Êsai 30:2 - Nau Brah Ndu Ngơi 2023

² Khân păng mâu ôp nau mĭn Gâp ôh Ƀiălah lŏ hăn trŭnh ta bri Êjipt, Gay joi ntŭk krap tâm nau n'gang bơh Pharaôn, Jêh ri nde tâm gui Êjipt!

Êsai 30:2 ပူးပေါင်းရင်းမြစ်များ

I Phung Hađăch 22:7

Ƀiălah Y-Jôsaphat ôp: “Ta aơ mâu hôm geh đŏng du huê nơm mbơh lor êng bơh Brah Yêhôva, gay ma he ôp Kôranh Brah tă bâr mbung păng?”

II Phung Hađăch 17:4

Ƀiălah hađăch Asiri saơ Y-Hôsêa nchră nau tâm rdâng; yorlah păng hŏ prơh phung mbơh hăn tât ma Y-Sô, hađăch Êjipt, jêh ri mâu chê̆ pi ôh ma hađăch Asiri tâm ăp năm nâm bu saơm; yor nây hađăch Asiri nhŭp Y-Hôsêa nkông jêh ri krŭng păng tâm ndrung bu nă.

II Phung Hađăch 18:21

Aơ, may rnơm nsing ma n'gor Êjipt hĕ? Ƀiălah Êjipt knŏng tâm ban du mâng ma tơm rpho lĕ deh jêh; tơlah mbu nơm rnơm nsing ma păng, păng mra ntâp bluh lăp tâm ti. Tơlah mbu nơm rnơm nsing ma Pharaôn, hađăch Êjipt, tâm ban pônây.’

Êsai 16:3

Khân păng kuăl gay bu kơl: “Dăn sâm ntĭm an, dăn ăn nau tâm nal, Ta nar nklang bôk, dăn gui may nkŭm hên tâm ban ma dôl măng; Dăn pôn lơi phung bu nsot, Jêh ri lơi dĭng phong ma phung nchuăt du!

Êsai 18:1

Rêh ni ngăn ma bri neh rtuh năr nteh drơu drơu, Jêng bri neh đah ri dak krong bri Kus;

Êsai 36:6

Aơ, may rnơm nsing ma n'gor Êjipt, jêng mâng ma tơm rpho lĕ deh jêh, ma mbu nơm rnơm nsing ma păng, păng mra ntâp bluh lăp tâm ti nơm nây. Pharaôn, hađăch Êjipt, ƀư jêng tâm ban pônây đah lĕ rngôch phung rnơm nsing ma păng.

Êsai 36:9

Nđâp tơlah may rnơm nsing ma n'gor Êjipt gay geh ndeh seh jêh ri phung tahan ncho seh, mâm may dơi mprơh du huê kôranh tahan jê̆ lơn tâm phung oh mon kôranh gâp?

Êsai 8:19

Tơlah geh bunuyh đă khân may: “Ăn khân may ôp phung gru rƀên jêh ri phung n'hŭm, jêng phung ngơi bŭk,” ăn khân may plơ̆ lah: “Mâm ƀư du phung ƀon lan mâu ôp ma Brah Ndu khân păng nơm lŏ hăn joi ôp phung khĭt jêh ăn ma phung rêh?”

Yêrêmi 2:18

Aƀaơ, moh ndơ may geh dôl jŭr ma Êjipt Gay nhêt dak krong Sihôr? Moh ndơ may geh dôl găn Asiri Gay nhêt dak krong Ơphrat?

Yêrêmi 21:2

“Ôp hom ma Brah Yêhôva kơl ma hên yorlah Nêbukatnetsar, hađăch Babilôn, văch tât gay tâm lơh đah hên; gĭt lah Brah Yêhôva yor ma hên mra ƀư lĕ rngôch kan khlay Păng jêh ri ƀư ăn ma hađăch nây du bơh hên.”

Yêrêmi 37:5

Tâm nôk dôl nchueng jŭm ƀon Yêrusalem, phung tahan Kaldê tăng nau mbơh phung tahan Pharaôn hŏ luh jêh tă bri Êjipt, yor ri khân păng rŭch plơ̆ bơh Yêrusalem.

Yêrêmi 42:14

jêh ri lah pô aơ: ‘Mâu, hên ŭch hăn ma n'gor bri Êjipt, jêng ntŭk hên mâu mra saơ nau tâm lơh, mâu tăng bâr nŭng đŏng ôh, hên mâu mra rvê kƀah ndơ sông sa đŏng ôh, jêh ri hên mra gŭ rêh ta nây yơh,’

Yêrêmi 42:2

văch tât da dê lah ma nơm mbơh lor Y-Yêrêmi: “Dăn may dơn hom nau ŭch dăn hên gay mbơh sơm ma Yêhôva Brah Ndu may ăn ma hên, jêng phung bunuyh hôm klen gŭ ta aơ. Nâm bu may saơ jêh, hên knŏng hôm e djê̆ dơm mâu geh âk tâm ban ma saơm.

Yêrêmi 42:20

Khân may ndơm êng khân may nơm. Khân ay may hŏ prơh jêh gâp hăn tât ma Yêhôva Brah Ndu khân ay may jêh ri lah ma gâp: ‘Ăn yor ma phung hên mbơh sơm hom ma Yêhôva Brah Ndu hên, ăn ma hên gĭt moh nau Yêhôva Brah Ndu hên lah ma may pônây hên mra tĭng ƀư.’

Yêrêmi 43:7

Pônây khân păng hăn lăp ma bri Êjipt yorlah mâu tông ôh nau Brah Yêhôva. Jêh ri khân păng hăn tât ta Tahpanhes.

Nau Nhĭm Vơl 4:20

Nơm dơn Brah Yêhôva tŏ dak ƀâu kah, nây jêng nau n'hâm nsôr hên, Hŏ geh dăk khân păng jêh; Nây jêng phung hên vay lah: “Nde tâm dâng n'hâm gui săk he mra gŭ rêh ta nklang lĕ bri dak.”

Ndrom Samƀŭt bơh Ôsê 7:13

Rêh ni ngăn ma khân păng, Yorlah khân păng chalơi Gâp! Khân păng khư bu ƀư rai, Yorlah tâm rdâng jêh đah Gâp! Gâp yơh, Gâp ŭch tâm rklaih khân păng, Ƀiălah khân păng sŏk nau mƀruh tâm rđâng đah Gâp.

Ndrom Samƀŭt bơh Ôsê 8:10

Nđâp tơlah khân păng nkhôm âk gay tâm rnglăp đah lĕ bri dak Pôri abaơ ăt Gâp mra tâm rgum khân păng. Gay mâu jŏ đŏng ôh khân păng ntơm râm nsâr Tâm dâng bơh hađăch jêh ri phung kôranh chiă uănh.

Ndrom Samƀŭt bơh Ôsê 8:9

Yorlah khân păng hăn hao jêh ma bri Asiri Nâm bu du mlâm seh bri hăn nsong mblêng êng du huê. Êphraim hŏ nkhôm phung rŏng ma păng.

Nau Kơp Bunuyh 27:21

Ăn Y-Yôsuê tâm mâp ma kôranh ƀư brah Y-Êlêasar jêh ri yor Y-Yôsuê kôranh ƀư brah mra joi gĭt nau mĭn Brah Yêhôva ma ôp Urim tanăp măt Brah Yêhôva. Tĭng nâm nau ntăm Y-Êlêasar, Y-Yôsuê nđâp lĕ rngôch phung tâm rƀŭn mra hăn luh jêh ri hăn lăp.”

Nau Vay Nkah Tay 28:68

Brah Yêhôva mra njŭn khân may plơ̆ tay ta n'gor Êjipt ma kumpăn, ma trong gâp hŏ tă lah jêh, khân may mâu hôm saơ păng ôh. Ta nây khân may mra tăch khân may nơm ƀư dĭk ma phung rlăng, ƀiălah mâu geh ôh nơm rvăt.”

Yôsuê 9:14

Pônây phung Israel dơn ndơ sông sa khân păng, ƀiălah mâu ôp ôh Brah Yêhôva.

Phung Kôranh Phat Dôih 9:15

Rlô lok plơ̆ lah ma tơm si: ‘Tơlah ma nuih n'hâm nanê̆ ngăn khân may ŭch tŏ dak ƀâu kah ăn gâp jêng hađăch khân may Văch hom nde tâm dâng gui n'hâm gâp; Lah mâu pônây, ăn geh ŭnh luh bơh rlô lok Jêh ri su tơm si sêdar n'gor Liban!’