Êsai 31:4 - Nau Brah Ndu Ngơi 2023

⁴ Brah Yêhôva lah jêh ma gâp tâm ban pônây: “Tâm ban ma yau mŭr mâu lah kon yau mŭr rđuh ngrông nôk păng dơi nhŭp mpa jêh, Nđâp tơlah du phung rmăk biăp rgum tay gay tâm rdâng đah păng, Păng mâu klach ôh yor nau bâr nter khân păng, Mâu yor nau drơu drơu ƀư ăn khân păng klach krit; Kơt nây đŏng, Brah Yêhôva ma phung tahan mra jŭr văch Gay tâm lơh ta klơ yôk Siôn jêh ri ta klơ yôk păng.

Êsai 31:4 ပူးပေါင်းရင်းမြစ်များ

II Nau Rêh Jêng 20:15

Păng lah: “Ơ lĕ rngôch phung Yuđa jêh ri phung gŭ tâm ƀon Yêrusalem, jêh ri hađăch Jôsaphat, iăt hom! Brah Yêhôva lah ma khân may kơt aơ: ‘Lơi ta klach ôh, lơi krit ôh tanăp phung tahan âk râk nây, yorlah nau tâm lơh aơ mâu jêng kan khân may ôh, ƀiălah jêng kan Brah Ndu.

Nau Ngluh Êjipt 14:14

Brah Yêhôva mra tâm lơh an ma khân may, bi khân may ăn gŭ rklăk.”

Nau Ngluh Êjipt 14:25

Brah Ndu doh jâng ndeh seh khân păng, ƀư ăn khân păng ƀĭt ndeh seh hŏt rgănh. Phung Êjipt tâm lah ndrăng khân păng nơm. “Ăn he nchuăt bơh phung Israel, yorlah Brah Yêhôva tâm tang an ma ƀon lan nây tâm lơh đah phung Êjipt.”

Êsai 10:16

Yor nây, Kôranh Brah jêng Brah Yêhôva ma phung tahan Mra ƀư ma phung janh ktang hađăch nây plơ̆ jêng rgay grol; Jêh ri tâm dâng nau chrêk rmah hađăch nây, Ŭnh mra sa tâm ban ma du mbŭch ŭnh su.

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsai 30:30

Brah Yêhôva mra ăn bu iăt bâr nau rnam Păng. Păng mra ăn bu saơ ti ktang Păng tâm nau ji nuih, ma ŭnh sa, ma sial phŭt, sial phŭt ktang jêh ri mih pler.

Êsai 30:32

Ăp tơ̆ Brah Yêhôva yơr mâng phat dôih tâm rmal lĕ dăp nal jêh ma khân păng, geh nteh gâr jêh ri gong rêng loih; jêh ri Păng yơr ti tâm lơh đah khân păng.

Êsai 42:13

Brah Yêhôva mra hăn panăp tâm ban ma du huê nơm tahan janh ktang, Tâm ban ma du huê bunuyh tahan bêng ma nau duh nđơr; Păng nter, ngơi huy rduh tâm lơh, Jêh ri Păng mra lơh rai lĕ phung rlăng đah Păng nơm.

Yêrêmi 50:44

Aơ, nâm bu yau mŭr tă bơh lĕ bri krŏng dak krong Yurdan hăn tât ma ndrêch gơ̆ nse ƀaƀơ; Gâp mra ƀư ăn phung Babilôn ƀât lât nchuăt du jêh ri njêng bunuyh Gâp hŏ săch jêh gay chiă uănh păng. Yorlah mbu moh nâm bu Gâp? Mbu nơm mra dơi ntrŭnh ăn ma Gâp? Mbu rmăk biăp nănh tâm rdâng đah Gâp?”

Ndrom Samƀŭt bơh Ôsê 11:10

Khân păng mra chuat tĭng Brah Yêhôva, Păng ngrông nâm bu yau mŭr; Ngăn yơh, Păng mra ngrông, Phung kon păng văch tă bơh mpeh nhâp nar ma nau râm nsâr ngăn.

Amôt 3:8

Tơlah yau mŭr rđuh ngrông Pôri mbu nơm mâu klach? Tơlah Kôranh Brah Yêhôva ntĭm nti Pôri mbu nơm mâu ngơi nau mbơh lor?

Sakari 12:8

Tâm nar nây, Brah Yêhôva mra ƀư Nơm king n'gang ma phung gŭ ta ƀon Yêrusalem. Nôk nây, phung ra ai ngăn tâm phung khân păng mra jêng nâm bu Y-Đavit; ngih Y-Đavit mra jêng nâm bu Brah Ndu, jêh ri mra jêng nâm bu tông mpăr Brah Yêhôva hăn lor panăp khân păng.

Sakari 14:3

Nôk nây, Brah Yêhôva mra hăn tâm lơh đah lĕ rngôch bri dak nây, nâm bu Păng hŏ lơh jêh tâm rnôk tâm lơh.

Sakari 2:5

Brah Yêhôva lah: ‘Gâp nơm yơh mra jêng du mpêr ŭnh gŭ jŭm păng, jêh ri nau chrêk ma lơp Gâp mra gŭ ta nklang păng.’”

Sakari 9:15

Brah Yêhôva ma phung tahan mra mât njrăng khân păng, Khân păng mra sa rvăn jêh ri jot lơi lĕ găr lŭ dŏng pănh na; Khân păng mra nhêt sa jêh ri ƀư drơu drơu nâm bu nhŭl ndrănh, Jêh ri mra bêng ler nâm bu tâm ngan rlŭ, Nâm bu ăp njônh nơng ƀư brah.

Sakari 9:8

Gâp mra ƀư pôih gay gak ngih Gâp, Gay njrăng ma bunuyh hăn nsong. Nơm tŭn jot mra mâu hôm tŭn jot phung ƀon lan Gâp đŏng ôh, Yorlah aƀaơ ri Gâp hŏ treng uănh đah trôm măt Gâp nơm.

Nau Tâm Mpơl 10:3

jêh ri nter bâr huy nâm bu nter ngrông yau mŭr. Tơlah tông mpăr nter bâr huy geh pơh ndăr nglaih nteh huy.

Nau Tâm Mpơl 5:5

Ƀiălah du huê tâm phung kôranh bu ranh lah ma gâp: “Lơi ta nhĭm, ri, Yau mŭr tă bơh ndŭl mpôl Yuđa, phung kon sau Y-Đavit, dơi jêh rĭ dĭng dơi pơk ndrom samƀŭt jêh ri doh lơi ndơ pơh tâp pŏng.”