Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Êsai 30:6 - Nau Brah Ndu Ngơi 2023

6 Nau mbơh lor ma lĕ mpô mpa n'gor Nêgep: Rgăn lam bri rêh ni jêh ri rngot rvê, Bri ma phung yau mŭr me jêh ri nkuăng, Bri ma phung bêh rmâng jêh ri bêh ŭnh mpăr, Khân păng rdeng drăp ndơ khân păng ma ndŭr kơi seh bri, Jêh ri rdeng drăp ndơ khlay khân păng ta klơ vơng seh samô Hăn tât ma du phung ƀon lan mâu jêng khlay ma khân păng ôh.

အခန်းကိုကြည့်ပါ။ ကော်ပီ




Êsai 30:6
31 ပူးပေါင်းရင်းမြစ်များ  

Jêh nây Y-Abram hăn tay mbrơi trŭnh ta n'gor Nêgep.


Păng văch tât ma ƀon Yêrusalem nđâp ma phung hăn tĭng âk ngăn, geh âk seh samô rdeng dak si ƀâu kah jêh ri du rnoh mah âk ngăn nđâp ma lŭ khlay. Păng lĕ hăn mâp jêh ma hađăch Salômôn jêh ri lah ma hađăch lĕ rngôch nau păng mĭn tâm trôm nuih n'hâm păng.


Dôl nây, Y-Asa sŏk prăk jêh ri mah tă tâm jay ngih Brah Yêhôva jêh ri tâm jay ngih hađăch njuăl tât ma Y-Ben-Hadat, hađăch Aram gŭ ta ƀon Damas, jêh ri lah pô aơ:


Lah hađăch bu ur n'gor Sêba tăng lư n'găr amoh Y-Salômôn, păng văch tât ma ƀon Yêrusalem, sŏk âk nau ngơi hôr gay ŭch rlong uănh hađăch Salômôn, geh âk ngăn phung kâp kơl nsong ndrel ma păng, geh âk seh samô rdeng dak si ƀâu kah jêh ri âk ngăn mah nđâp ma lŭ khlay. Păng tât gay tâm mâp ma hađăch Salômôn jêh ri lah ma hađăch lĕ nau geh tâm nuih n'hâm păng.


Păng hăn nsong lam dor yôk nâm bu gơ̆ ndrêch ma păng, Gay tĭng joi tơm si n'ha ndrêh.


ƀư ma nau rêh khân păng ntop nđêh nji đah âk kan jâk jêr nâm bu plên neh, ƀư ƀrĭk, jêh ri ăp ntil kan tâm mir. Ăp ntil kan phung Êjipt nchâp phung Israel kan tâm nau hŏt rgănh ngăn.


“Ơ lĕ rngôch phung Philistin, lơi răm maak ndal ôh, Yorlah mâng rvĕ dong may lĕ nkê̆ch deh jêh, Yorlah tă bơh noi deh bêh mra luh du mlâm bêh vǐt, Jêh ri kon păng mra jêng du mlâm bêh ŭnh mpăr.


Yor nây, drăp ndơ dơi sŏk Jêh ri drăp ndơ khlay prăp nkrem jêh, Khân păng rdeng leo tât ta N'hor dak Tơm Si Yôr.


Gâp mra jao phung Êjipt Tâm ti du huê phung kôranh mhĭk, Du huê hađăch djơh mhĭk mra chiă uănh khân păng.” Kôranh Brah jêng Brah Yêhôva ma phung tahan lah kơt nây.


Ta trong nây mâu mra geh yau mŭr ôh, Mâu lĕ geh du mlâm mpa bri janh mra hăn ta nây; Bu mâu mra saơ khân păng ta nây ôh. Ƀiălah phung Brah Ndu tâm chuai jêh mra hăn ta trong nây.


Tâm nar nây, mra geh nau ngrông tâm rdâng đah phung nây, Tâm ban ma nteh rbuh dak mƀŭt djhut djhut; Tơlah mbu nơm uănh lăp tâm n'gor knŏng saơ nau ngo klĕng jêh ri nau mhĭk, Ndâr tŭk nkŭm lơi nau ang ƀư ma nau ngo klĕng.


May hŏ djôt dak ngi jêh ri ntop dak si ƀâu kah Hăn nhhơr ma brah tih Môlek; May đă phung mbơh ktang may nơm hăn n'gor ngai, Ntrŭnh săk nơm tât ƀon phung khĭt!


jêh nây khân păng kŭnh uănh ta neh ntu, ƀiălah knŏng saơ nau rêh ni jêh ri nau ngo, nau rngot klâng; bu mra nklơ̆ khân păng tâm nau ngo mbâl.


Gâp hŏ ntăm ăn ma chô yau khân may dôl Gâp djôt khân păng du luh bơh n'gor bri Êjipt, luh bơh năk ŭnh loih nây. Gâp hŏ ntĭnh khân păng: Iăt hom nau Gâp, ƀư tĭng lĕ ntil nau Gâp nti gay ma khân may ƀư phung ƀon lan Gâp, jêh ri Gâp ƀư Brah Ndu ma khân may.


Khân păng mâu prot ôp: ‘Ta ntŭk Brah Yêhôva? Nây jêng Nơm hŏ djôt leo he luh bơh Êjipt, Njŭn leo he găn bri rdah, Găn n'gor rngol bêng ma ntu brŏng, Tâm neh kro đang jêh ri rđŭng nau khĭt, Ntŭk mâu geh bunuyh găn tât, Jêh ri mâu geh bunuyh nănh gŭ.’


Êphraim sŏk nau ngơi mƀruh, Ngih Israel sŏk nau ndơm nchueng Gâp. Ƀiălah Yuđa ăt hăn ma Brah Ndu Jêh ri prăp nuih n'hâm răp jăp đah Nơm Kloh Ueh.


Êphraim mât mray sial, Ăp nar nchuăt tĭng sail luh nar. Ntop âk nau mƀruh jêh ri nau djơh rai; Khân păng ƀư nau tâm rnglăp đah bri Asiri Jêh ri djôt dak ngi rlet ma n'gor bri Êjipt.


May mra sông sa ƀiălah mâu dơi hơm, Khŭng may hôm e nsoih; May mra bun ndơ ƀiălah mâu geh ôh prăp; Jêh ri moh ndơ may geh prăp pôri Gâp mra jao ma đao.


Phung ndeh seh krăk hăn tât ta n'gor mpeh pa lơ, jêh ri phung seh nglang hăn tĭng pakơi păng, jêh ri phung seh êr rvanh hăn tât ta n'gor mpeh pa dâng.”


Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.


Brah Yêhôva lah ma Y-Môis: “Ƀư hom du mlâm bêh ŭnh jêh nây yông păng ta klơ mâng ndăl. Mbu lĕ bêh chôk jêh, n'gơr uănh ma ndơ nây, păng mra dơi rêh.”


Tâm nar phat dôih, hađăch bu ur mpeh pa dâng mra dâk hăn tâm rdâng đah bunuyh rnôk aƀaơ aơ jêh ri phong khân păng, yorlah păng văch tă bơh bôk neh ntu tât lôch ŭch iăt nau blau mĭn hađăch Salômôn; ƀiălah ta aơ geh du huê toyh lơn ma hađăch Salômôn!


Knŏng geh du nau hađăch nĕ mâu dơi ôh ntop âk seh, kŏ mâu đŏng yor ŭch ntop âk seh njŭn tay phung ƀon lan plơ̆ sĭt tay ta n'gor Êjipt, yorlah Brah Yêhôva hŏ ntăm jêh ma khân may pô aơ: ‘Khân may mâu đŏng dơi plơ̆ tay ta trong nây.’


Bi khân may, Brah Yêhôva hŏ săch jêh ri njŭn leo khân may luh tă bơh ŭnh năk loih ri, jêng n'gor Êjipt, gay khân may jêng du phung ƀon lan êng Păng nơm, jêng drăp ndơn Păng, tâm ban khân may jêng nar aơ.


Păng hŏ njŭn leo jêh khân may hăn rgăn bri rdah dŭt toyh dŭt krit kir, nkual neh nđang mâu geh dak, bêng ma bêh ŭnh jêh ri ndŭr vơng. Păng ƀư ăn dak luh bơh lŭ kranh ngăn hoch ma khân may.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ