Êsai 32:14 - Nau Brah Ndu Ngơi 2023

¹⁴ Ngăn yơh, bu mra chalơi ngih hađăch, Ƀon toyh mra jêng rngot njăp; Yôk jêh ri ngih tŭm gak mra jêng trôm mpa bri lĕ rngôch rnôk n'ho ro Ntŭk pâl ma seh bri, Jêh ri ƀư ndrêch gơ̆ ma phung mpô mpa sa,

Êsai 32:14 ပူးပေါင်းရင်းမြစ်များ

II Phung Hađăch 25:9

Păng su rai ngih brah Brah Yêhôva, ngih hađăch, jêh ri lĕ rngôch ngih tâm ƀon Yêrusalem; păng su lĕ rngôch ngih phung ndrŏng.

II Nau Rêh Jêng 33:14

Jêh nau nây, păng ƀư mpêr padih ƀon Đavit, mpeh ma nhâp nar ƀon Gihôn, tâm rlŭng, tât ma ntŭk lăp mpông pêr ka, jêh ri văr jŭm ƀon Ôphel; hađăch ndâk mpêr nây prêh ngăn. Jêh nây păng đă phung kôranh chiă uănh tahan tâm lĕ rngôch ƀon geh pôih nâp tâm n'gor Yuđa.

Nêhêmi 3:26

Phung pah kan ngih ƀư brah gŭ ta Ôphel nkra mpêr ƀon tât ma ntŭk tâm tra đah mpông pêr Dak mpeh luh nar jêh ri tât ma vâl tŭm prêh klơ.

Nau Mprơ Ơm 104:11

Khân păng ăn dak nhêt ma lĕ rngôch mpô mpa tâm bri; Phung seh bri dơi bah ji hir.

Êsai 22:2

Ơ ƀon bêng ma nau drưh drưh drơu drơu, Jêng ƀon toyh maak răm ri! Phung khân may bu nkhĭt mâu yor ma đao ôh, Mâu lĕ khân păng khĭt tâm nau tâm lơh.

Êsai 24:10

Ƀon toyh uh ah hŏ rlâm rai chah jêh; Ngih vâl nchăng da dê, mâu hôm geh nơm lăp ta nây ôh.

Êsai 24:12

Tâm ƀon knŏng hôm nau rngol, Mpông ƀon bu mbang chah rai lôch jêh.

Êsai 25:2

Yorlah May hŏ ƀư jêh ƀon toyh plơ̆ jêng du mbŭch ƀrĭk hăch, Ƀon dŭt nâp ngăn plơ̆ jêng mbŭch rlâm rai nchah. Ngih hađăch phung bu năch mâu hôm jêng ƀon ôh, Bu mra mâu hôm rdâk tay păng ôh.

Êsai 27:10

Yorlah ƀon nâp hŏ jêng rngot njăp jêh, Ntŭk gŭ bu rngol jêh ri bu chuêl tâm ban ma bri rdah. Kon ndrôk mra sa gơ̆ ta nây, Bê̆ch jêh ri sa lĕ n'gĭng si ta nây.

Êsai 3:26

Lĕ mpông pêr Siôn mra nhĭm nhhiăng jêh ri ndrê klâng; Khân păng mra gŭ tâm bri rngol.

Êsai 5:9

Brah Yêhôva ma phung tahan lah jêh ma tôr gâp: “Nanê̆ ngăn, geh âk rplay ngih mra jêng rngot njăp, Lĕ ngih toyh jêh ri ueh nây mâu mra geh bunuyh gŭ ôh!

Êsai 6:11

Gâp ôp, “Ơ Kôranh Brah, kŏ tât ndah jŏ?” Păng plơ̆ lah: “Kŏ tât âk ƀon toyh jêng rngot njăp, Mâu geh bunuyh gŭ ôh, Ngih mâu geh bunuyh gŭ, Jêh ri lĕ bri neh plơ̆ jêng rngol lĕ ƀhiau;

Êsai 7:23

Tât nôk nây, ta ăp ntŭk tăm du rbăn tơm krăk ƀâu, rnoh khlay du rbăn rlay prăk, mra hon bêng rtau lok jêh ri pih pŭm.

Yêrêmi 14:6

Seh bri gŭ ta klơ lĕ yôk hil, Nsôr n'hâm nthôk nthơk nâm bu so bri, Măt lĕ huănh Yor mâu geh gơ̆.”

Yêrêmi 33:4

Bi ma ngih vâl tâm ƀon aơ jêh ri ngih hađăch phung Yuđa bu hŏ rơih jêh gay ndâk njêng mpêr king tâm rdâng lĕ pôih nâp jêh ri đah tak đao phung rlăng, pôri Yêhôva, Brah Ndu phung Israel, lah pô aơ:

Yêrêmi 52:27

Hađăch Babilôn dong jêh ri nkhĭt khân păng ta ƀon Ribla, tâm n'gor Hamat. Nây jêng phung Yuđa bu veng leo ƀư bu nă tâm n'gor bri êng.

Yêrêmi 6:5

Aƀaơ, he rduh lơh hom tâm dôl măng, Ƀư rai lĕ ngih hađăch păng!”

Ndrom Samƀŭt bơh Ôsê 2:3

Tơlah mâu, Gâp mra doh lơi rhôk păng, Ăn păng nâm bu nar mhe luh bơh ndŭl mê̆, Njêng păng jêng bri rdah, Jêng ntŭk neh kro, Ăn păng mra khĭt ji hir.

Mika 3:12

Pônây, yor khân may Siôn bu mra chuar nâm bu lôk mir; Yêrusalem mra jêng du mbŭch rlâm rai, Jêh ri yôk ngih brah mra jêng nâm bu yôk bri krŏng!

Sôphôni 2:15

Ƀon toyh aơ răm maak hŏ gŭ jêh ma nau mpăn lah êng pô aơ: “Gâp aơ, padih gâp mâu hôm geh bunuyh êng ôh!” Ƀiălah aƀaơ păng lĕ jêng rngol jêh, Ƀư ntŭk ma phung mpô mpa bri bê̆ch kuen! Ăp bunuyh hăn rgăn gơm mưch rvêh ti nsŭch da dê!

Sôphôni 2:7

N'gor nây mra jêng ăn ma phung ngih Yuđa hôm e klen; Khân păng mra chiăp biăp ta nây. Lah ngo, khân păng mra bê̆ch măng Tâm lĕ ngih ƀon Askalôn; Yorlah Yêhôva Brah Ndu khân păng mra chop khâl khân păng, Jêh ri leo phung tă ƀư bu nă ăn khân păng plơ̆ sĭt.

Luka 21:20

Ƀiălah tơlah khân may saơ phung tahan gŭ jŭm ƀon Yêrusalem, ăn khân may gĭt nau ƀư rai păng dăch jêh.

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.