Êsai 32:13 - Nau Brah Ndu Ngơi 2023

¹³ Yor neh phung ƀon lan Gâp, Hon tơm lok jêh ri pih pŭm, Yor lĕ rngôch ngih maak tâm ƀon răm maak. Mâu hôm geh ôh.

Êsai 32:13 ပူးပေါင်းရင်းမြစ်များ

Nau Mprơ Ơm 107:34

Jêh ri neh hon ndơ jêng neh chiăt, Yor nau djơh mhĭk phung gŭ ta nây.

Êsai 22:2

Ơ ƀon bêng ma nau drưh drưh drơu drơu, Jêng ƀon toyh maak răm ri! Phung khân may bu nkhĭt mâu yor ma đao ôh, Mâu lĕ khân păng khĭt tâm nau tâm lơh.

Êsai 23:7

Di lĕ aơ jêng ƀon khân may hâk răm? Jêng ƀon geh bơh rnôk ơm kăl e Jâng păng hŏ njŭn leo păng Tât ta gŭ lĕ nkual ngai.

Êsai 23:9

Brah Yêhôva ma phung tahan yơh hŏ dăp nal nau nây, Gay ma ntrŭnh nau sưr lĕ rngôch nau chrêk rmah, Gay ƀư bêk lĕ rngôch phung bu yơk ta neh ntu.

Êsai 24:11

Bu nter ta trong sâng yor mâu geh ndrănh; Lĕ rngôch nau hâk răm jêng nau ngo klĕng da dê, Nau maak ta neh hŏ du ngai!

Êsai 27:10

Yorlah ƀon nâp hŏ jêng rngot njăp jêh, Ntŭk gŭ bu rngol jêh ri bu chuêl tâm ban ma bri rdah. Kon ndrôk mra sa gơ̆ ta nây, Bê̆ch jêh ri sa lĕ n'gĭng si ta nây.

Êsai 34:13

Tơm lok mra hon tâm ngih hađăch khân păng, Pih pŭm jêh ri gơ̆ chăt hon tâm lĕ pôih khân păng. Păng mra jêng ntŭk prăp ma so bri, Jêh ri ntŭk gŭ sĭm ôtrus.

Êsai 5:10

Du đang krăk ƀâu klăp lah puăn hectar Geh knŏng bar jât ma bar lit ndrănh krăk ƀâu; Bar rhiăng bar jât lit găr ntil Geh knŏng bar jât ma bar lit ba.”

Êsai 5:6

Gâp mra ƀư ăn păng jêng rngot njăp, Mâu koh n'gĭng, mâu đŏng brôi tơm; Rtau lok jêh ri pih pŭm mra chăt hon ta nây. Gâp ntăm đŏng ma tŭk Mâu hôm ăn dak mih ma păng ôh.”

Êsai 55:13

Tơm si mirtơ mra hon ntrok ma pŭm lok, Jêh ri tơm si mirtơ mra hon ntrok ma lok rting; Nau nây mra jêng ndơ gĭt năl ma amoh Brah Yêhôva, Jêh ri jêng du nau tâm mbên n'ho ro, mâu mâp ƀư rai ôh.”

Êsai 6:11

Gâp ôp, “Ơ Kôranh Brah, kŏ tât ndah jŏ?” Păng plơ̆ lah: “Kŏ tât âk ƀon toyh jêng rngot njăp, Mâu geh bunuyh gŭ ôh, Ngih mâu geh bunuyh gŭ, Jêh ri lĕ bri neh plơ̆ jêng rngol lĕ ƀhiau;

Êsai 7:23

Tât nôk nây, ta ăp ntŭk tăm du rbăn tơm krăk ƀâu, rnoh khlay du rbăn rlay prăk, mra hon bêng rtau lok jêh ri pih pŭm.

Yêrêmi 33:4

Bi ma ngih vâl tâm ƀon aơ jêh ri ngih hađăch phung Yuđa bu hŏ rơih jêh gay ndâk njêng mpêr king tâm rdâng lĕ pôih nâp jêh ri đah tak đao phung rlăng, pôri Yêhôva, Brah Ndu phung Israel, lah pô aơ:

Yêrêmi 39:8

Phung Kaldê su ngih hađăch jêh ri ngih vâl phung ƀon lan, ƀư rai lơi mpêr ƀon toyh Yêrusalem.

Yêrêmi 52:27

Hađăch Babilôn dong jêh ri nkhĭt khân păng ta ƀon Ribla, tâm n'gor Hamat. Nây jêng phung Yuđa bu veng leo ƀư bu nă tâm n'gor bri êng.

Ndrom Samƀŭt bơh Ôsê 10:8

Lĕ ntŭk prêh klơ ta Aven, nây jêng nau tih Israel, Bu mra ƀư rai lơi. Tơm pôm jêh ri pih pŭm mra hon Ta klơ nơng ƀư brah khân păng. Rnôk nây, khân păng mra lah ma lĕ yôk pô aơ: Ăn nkŭm lơi hên! Jêh ri lah ma lĕ gôl pô aơ: Tŭp hom ta klơ hên!

Ndrom Samƀŭt bơh Ôsê 2:3

Tơlah mâu, Gâp mra doh lơi rhôk păng, Ăn păng nâm bu nar mhe luh bơh ndŭl mê̆, Njêng păng jêng bri rdah, Jêng ntŭk neh kro, Ăn păng mra khĭt ji hir.

Ndrom Samƀŭt bơh Ôsê 9:6

Nđâp tơlah khân păng klaih bơh nau ƀư rai, Êjipt mra rgum khân păng, Jêh ri Mêmphis mra tâp brôi khân păng. Pih pŭm mra nkŭm ta klơ lĕ ndơ khân păng ƀư ma prăk dŭt khlay, Pôm lok mra hon chăt tâm ngih bok khân păng.