Êsai 31:7 - Nau Brah Ndu Ngơi 2023

⁷ Yorlah tâm nar nây, ăp nơm mra mƀăr lơi lĕ rup brah ƀư ma prăk jêh ri ma mah, yor bơh ti tih mhĭk khân may nơm ƀư jêh.

Êsai 31:7 ပူးပေါင်းရင်းမြစ်များ

Êsai 17:8

Khân păng mâu mra mĭn ôh ma lĕ nơng ƀư brah jêng kan ti khân păng nơm ƀư, jêh ri khân păng mâu hôm uănh ma lĕ ndơ nglau ti khân păng njêng jêh, gĭt lah rup brah Asêrim mâu lah nơng ƀư brah nhhơr ndơ ƀâu kah.

Êsai 2:20

Tâm nar nây, bu mra klŭp lơi Ma đe, ma rêt Lĕ rup brah ƀư ma prăk, ma mah, Jêng ndơ khân păng hŏ ƀư gay ma yơk mbah.

Êsai 30:22

Khân may mra ƀư ƀơ̆ ƀơch lĕ rup trah chiăr ma prăk jêh ri rup tŏ ma mah. Khân may mra mƀăr lơi khân păng tâm ban ma ndơ ƀơ̆ jêh ri lah: “Du hom!”

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Ndrom Samƀŭt bơh Ôsê 14:8

Hơi Êphraim, mâm Gâp dơi dơh dăch đah lĕ rup brah? Gâp yơh hŏ mplơ̆ lah jêh ri mra uănh treng păng. Gâp mra jêng nâm bu tơm si chiprơ ndrêh ueh; Tă bơh Gâp yơh may luh kao play âk.”

Ndrom Samƀŭt bơh Ôsê 8:11

Dôl Êphraim lơ hâu ntop âk nơng ƀư brah gay chuai nau tih Pôri lĕ nơng ƀư brah nây lơ hâu ntŭp păng tâm nau tih.

Nau Vay Nkah Tay 7:25

Ăn khân may su ma ŭnh lĕ rup brah khân păng. Lơi kơnh ôh jêh nây sŏk ma khân may nơm prăk mâu lah mah ta klơ rup nây, klach lah khân may tŭp tâm dăk sân, yorlah nây jêng ndơ tâm rmot đah Yêhôva Brah Ndu khân may.