Êsai 31:1 - Nau Brah Ndu Ngơi 2023

¹ Rêh ni ngăn ma phung hăn jŭr ta bri Êjipt ŭch geh nau kơl, Rnơm ma seh ndơ tâm lơh, Rnơm ma ndeh seh âk, Jêh ri rnơm ma phung tahan ncho seh dăng ktang, Ƀiălah mâu uănh ôh ma Nơm Kloh Ueh Israel, Jêh ri mâu joi dăn Brah Yêhôva!

Êsai 31:1 ပူးပေါင်းရင်းမြစ်များ

Nau Ntơm 47:17

Phung ƀon lan njŭn mpô mpa ma Y-Yôsep. Y-Yôsep rgâl ndơ sông sa ma seh, ma biăp, ma ndrôk, jêh ri ma seh bri. Năm nây, păng ăn ndơ sông sa ma khân păng jêh ri rgâl ma lĕ rngôch phung mpô mpa khân păng.

II Nau Rêh Jêng 16:7

Nôk nây lĕ, nơm geh nau tâm saơ Y-Hanani hăn tâm mâp đah Y-Asa, hađăch Yuđa, jêh ri lah: “Yorlah may rnơm nsing ma hađăch Aram ƀiălah mâu rnơm nsing ôh ma Yêhôva Brah Ndu may, rĭ dĭng phung tahan Aram lĕ klaih jêh bơh may.

II Nau Rêh Jêng 16:9

Yorlah măt Brah Yêhôva uănh treng tâm lam neh ntu gay kơl nau ktang ma phung geh nuih n'hâm ueh đah Păng. Tâm nau aơ, may hŏ gŭ ngao ma nau rluk; yorlah ntơm aƀaơ rlet ô klak, may mra geh nau tâm lơh ƀaƀơ.”

Ndrom Samƀŭt bơh Yôp 39:11

Păng hăn nsong lam dor yôk nâm bu gơ̆ ndrêch ma păng, Gay tĭng joi tơm si n'ha ndrêh.

Nau Mprơ Ơm 20:7

Bunuyh aơ rnơm nsing ma ndeh, bunuyh êng rnơm nsing ma seh, Ƀiălah he rnơm nsing ma amoh Brah Yêhôva jêng Brah Ndu he.

Êsai 10:17

Nau ang phung Israel mra jêng ŭnh, Nơm Kloh Ueh khân păng mra jêng du mpiăt ŭnh, Mra su ma ŭnh jêh ri su lơi rtau lok jêh ri pih pŭm Knŏng tâm du nar.

Êsai 2:7

Bri dak khân păng bêng ma prăk mah Jêh ri drăp ndơ khlay dŭt âk; Bri dak khân păng bêng ma seh tâm lơh Jêh ri âk râk ndeh seh.

Êsai 20:5

Rnôk nây, mbu uănh bri Kus jêng nau kâp gân, jêh ri uănh Êjipt jêng nau hưn ma păng mra klach krit jêh ri bêk prêng.

Êsai 22:11

Khân may lŏ ndâk ntu prăp dak vah vang bar tăp mpêr ƀon gay prăp dak bơh dak nglao ơm, ƀiălah khân may mâu rnơm ôh ma Nơm ƀư nau nây; khân may mâu uănh ma Nơm hŏ ŭch ƀư nau nây bơh kăl e.

Êsai 30:16

Khân may lah: ‘Mâu, hên mra ncho seh nchuăt du!’ Yor nây, khân may mra nchuăt du. ‘Hên mra ncho seh nchuăt ngăch!’ Yor nây, phung tĭng groi khân may mra nchuăt ngăch đŏng!

Êsai 36:6

Aơ, may rnơm nsing ma n'gor Êjipt, jêng mâng ma tơm rpho lĕ deh jêh, ma mbu nơm rnơm nsing ma păng, păng mra ntâp bluh lăp tâm ti nơm nây. Pharaôn, hađăch Êjipt, ƀư jêng tâm ban pônây đah lĕ rngôch phung rnơm nsing ma păng.

Êsai 36:9

Nđâp tơlah may rnơm nsing ma n'gor Êjipt gay geh ndeh seh jêh ri phung tahan ncho seh, mâm may dơi mprơh du huê kôranh tahan jê̆ lơn tâm phung oh mon kôranh gâp?

Êsai 43:15

Gâp jêng Brah Yêhôva, Nơm Kloh Ueh khân may, Nơm rhăk phung Israel, jêng hađăch khân may.”

Êsai 5:12

Tâm nau khân păng nhêt sông maak, Geh gong rêng loih, gông rêng, gâr jê̆, n'hôm jêh ri ndrănh; Ƀiălah khân păng mâu meng ma kan Brah Yêhôva ôh, Mâu lĕ saơ kan ti Păng ƀư.

Êsai 57:9

May hŏ djôt dak ngi jêh ri ntop dak si ƀâu kah Hăn nhhơr ma brah tih Môlek; May đă phung mbơh ktang may nơm hăn n'gor ngai, Ntrŭnh săk nơm tât ƀon phung khĭt!

Êsai 64:7

Mâu geh nơm kuăl mbơh sơm ma amoh May, Mâu lah nsrôih kuăn May; Yorlah May pôn jêh muh măt bơh hên, Gay ma hên rai lôch tâm nau kue hên.

Êsai 9:12

Ƀiălah phung ƀon lan mâu sĭt ôh ma nơm dong khân păng, Mâu lĕ khân păng joi Brah Yêhôva ma phung tahan.

Êsai 9:13

Yor nây, knŏng tâm du nar, Brah Yêhôva mra koh lơi bơh phung Israel Nđâp bôk jêh ri chiăng, nđâp ma n'gĭng tơm jŏk ndrel ma tơm rpho.

Yêrêmi 17:5

Brah Yêhôva lah: “Di ma rak rtăp ăn ma nơm nsing ma kon bunuyh, Sŏk nau nglay săk ƀư tur ti, Nuih n'hâm nkhah du bơh Brah Yêhôva.

Yêrêmi 2:13

“Phung ƀon lan Gâp hŏ tih bar ntil nau mhĭk: Khân păng hŏ chalơi Gâp, Jêng tu dak rêh; Kuyh êng ntu dak, Ntu dak lĕ đang, Mâu hôm prăp dak.

Yêrêmi 37:7

“Yêhôva Brah Ndu Israel lah: ‘Khân may lah tay ma hađăch Yuđa, nơm hŏ prơh khân may hăn ôp ma Gâp, pô aơ: Aơ, phung tahan Pharaôn hŏ văch gay kơl khân may mra plơ̆ sĭt rlet bri dak khân păng jêng Êjipt.

Yêrêmi 42:14

jêh ri lah pô aơ: ‘Mâu, hên ŭch hăn ma n'gor bri Êjipt, jêng ntŭk hên mâu mra saơ nau tâm lơh, mâu tăng bâr nŭng đŏng ôh, hên mâu mra rvê kƀah ndơ sông sa đŏng ôh, jêh ri hên mra gŭ rêh ta nây yơh,’

Êsêkiêl 17:15

Ƀiălah, hađăch nây hŏ tâm rdâng đah hađăch Babilôn, mprơh nơm hăn mbơh tât ma n'gor bri Êjipt gay ma phung Êjipt ăn seh gay tâm lơh jêh ri du phung tahan âk. Păng mra dơi lĕ? Du huê bunuyh dơi klaih lĕ dôl ƀư pônây? Dơi lĕ păng chalơi rlau nau hŏ tâm rnglăp mâm dơi klaih lĕ?’

Êsêkiêl 29:16

Bri dak nây mâu hôm ƀư jêng ntŭk rnơm ăn ma ngih Israel đŏng ôh, ƀiălah Israel mra kah gĭt tay nau tih khân păng dôl khân păng plơ̆ dăn kơl ma bri dak nây. Nôk nây khân păng mra gĭt Gâp jêng Kôranh Brah Yêhôva.’”

Daniel 9:13

Lĕ rngôch nau mhĭk aơ ăn tât jêh ta klơ hên di nâm bu nchih jêh tâm nau vay Y-Môis. Nđâp tơlah pônây, hên ăt mâu vơl dăn ôh nau yô̆ bơh Yêhôva Brah Ndu hên gay chalơi nau djơh mhĭk jêh ri rle nuih n'hâm ma nau răp jăp May.

Ndrom Samƀŭt bơh Ôsê 11:5

Khân păng mâu mra plơ̆ sĭt ma n'gor bri Êjipt đŏng ôh, Ƀiălah phung Asiri mra ƀư hađăch ma khân păng, Yorlah khân păng mâu ŭch plơ̆ sĭt ma Gâp.

Ndrom Samƀŭt bơh Ôsê 11:9

Gâp mâu mra ƀư ôh tĭng nâm nau Gâp ji nuih Jêh ri mâu mra ƀư rai ôh Êphraim. Yorlah Gâp jêng Brah Ndu mâu di jêng bunuyh ôh; Gâp jêng Nơm Kloh Ueh gŭ ta nklang may, Gâp mâu mra văch ma may tâm nau ji nuih.

Ndrom Samƀŭt bơh Ôsê 14:3

Asiri mâu dơi tâm rklaih hên ôh, Hên mâu mra ncho seh tâm lơh đŏng ôh. Hên mâu mra lah đŏng ôh ndơ tă bơh ti hên ƀư Jêng brah hên đŏng ôh; Yorlah knŏng tâm May yơh, phung kon đơi ri mơ dơi dơn nau yô̆ nđach!”

Ndrom Samƀŭt bơh Ôsê 7:7

Lĕ rngôch khân păng duh da dê nâm bu năk ŭnh Sa rvăn phung kôranh phat dôih khân păng. Lĕ rngôch phung hađăch khân păng lĕ rlâm tŭp da dê Mâu geh ôh du huê tâm phung khân păng kuăl mbơh sơm ma Gâp.

Habakuk 1:12

Ơ Yêhôva Brah Ndu, Jêng Nơm Kloh Ueh gâp! Mâm mâu di May ơm geh ntơm bơh saơm n'ho ro mâu blau lôch? Pôri, hên mâu ôh mra khĭt! Ơ Brah Yêhôva, May hŏ săch jêh phung ƀon lan nây gay prăp ma nau phat dôih. Ơ Kôranh Brah jêng Lŭ Toyh, May hŏ ndâk jêh khân păng gay ma tâm rmal!

Habakuk 3:3

Brah Ndu văch tă bơh bri Têman Nơm Kloh Ueh văch tă bơh yôk Paran. Nau chrêk ma lơp Păng nkŭm lĕ ndâr trôk, Nau tâm rnê Păng nter huy lam neh ntu. (Sêla)

Sakari 10:5

Khân păng jêng nâm bu phung geh nau janh jot phung rlăng ta ntŭk tâm lơh Nâm bu neh bŏk rŏ trong sâng. Khân păng mra tâm lơh; yorlah Brah Yêhôva gŭ ndrel ma khân păng, Jêh ri phung bunuyh ncho seh mra prêng.”

Nau Vay Nkah Tay 17:16

Knŏng geh du nau hađăch nĕ mâu dơi ôh ntop âk seh, kŏ mâu đŏng yor ŭch ntop âk seh njŭn tay phung ƀon lan plơ̆ sĭt tay ta n'gor Êjipt, yorlah Brah Yêhôva hŏ ntăm jêh ma khân may pô aơ: ‘Khân may mâu đŏng dơi plơ̆ tay ta trong nây.’

Nau Vay Nkah Tay 20:1

“Lah hăn tâm lơh đah phung rlăng, tơlah khân may saơ khân păng geh âk seh, âk ndeh seh jêh ri phung tahan âk lơn ma khân may, lơi klach ôh, yorlah Yêhôva Brah Ndu khân may jêng Nơm hŏ njŭn leo jêh khân may luh bơh n'gor Êjipt, mra gŭ ndrel ma khân may.