Êsai 32:6 - Nau Brah Ndu Ngơi 2023

⁶ Yorlah bunuyh rluk mra ngơi lĕ nau rluk, Nuih n'hâm khân păng mĭn ƀư nau mhĭk Gay ŭch ƀư nau ƀơ̆ ƀơch, Ngơi nau mhĭk đah Brah Yêhôva; Ƀư ma bunuyh ji ngot gŭ ndŭl hŏng, Jêh ri nơm ji hir mâu dơi nhêt dak.

Êsai 32:6 ပူးပေါင်းရင်းမြစ်များ

Nau Mprơ Ơm 141:4

Lơi ăn nuih n'hâm gâp rle mpeh ma nau mhĭk ôh Gay ƀư nau djơh mhĭk ndrel phung ƀai; Jêh ri lơi ăn gâp sa ndơ kah khân păng.

Nau Hôr 19:3

Nau rluk ma du huê bunuyh ƀư rai lơi trong păng nơm, Jêh ri nuih n'hâm păng nduyh rlơ̆ Brah Yêhôva.

Nau Hôr 24:7

Nau blau mĭn prêh ngai ngăn ma bunuyh rluk; Ntŭk mpông ƀon, păng mâu nanh hă mbung ôh.

Êsai 10:2

Gay pit sŏk nau geh phung mâu geh nau ktang Jêh ri sŏk roh nau di bơh phung o ach tâm phung ƀon lan Gâp, Plăch rgâl phung bu ur ndrô sai jêng mpa sa ma khân păng, Jêh ri phung kon đơi jêng ndơ pit sŏk!

Êsai 10:6

Gâp njuăl păng hăn tâm rdâng đah bri dak mâu blau yơk ma Brah Ndu ôh, Gâp ntăm păng hăn tâm lơh đah phung ƀon lan nsônh ăn Gâp ji nuih, Gay ntŭng ndô ndơ, pit sŏk Jêh ri jot khân păng tâm ban ma neh bŏk ta trong.

Êsai 26:10

Nđâp lah dơi dơn nau yô̆, Nơm ƀai mâu nti nau sŏng srăng ôh. Rêh tâm bri sŏng, păng lŏ ƀư nau mhĭk, Jêh ri mâu saơ ôh nau rnam Brah Yêhôva.

Êsai 3:15

Mâm dĭng khân may janh jot plên phung ƀon lan Gâp, Jot rchal lơi muh măt phung o ach?” Kôranh Brah jêng Brah Yêhôva ma phung tahan lah.

Êsai 31:2

Ƀiălah Brah Yêhôva yơh jêng Nơm Blau Mĭn! Nơm ƀư ăn nau rêh ni tât, Nơm mâu rgâl ôh nau Păng hŏ ngơi jêh, Păng mra dâk tâm rdâng đah ngih phung mhĭk, Jêh ri tâm rdâng đah phung kơl phung ƀư nau kue.

Êsai 59:13

Hên hŏ tâm rdâng jêh ri dun Brah Yêhôva, Rle ndŭr kơi mâu tĭng ndô̆ ôh Brah Ndu hên. Hên ngơi ma nau tŭn jot jêh ri nau tâm rdâng, Mpơl lĕ nau ngơi mƀruh hên hŏ prăp tâm nuih n'hâm.

Êsai 59:7

Jâng khân păng nchuăt tât nau mhĭk, Khân păng ndal ƀư pling mham phung mâu geh nau tih; Nau mĭn khân păng jêng nau mĭn kue, Nau ƀư roh jêh ri nau ƀư rai gŭ ta trong khân păng.

Êsai 9:17

Yorlah nau ƀai sa tâm ban ma ŭnh, Păng sa rtau lok jêh ri pih pŭm, Păng sa lĕ tơm si ta krŏng mbâl, Ƀư ma ŭnh nhhŭk dŭk dŭk mpăr leo klơ.

Yêrêmi 13:23

Bunuyh Êthiôpi mra dơi tâm rgâl dak piâk ntâu Mâu lah yau brăch tâm rgâl nau rvanh păng? Tơlah dơi, pôri lĕ rngôch khân may jêng phung hŏ mơng ƀư mhĭk Mra dơi ƀư nau ueh.

Êsêkiêl 34:18

Phung khân may sa gơ̆ tâm ndrêch gơ̆ nse ueh mâu hŏ tŏng hĕ dĭng khân may sŏk jâng jot plên lơi gơ̆ hôm e? Khân may nhêt dak rsang mâu hŏ tŏng hĕ dĭng khân may sŏk jâng nchŭ lơi ăn rkhăl dak hôm e rmeh?

Daniel 12:10

Âk bunuyh bu mra dơi ƀư kloh, jut nglang jêh ri ƀư rsang. Ƀiălah phung ƀai ăt mra thoi đŏng ƀư ƀai. Mâu geh phung ƀai mra gĭt rbăng ôh, ƀiălah phung njêh mra gĭt rbăng.

Amôt 8:6

Gay he sŏk prăk rvăt phung o ach, Rgâl bunuyh ndĭt trơi sŏk đah du kôp ntâu jot Jêh ri tăch tât ma ba nsiăp đŏng.”

Mathay 15:19

Yorlah tă bơh nuih n'hâm yơh luh văch nau mĭn mhĭk, nau nkhĭt bunuyh, nau văng tĭr, nau ka n'hong, nau ntŭng, nau ngơi mƀruh, ngơi nchơt.

Mathay 23:13

Rêh ni ngăn ma khân may, phung kôranh nchih samƀŭt jêh ri phung Pharisi, jêng phung nuih n'hâm nklă! Yorlah khân may nchăng mpông ƀon ueh klơ trôk tanăp măt bu; khân may nơm mâu dơi lăp tâm ƀon nây ôh, ƀiălah khân may nơm buay mbu nơm ŭch lăp ta nây đŏng.

Yakơ 1:27

Nau chroh kloh ngăn, mâu ƀơ̆ ôh tanăp Brah Ndu, Mbơ̆ he, jêng jô̆ khâl phung kon đơi, phung bu ur ndrô dôl khân păng geh nau rêh ni, jêh ri mât mray khân may nơm bơh nau ƀơ̆ tă bơh neh ntu.

I Samuel 24:13

Brah Yêhôva mra plơng bôk may jêh ri gâp; ƀiălah gâp mâu yơr ti ƀư ma may ôh.