Êsai 30:8 - Nau Brah Ndu Ngơi 2023

⁸ Aƀaơ, ăn may nchih hom nau nây ta klơ pŏk kađar, Nchih hom nau nây tâm du ndrom samƀŭt, Gay prăp nau nây n'ho ro ma phung kon sau.

Êsai 30:8 ပူးပေါင်းရင်းမြစ်များ

Êsai 2:2

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ lĕ gôl yôk, Prêh lơn ma lĕ rngôch yôk. Lĕ rngôch bri dak mra hăn plơ̆ sĭt ta nây,

Êsai 34:16

Joi hom tâm ndrom samƀŭt Brah Yêhôva jêh ri rŏ: Tâm phung mpô mpa bri nây, mâu mra pưt du ntil, Mâu geh du mlâm pưt nkuăng mâu lah me ôh. Yorlah mbung Brah Yêhôva ntăm jêh nau nây, Jêh ri Brah Păng tâm rƀŭn jêh lĕ khân păng.

Êsai 8:1

Brah Yêhôva lah ma gâp: “Sŏk hom du pŏk kađar toyh, jêh ri nchih ta nây ma rplay samƀŭt kon bunuyh: ‘Y-Maher-Salal-Has-Bas.’ ”

Yêrêmi 23:20

Nau Brah Yêhôva ji nuih mâu mra rngơt ôh Kŏ tât nôk Păng ƀư jêh ri lôch Lĕ nau mĭn tâm nuih n'hâm Păng. Tâm lĕ nar lôch dŭt, Khân may gĭt rbăng rah vah nau nây.

Yêrêmi 30:2

“Yêhôva Brah Ndu Israel lah: ‘Nchih hom lĕ rngôch nau gâp ngơi ma may ta du drôm samƀŭt.’

Yêrêmi 36:2

“May sŏk hom du ndrom samƀŭt jêh ri nchih ta nây lĕ rngôch nau Gâp hŏ lah jêh đah may ma phung Israel, phung Yuđa, jêh ri ma lĕ rngôch bri dak, ntơm bơh nar Gâp lah jêh ma may bơh rnôk Y-Jôsia kŏ tât nar aơ.

Yêrêmi 36:4

Y-Yêrêmi kuăl Y-Baruk, kon bu klâu Y-Nêria, tât. Yêrêmi rŏ ăn ma Y-Baruk nchih ta ndrom samƀŭt lĕ rngôch nau Brah Yêhôva lah jêh ma păng.

Yêrêmi 48:47

Ƀiălah, tât ta nar nglĕ dŭt, Gâp mra ƀư ma ƀon lan Môap plơ̆ jêng ndrŏng tay,” Brah Yêhôva lah pônây. Nau phat dôih ma bri Môap lôch nglĕ aơ dơm.

Yêrêmi 51:60

Y-Yêrêmi nchih lĕ rngôch nau mhĭk tât tâm du ndrom samƀŭt. Lĕ rngôch nau ngơi aơ nchih ma bri Babilôn.

Êsêkiêl 38:16

Hơi Y-Gôk! May mra hăn tât lơh ƀon lan Israel Gâp nâm bu du ndâr tŭk nkŭm lĕ bri. N'hêl nanê̆, tâm rnôk nglĕ dŭt, Gâp mra ăn may lơh bri Gâp gay ma phung mpôl băl bunuyh uănh gĭt năl Gâp tơlah Gâp dŏng may gay mpơl nau kloh ueh Gâp tanăp măt khân păng.’

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Habakuk 2:2

Brah Yêhôva plơ̆ lah jêh ri đă gâp: “Nchih hom nau tâm saơ; Jêh ri nchih păng ntoh rah vah ta du plơp kađar, Gay bunuyh dôl nchuăt dơi rŏ săr lah.

Nau Kơp Bunuyh 24:14

Aơ, aƀaơ gâp plơ̆ sĭt ma phung ƀon lan gâp nơm. Ƀiălah văch hom, gâp mra mbơh ma may gĭt moh nau phung ƀon lan aơ mra ƀư ma phung ƀon lan may tâm lĕ nar kăndơ̆.”

Nau Vay Nkah Tay 31:19

Pôri aƀaơ aơ nchih hom nau mprơ aơ jêh ri nti ma phung Israel. Dơm hom nau nây tâm trôm mbung khân păng, gay ma nau mprơ aơ dơi jêng du nau mbơh Gâp tâm rdâng đah phung ƀon lan Israel.

Nau Vay Nkah Tay 31:22

Nar nây, Y-Môis nchih nau mprơ aơ jêh ri nti ma phung ƀon lan Israel.

Nau Vay Nkah Tay 31:29

Yorlah gâp gĭt pô aơ lah jêh gâp khĭt, n'hêl nanê̆ khân may mra ƀư nau tih mhĭk, mra teng bơh trong gâp ntĭnh jêh ma khân may. Tâm rnôk kăndơ̆, ăn nau mhĭk mra tât ma khân may, yorlah khân may mra ƀư nau mhĭk tanăp măt Brah Yêhôva, lŏk nsônh nau ji nuih Păng ma nau kan ti khân may ƀư.”

Nau Vay Nkah Tay 4:30

Lah khân may gŭ tâm nau rêh ni, jêh ri lah lĕ rngôch nau aơ mra tât jêh ma khân may, tâm nar nglĕ dŭt, khân may mra plơ̆ tay ma Yêhôva Brah Ndu khân may jêh ri tông bâr Păng.

I Timôthê 4:1

Brah Huêng Ueh mbơh rah vah jêh pô aơ tâm rnôk nglĕ dŭt mra geh ƀaƀă dun chalơi nau chroh, nchuăt tĭng phung brah ndơm mƀruh jêh ri nau nti tă bơh phung brah mhĭk,

II Pêtrôs 3:3

Lor lơn, ăn khân may gĭt nau aơ: Tâm lĕ nar nglĕ dŭt, phung mưch mra văch ma nau ngơi srơh mbơh bir, gŭ rêh tĭng nau kơnh ŭch khân păng nơm.

Yuđas 1:18

Khân păng lah jêh ma oh nâu: “Tâm rnôk nglĕ dŭt mra geh phung mưch rmot, nchuăt tĭng nâm lĕ nau kơnh ŭch mâu blau yơk khân păng nơm.”