Êsai 30:9 - Nau Brah Ndu Ngơi 2023

⁹ Yorlah khân păng jêng du phung ƀon lan tâm rdâng, Jêng phung kon mƀruh, Phung kon mâu ŭch iăt ôh Nau ntrŭnh bơh Brah Yêhôva.

Êsai 30:9 ပူးပေါင်းရင်းမြစ်များ

II Nau Rêh Jêng 33:10

Brah Yêhôva hŏ lah ma Y-Manasê jêh ri phung ƀon lan păng, ƀiălah khân păng mâu meng ôh.

Nau Mprơ Ơm 78:8

Jêh ri ăn khân păng mâu tâm ban ôh ma phung chô yau khân păng, Jêng ndŭl mpôl dăng bôk jêh ri uh ah, Du ndŭl mpôl mâu geh nuih n'hâm nâp Jêh ri mâu geh răp jăp đah Brah Ndu.

Nau Mprơ Ơm 81:12

Yor nây, Gâp jao khân păng ma nau nuih n'hâm dăng khân păng, Gay ma khân păng hăn tĭng nâm khân păng nơm mĭn.

Nau Hôr 28:9

Mbu nơm nsêt tôr mâu ŭch iăt ôh nau vay, Nau mbơh sơm bơh bunuyh nây khư ma nau tâm rmot.

Êsai 1:10

Ơ phung chiă uănh ƀon Sôdôm, Gŭ iăt hom nau Brah Yêhôva ngơi! Ơ phung ƀon lan Gômôrơ, Rkêng hom tôr iăt nau vay Brah Ndu he!

Êsai 1:2

Ơ lĕ ndâr trôk gŭ iăt hom, ơ neh ntu rkêng tôr iăt hom! Yorlah Brah Yêhôva lah pô aơ: “Gâp hŏ mât mơh jêh oh kon, ăn khân păng toyh kuăng, Ƀiălah khân păng tâm rdâng jêh đah Gâp.

Êsai 1:4

Rêh ni yơh ma bri dak ƀư nau tih, Phung ƀon lan ƀư nau tih jâk jêr Noi deh ƀư mhĭk, Phung kon gŭ ƀư nau ƀơ̆ ƀơch! Khân păng chalơi jêh Brah Yêhôva, Mưch rmot ma Nơm Kloh Ueh Israel, Plơ̆ jêng bu êng jêh ri nkhah du.

Êsai 10:5

Rêh ni ngăn ma Asiri, mâng rpăt nau Gâp ji nuih! Mâng jra tâm ti păng jêng nau Gâp ji nuih!

Êsai 10:6

Gâp njuăl păng hăn tâm rdâng đah bri dak mâu blau yơk ma Brah Ndu ôh, Gâp ntăm păng hăn tâm lơh đah phung ƀon lan nsônh ăn Gâp ji nuih, Gay ntŭng ndô ndơ, pit sŏk Jêh ri jot khân păng tâm ban ma neh bŏk ta trong.

Êsai 24:5

Rplay neh geh nau ƀơ̆ ƀơch Yor phung ƀon lan păng nơm, Yorlah khân păng hŏ ƀư tih nau vay, Mâu di đah nau vay dăp, Jêh ri ƀư rai lơi nau tâm rnglăp n'ho ro.

Êsai 28:15

Yorlah khân may lah jêh: “Hên hŏ ƀư jêh nau tâm rnglăp đah nau khĭt, Hên geh du nau tâm rnglăp đah ƀon phung khĭt Lah nau tât geh ƀư rai rmeh ler rgăn Mâu mra tât ma hên ôh. Yorlah hên sŏk jêh nau mƀruh jêng ntŭk hên nsing, Sŏk nau ndơm jêng ntŭk hên du krap.”

Êsai 30:1

Brah Yêhôva lah: “Rêh ni ngăn ma phung kon tâm rdâng! Khân păng tâm nchră kan mâu tĭng nau mĭn Gâp, Ƀư nau tâm rnglăp mâu tă Brah Gâp ôh, Gay ntop nau tih ma nau tih.

Êsai 48:4

Yorlah Gâp gĭt jêh khân may dăng bôk, Trô ko may geh rse suan loih, Ndăr kleng may dăng nâm bu kông,

Êsai 5:24

Yor nây, tâm ban ma mpiăt ŭnh sa rhe, Jêh ri gơ̆ kro roh rai tâm mpiăt ŭnh, Tâm ban pônây lĕ reh khân păng mra ôm rai Jêh ri kao khân păng mra khôm rdu tâm ban ma ndruyh neh; Yorlah khân păng dun jêh nau ntrŭnh bơh Brah Yêhôva ma phung tahan, Jêh ri uănh mâu khlay nau Nơm Kloh Ueh Israel ngơi.

Êsai 63:8

Yorlah Păng lah jêh: “Nanê̆, khân păng jêng ƀon lan Gâp, Jêng phung kon mâu mra ndơm mƀruh ôh.” Jêh ri Păng jêng Nơm Tâm Rklaih khân păng.

Êsai 65:2

Lĕ nar Gâp yơr ti Mpeh du phung ƀon lan vay tâm rdâng; Jêng phung hăn tâm trong mâu ueh, Tĭng nâm nau mĭn khân păng nơm;

Yêrêmi 35:14

Nau Y-Jêhônadap, kon bu klâu Y-Rêkap, ntĭnh ma phung kon sau păng mâu dơi nhêt ôh ndrănh, khân păng hŏ iăt jêh nau, kŏ tât nar aơ khân păng mâu nhêt ôh ndrănh yorlah hŏ tông jêh nau chô yau khân păng ntăm. Bi Gâp, Gâp lah ƀaƀơ ma khân may ƀiălah khân may mâu iăt ôh nau Gâp.

Yêrêmi 7:13

Brah Yêhôva lah: ‘Aƀaơ ri, yorlah khân may hŏ ƀư jêh lĕ nau nây, Gâp vay ngơi ƀaƀơ lah ma khân may ƀiălah khân may mâu iăt ôh; Gâp hŏ kuăl khân may khân may mâu plơ̆ sĭt lah.

Yêrêmi 7:28

May lah hom ma khân păng: ‘Aơ jêng ƀon lan mâu tông tĭng nau Yêhôva Brah Ndu khân păng, mâu dơn nau nkra nti. Nau nanê̆ ngăn hŏ rai lêk, hŏ du roh bơh trôm mbung khân păng jêh.

Yêrêmi 9:3

“Khân păng van mpiăt khân păng nâm bu van na Khân păng chiă uănh tâm n'gor đah nau mƀruh Mâu di đah nau nanê̆ ngăn ôh. Khân păng hăn bơh nau mhĭk aơ tât nau mhĭk ri, Ƀiălah mâu gĭt năl Gâp.” Brah Yêhôva lah pônây.

Êsêkiêl 24:3

Nkoch hom du nau ngơi ntĭt ma phung ƀon lan vay tâm rdâng jêh ri lah ma khân păng pô aơ: ‘Kôranh Brah lah: N'gân hom glah, n'gân hom glah Jêh ri troch hom dak.

Ndrom Samƀŭt bơh Ôsê 4:2

Knŏng bêng ma nau rak rtăp, mâu răp jăp, nkhĭt bunuyh, Nau ntŭng jêh ri văng tĭr; Khân păng ƀư lĕ nau pling mham aơ tât ma nau pling mham êng.

Sôphôni 3:2

Păng mâu tông ôh bâr bu, Mâu dơn nau nkra ntĭm; Mâu rnơm nsing ma Brah Yêhôva, Mâu hăn dăch ôh Brah Ndu păng.

Kôranh Oh Mon 7:51

Hơi phung bunuyh dăng ko, nuih n'hâm jêh ri tôr ê hŏ koh ntâu ri! Khân may tâm rdâng mro đah Brah Huêng Ueh. Phung chô yau khân may tâm ban ma khân may!

Nau Vay Nkah Tay 32:20

Păng lah: “Gâp mra pôn muh măt Gâp Gay saơ moh nau mra jêng kêng lôch dŭt khân păng, Yorlah khân păng jêng noi deh tih mhĭk ngăn, Jêng phung kon mâu geh nau răp jăp ôh.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.