Êsai 32:10 - Nau Brah Ndu Ngơi 2023

¹⁰ Tâm du năm jêh ri bar pe nar đŏng, Khân ay jêng phung mâu gĭt njrăng mra râm sâr, Yorlah yan pĕ play krăk ƀâu mra roh, Jêh ri yan kăch roih mâu đŏng geh.

Êsai 32:10 ပူးပေါင်းရင်းမြစ်များ

Êsai 16:10

Bu hŏ sŏk lơi jêh nau răm maak Bơh đang tơm sa play; Jêh ri tâm đang krăk ƀâu Mâu lĕ hôm geh nau troh răm maak, Mâu geh nơm jot play krăk ƀâu tâm ntu păt ndrănh; Gâp hŏ ƀư roh jêh nau troh răm maak ma nơm jot play krăk ƀâu.

Êsai 7:23

Tât nôk nây, ta ăp ntŭk tăm du rbăn tơm krăk ƀâu, rnoh khlay du rbăn rlay prăk, mra hon bêng rtau lok jêh ri pih pŭm.

Yêrêmi 8:13

Brah Yêhôva lah: “Gâp ŭch rgum khân păng jêh ri ƀư rai lĕ khân păng, Mâu mra hôm play krăk ƀâu ta klơ tơm krăk ƀâu, Mâu hôm play rvi ta klơ tơm rvi; N'ha mra kro klêu; Moh ndơ Gâp hŏ ăn ma khân păng bu mra sŏk lơi.”

Ndrom Samƀŭt bơh Ôsê 2:12

Gâp mra ƀư rai lĕ tơm krăk ƀâu jêh ri tơm rvi păng, Jêng lĕ tơm si păng tâm mpơl pô aơ: ‘Aơ jêng prăk nkhôm Phung rŏng ăn jêh ma gâp.’ Gâp mra njêng khân păng jêng bri rngol Ăn lĕ mpô mpa bri sa rvăn păng.

Ndrom Samƀŭt bơh Ôsê 3:4

Yorlah tâm năng nar jŏ jong, phung ƀon lan Israel mâu geh hađăch ôh, mâu geh kôranh chiă uănh, mâu geh mpa ƀư brah, mâu geh meh n'gâng brah, mâu geh êphôt jêh ri mâu geh têraphim.

Yôel 1:12

Tơm krăk ƀâu huănh kro, tơm rvi roh rai; Nđâp tơm pom gra nat, tơm đung, tơm pôm, Jêh ri lĕ rngôch tơm si tâm mir huănh kro da dê; Nau răm maak kon bunuyh huănh roh tâm ban lĕ!

Yôel 1:5

Hơi phung nhŭl ndrănh, kah rngăl hom jêh ri nhĭm nhhiăng! Hơi lĕ rngôch phung vay nhêt ndrănh, nhĭm nhhiăng hom, Yorlah ndrănh njŭng lĕ bu sŏk jêh tă bơh trôm mbung khân may!

Yôel 1:7

Khân păng ƀư rai tơm krăk ƀâu Gâp, Jêh ri n'huk ntâu tơm rvi Gâp; Khân păng n'huk lơi lĕ ntâu jêh ri mƀăr lơi, Ăn lĕ n'gĭng tơm si jêng nglang.

Habakuk 3:17

Nđâp lah tơm play rvi mâu mra chăt nkŭr đŏng ôh, Đang krăk ƀâu rlu luh play, Tơm ôlive mâu đŏng geh play, Mir ba mâu geh ôh luh ndơ sông sa, Phung biăp roh êng tă bơh ndrung, Jêh ri phung ndrôk mâu geh đŏng ôh tâm trôm ndrung,

Sôphôni 1:13

Drăp ndơ khân păng bu mra sŏk pit, Ngih vâl bu mra chalơi rngot. Khân păng mra ndâk ngih ƀiălah mâu geh gŭ ôh, Tăm tơm krăk ƀâu ƀiălah mâu geh nhêt ôh dak ndrănh.”