Êsai 30:21 - Nau Brah Ndu Ngơi 2023

²¹ Tơlah may teng pa ma mâu lah pa chiau, tôr may mra tăng pakơi may geh bâr lah: “Nây jêng trong, hăn tĭng hom!”

Êsai 30:21 ပူးပေါင်းရင်းမြစ်များ

II Phung Hađăch 22:2

Păng ƀư nau sŏng tanăp măt Brah Yêhôva, hăn tĭng tâm lĕ trong Y-Đavit, chô yau păng, jêh ri păng mâu teng mpeh pa ma mâu lah mpeh pa chiau ôh.

Nau Mprơ Ơm 32:8

Gâp mra nti may, ntĭm ma may trong mra hăn; Măt Gâp mra treng jêh ri sâm nti may.

Nau Hôr 4:27

Lơi teng ôh pa ma mâu lah pa chiau; Ăn jâng may der hom bơh ntŭk nau mhĭk.

Êsai 29:24

Phung geh nau mĭn vĭ nhhơt mra geh nau gĭt rbăng, Jêh ri phung vay ngơi ƀrôk mra dơn nau ntĭm nti.”

Êsai 42:16

Gâp mra njŭn phung chieh măt hăn ta trong khân păng mâu mâp gĭt năl ôh, Têk khân păng tâm lĕ trong jê̆ ê hŏ gĭt ôh. Gâp mra rgâl nau ngo tanăp khân păng jêng nau ang, Lĕ ntŭk neh nduh ndăp jêng neh lâng. Ngăn yơh, Gâp mra ƀư lĕ nau nây, Jêh ri mâu mra chalơi khân păng ôh.

Êsai 48:17

Brah Yêhôva, Nơm Tâm Chuai may, Jêng Nơm Kloh Ueh Israel lah pônây: “Gâp jêng Yêhôva Brah Ndu may, Jêng Nơm sâm nti may gay may dơi geh nau khlay, Jêh ri njŭn may tâm trong may mra hăn.

Êsai 58:11

Brah Yêhôva mra njŭn may ƀaƀơ; Ƀư ăn ma may hơm ta nklang ntŭk phang toyh; Ƀư ăn nâp ktang lĕ nting nđăng may; Khân may mra jêng tâm ban ma du đang trao bu djrah dak, Tâm ban ma dak n'hor mâu mâp suăt kro ôh.

Yêrêmi 6:16

Brah Yêhôva lah: “Dâk hom kêng lĕ trong hăn jêh ri kâp uănh, Joi ôp lĕ trong ngai kăl e, Uănh ntŭk jêng trong di lĕ trong sŏng jêh ri hăn trong nây, Joi hom ntŭk rlu ăn ma huêng may. Ƀiălah khân păng plơ̆ lah: ‘Hên mâu ŭch hăn trong nây.’

Nau Vay Nkah Tay 5:32

Pôri, ăn khân may njrăng ƀư dĭng lĕ nau kan di mâm bu Yêhôva Brah Ndu khân may hŏ ntĭm nti; khân may mâu dơi ôh teng pa ma mâu lah pa chiau.

Yôsuê 1:7

Ăn may janh ktang, nănh nanê̆ jêh ri blau njrăng ƀư tĭng lĕ rngôch nau vay Y-Môis, oh mon Gâp, ntĭnh jêh ma may; lơi teng pa ma mâu lah pa chiau ôh, gay moh ntŭk may hăn mra dơi geh jêng.

Yôsuê 23:6

Pônây, ăn khân may nâp nuih n'hâm mât mray jêh ri ƀư tĭng kơt lĕ ntil nau hŏ nchih jêh tâm ndrom samƀŭt nau vay Y-Môis, lơi teng pa ma mâu lah pa chiau ôh.

I Yôhan 2:20

Ƀiălah khân may sŏk dơn jêh nau tŏ dak ƀâu kah tă bơh Nơm Kloh Ueh, jêh ri lĕ rngôch khân may geh jêh nau gĭt rbăng.

I Yôhan 2:27

Mpeh khân may, nau tŏ dak ƀâu kah khân may sŏk dơn jêh bơh Păng gŭ tâm khân may, jêh ri khân may mâu hôm ŭch ôh bu nti ma khân may. Yorlah nau Păng tŏ dak ƀâu kah nti ma khân may lĕ rngôch nau, jêh ri nau tŏ dak ƀâu kah nây jêng nau nanê̆ ngăn, mâu di mƀruh ndơm ôh; ăn gŭ hom tâm Păng, nâm bu nau tŏ dak ƀâu kah nây nti jêh ma khân may.

I Samuel 12:23

Bi ma gâp mâu đŏng ƀư tih ma Brah Yêhôva jêh ri rlu mbơh sơm an ma khân may. Gâp mra nti ma khân may gĭt trong ueh jêh ri sŏng.