Êsai 32:19 - Nau Brah Ndu Ngơi 2023

¹⁹ Ƀiălah mih pler mra nkhŭt tâm krŏng, Jêh ri ƀon toyh mra rlâm,

Êsai 32:19 ပူးပေါင်းရင်းမြစ်များ

Êsai 10:18

Bi ma nau ueh bri krŏng jêh ri mir tơm play hađăch nây, Păng mra ƀư rai lĕ rngôch, nđâp ma huêng jêh ri săk jăn, Tâm ban ma bunuyh mâu hôm geh suan hăn ndĭt ndĭu.

Êsai 10:19

Đơ si hôm tâm krŏng mra hôm e djê̆, Du huê kon se ăt dơi geh đŏng kơp rnoh păng.

Êsai 10:33

Aơ, Kôranh Brah jêng Brah Yêhôva ma phung tahan, Mra dŏng nau dơi krit ngăn koh lơi n'gĭng tơm si; Đơ tơm si hưn mra kăl cha lôt, Đơ tơm si prêh toyh bu mra hŭch lơi.

Êsai 24:10

Ƀon toyh uh ah hŏ rlâm rai chah jêh; Ngih vâl nchăng da dê, mâu hôm geh nơm lăp ta nây ôh.

Êsai 24:12

Tâm ƀon knŏng hôm nau rngol, Mpông ƀon bu mbang chah rai lôch jêh.

Êsai 25:2

Yorlah May hŏ ƀư jêh ƀon toyh plơ̆ jêng du mbŭch ƀrĭk hăch, Ƀon dŭt nâp ngăn plơ̆ jêng mbŭch rlâm rai nchah. Ngih hađăch phung bu năch mâu hôm jêng ƀon ôh, Bu mra mâu hôm rdâk tay păng ôh.

Êsai 25:4

Yorlah May jêng ntŭk phung o ach nsing, Jêng ntŭk nde nâp ma phung nau ndĭt trơi tâm nôk jêr jŏt ngăn, Jêng ntŭk krap bơh sial phŭt, Jêng gui n'hâm der nôk nar duh, Nôk phung ƀai khôm n'hâm luh Tâm ban ma sial phŭt njach mpêr ƀon,

Êsai 26:5

Păng n'glưh jêh phung gŭ ta ntŭk prêh; Ƀư rai lơi ƀon dŭt prêh, Rli jêng neh lâng rlĭ Jêh ri klŭp păng ta neh muy.

Êsai 27:10

Yorlah ƀon nâp hŏ jêng rngot njăp jêh, Ntŭk gŭ bu rngol jêh ri bu chuêl tâm ban ma bri rdah. Kon ndrôk mra sa gơ̆ ta nây, Bê̆ch jêh ri sa lĕ n'gĭng si ta nây.

Êsai 28:17

Gâp mra sŏk nau di ƀư rse veh, Jêh ri nau sŏng srăng jêng ndơ veh rnhuan; Mih pler mra pih kloh ntŭk phung mƀruh nsing, Dak mra lip lĕ ntŭk du krap.”

Êsai 28:2

Aơ, bơh ntŭk Kôranh Brah geh du huê nơm ktang jêh ri geh nau dơi, Nâm bu mih tŭp pler, phŭt chuănh ƀư rai, Tâm ban ma dak toyh pling ntôr, dak lip lam ntŭk; Păng mra dong ti klŭp păng ta neh.

Êsai 29:4

Bu mra tâp brôi may, jêh ri bơh ntŭk jru tâm dâng neh, may mra kuăl huy, Bơh ndruyh neh, nau may ngơi huơi ngăn. Bâr may nter luh bơh neh tâm ban ma bâr phan, Nau may ngơi huêt bơh ndruyh neh.

Êsai 30:30

Brah Yêhôva mra ăn bu iăt bâr nau rnam Păng. Păng mra ăn bu saơ ti ktang Păng tâm nau ji nuih, ma ŭnh sa, ma sial phŭt, sial phŭt ktang jêh ri mih pler.

Êsai 37:24

May prơh jêh phung oh mon may mưch rmot ma Kôranh Brah, May lah: “Ma ndeh seh gâp âk ir, Gâp hao lĕ ta klơ n'gơn yôk prêh, Tât n'gơn yôk prêh lơn tâm bri Liban. Gâp mra kăl lĕ tơm si sêdar prêh lơn, Jêh ri lĕ tơm si chiprơ dŭt ueh lơn. Gâp mra tât ta ntŭk ngai Tâm bri krŏng tơm si dŭt pŭm.

Nahum 1:1

Nau mbơh lor ma Ninive. Ndrom samƀŭt nau Y-Nahum, bunuyh ƀon Êlkôs tâm saơ.

Nahum 1:8

Ƀiălah Păng sŏk dak lip ler băm Gay ƀư rai lĕ ntŭk păng gŭ, Jêh ri hăn tĭng phung rlăng Păng lăp tâm nau ngo.

Sakari 11:2

Hơi tơm n'ho, nhĭm vơl hom yorlah tơm si sêdar lĕ cha lôt jêh, Lĕ tơm si ueh lĕ bu ƀư rai jêh. Hơi tơm si guyh bri Basan, nhĭm vơl hom, Yorlah bri krŏng mbâl lĕ bu kăl jêh!

Mathay 7:25

Nđâp tơlah geh trôk mih, dak lêng lip tât, sial khôm ktang, ngih nây ăt dâk nâp, yorlah bu ƀư păng ta klơ lŭ toyh.

Nau Tâm Mpơl 18:21

Nôk nây, du huê tông mpăr bêng nau dơi sŏk du mlâm lŭ toyh nâm bu mpăl kĭn toyh klŭp tâm dak mƀŭt jêh ri lah: “Babilôn, ƀon dŭt toyh bu mra klŭp păng trŭnh tâm ban pônây, jêh ri mâu hôm geh nơm mra joi saơ păng.

Nau Tâm Mpơl 8:7

Tông mpăr tal nguay uh nŭng, geh mih pler jêh ri ŭnh tâm pot đah mham nkhŭt tâm neh ntu. Du kô̆ tâm pe neh ntu ŭnh sa, du kô̆ tâm pe tơm si ŭnh sa, jêh ri lĕ rngôch gơ̆ nđĭr ŭnh sa lĕ.