta nklang khân ay may, nau ueh mơih rmên kŏ tât mâu janh dơm ôh mpang jâng păng ta neh, tâm nôk mâu hôm geh ntŭk joi yorlah phung rlăng nchueng jŭm lam ăp ƀon, păng mra uănh đŏng ma sai păng rŏng ngăn ngên, ma kon bu klâu jêh ri kon bu ur păng đah muh măt janh hâr,

Phung Kôranh Phat Dôih 9:7

Dôl gĭt nau nây, Y-Jôtham hăn gŭ ta klơ n'gơn yôk Gêrisim, păng nter huy pô aơ: “Hơi phung Sichem, iăt hom ma gâp gay Brah Ndu dơi iăt khân may: