Êsai 30:19 - Nau Brah Ndu Ngơi 2023

¹⁹ Ơ phung ƀon lan Siôn, jêng phung gŭ ta ƀon Yêrusalem! May mâu mra hôm nhĭm ôh. Nôk may kuăl dăn Păng, nanê̆ Păng mra ăn nau ueh uĭn; lah mhe tăng bâr may kuăl dăn, Păng dơn nau ro ma may.

Êsai 30:19 ပူးပေါင်းရင်းမြစ်များ

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Êsai 10:24

Yor nây, Kôranh Brah jêng Brah Yêhôva ma phung tahan lah tâm ban pônây: “Ơ phung ƀon lan Gâp dôl gŭ ta Siôn, lơi klach ôh ma phung Asiri lah khân păng dong khân may ma mâng rpăt jêh ri yơr mâng khân păng tâm rdâng đah khân may, tâm ban ma phung Êjipt hŏ ƀư jêh.

Êsai 25:8

Păng mra ƀư rai lôch n'ho ro nau khĭt. Kôranh Brah jêng Brah Yêhôva mra jut dak măt Bơh muh măt lĕ rngôch bunuyh; Jêh ri Păng mra jut lơi nau bêk prêng phung ƀon lan Păng Bơh lam neh ntu, Yorlah Brah Yêhôva lah jêh.

Êsai 33:2

Ơ Brah Yêhôva, dăn yô̆ nđach an ma hên! Hên kâp gân May. Dăn ăn nau ktang ma hên ăp kêng ôi, Tâm rklaih hên nôk tâm nau rêh ni.

Êsai 35:10

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter răm rhơn; Nau hâk răm n'ho ro mra gŭ ta klơ bôk khân păng. Khân păng mra bêng nau maak, Jêh ri nau rngot lŭng nter mra roh lĕ.

Êsai 41:17

Phung o ach jêh ri phung pưt kƀah joi dak nhêt Ƀiălah mâu geh ôh, Mpiăt khân păng sơh yor ji hir. Ƀiălah Gâp jêng Brah Yêhôva mra dơn nau khân păng; Gâp jêng Brah Ndu Israel mâu mra chalơi khân păng ôh.

Êsai 46:13

Gâp njŭn nau sŏng srăng Gâp văch dăch, păng mâu gŭ ngai ôh, Nau Gâp tâm rklaih mâu mra gŭ kâp jŏ ôh. Gâp mra ăn nau tâm rklaih tâm ƀon Siôn, Ăn nau chrêk rmah Gâp ma phung Israel.”

Êsai 58:9

Rnôk nây, khân may kuăl, Brah Yêhôva mra plơ̆ sĭt lah; May kuăl rklaih, Păng mra lah: ‘Aơ ta aơ Gâp!’ Tơlah may mƀăr lơi mâng mbăk bơh khân may, Mâu tâm rlăch jêh ri mâu ngơi nau janh ƀai;

Êsai 60:20

Nar may mâu hôm nhâp đŏng ôh, Khay mâu mra ndâp ôh; Yorlah Brah Yêhôva mra jêng nau ang n'ho ro ma may, Lĕ nar may rngot klâng lôch jêh.

Êsai 65:18

Ƀiălah maak hom jêh ri hâk răm hom mro mrăng Ma lĕ nau Gâp hŏ rhăk njêng; Yorlah aơ, Gâp rhăk Yêrusalem jêng nau hâk răm, Jêh ri phung ƀon lan păng jêng nau maak.

Êsai 65:19

Gâp mra hâk maak yor Yêrusalem, Gâp mra maak yor phung ƀon lan Gâp; Ta ntŭk nây bu mâu mra tăng ôh bâr nhĭm, Mâu lah bâr nter nau nđêh nji đŏng.

Êsai 65:24

Êlor ma khân păng kuăl mbơh sơm, Gâp mra dơn ro; Dôl khân păng hôm ngơi, Gâp tăng jêh.

Êsai 65:9

Gâp mra ƀư ăn du noi deh luh bơh Yakôb, Jêh ri geh du huê bunuyh ndơn drăp lĕ yôk Gâp, luh bơh Yuđa; Phung Gâp hŏ săch mra ndơn păng, Jêh ri phung oh mon Gâp mra gŭ ta nây.

Yêrêmi 30:12

Brah Yêhôva lah: ‘Nau rmanh may mâu dơi bah ôh, Sôt rmanh may glăm ngăn.

Yêrêmi 31:12

Khân păng mra tât jêh ri mprơ ta klơ ntŭk prêh yôk Siôn; Răm rhơn ma lĕ nau ueh Brah Yêhôva, Ma ba ƀlê, ndrănh mhe, dak ngi, Ma biăp kon jêh ri ndrôk kon; Nuih n'hâm khân păng nâm bu du nkual đang djrah bĕ dak, Mâu hôm rngot hŏt rgănh đŏng ôh.

Yêrêmi 31:16

Brah Yêhôva lah: “Rlu hom bâr nhĭm vơl Jut sơh dak măt, Yorlah kan ay mra geh nau nkhôm; Khân păng mra plơ̆ sĭt tă bri phung rlăng,” Brah Yêhôva lah pônây.

Yêrêmi 31:6

Mra geh du nar, phung gak Ta klơ dor yôk Êphraim mra kuăl: ‘Kay lŏng, he gơnh oi hăn hao ma yôk Siôn, Tât ma Yêhôva Brah Ndu he!’”

Yêrêmi 31:9

Khân păng mra văch ma nau nhĭm, Dăn mbơh sơm ma Gâp njŭn khân păng plơ̆ sĭt; Gâp mra njŭn khân păng hăn njŏ ta meng n'hor dak, Ta klơ trong sŏng, mâu geh nau chêh prah ôh. Yorlah ma phung Israel, Gâp jêng mbơ̆, Jêh ri phung Êphraim jêng kon bu klâu bôk rah Gâp.

Yêrêmi 33:3

‘Kuăl mbơh sơm hom ma Gâp, Gâp mra plơ̆ lah ma may; Gâp mra mpơl ma may lĕ kan toyh jêh ri jêr, jêng lĕ kan may mâp gĭt ôh.’

Yêrêmi 50:28

Iăt hom phung nchuăt du jêh ri phung lĕ rklaih tă bơh bri Babilôn tât tâm ƀon Siôn gay mbơh nau Yêhôva Brah Ndu he har plơng bôk, nau plơng bôk ăn ma ngih brah Păng.

Yêrêmi 51:10

‘Brah Yêhôva koh dŏng ăn ma he. Văch hom, ăn he mbơh nkoch tâm ƀon Siôn Nau kan Yêhôva Brah Ndu he.’

Êsêkiêl 20:40

Kôranh Brah Yêhôva lah: ‘Yorlah ta klơ yôk kloh Gâp, ta klơ yôk prêh Israel, ta nây lĕ rngôch ngih Israel mra pah kan ma Gâp tâm bri nây. Ta nây, Gâp mra dơn khân păng jêh ri ta nây đŏng Gâp mra kêh ndơ ƀư brah khân may jêh ri lĕ rngôch ndơ nhhơr ma play bôk yan khân may ndrel ma lĕ rngôch ndơ nhhơr kloh ueh.

Êsêkiêl 36:37

Kôranh Brah Yêhôva lah: ‘Gâp ŭch ngih Israel dăn ma Gâp gay Gâp ƀư ăn nau aơ: Nây jêng Gâp mra ntop âk phung ƀon lan khân păng nâm bu du phung biăp.

Mika 4:9

Ƀiălah aƀaơ aơ mâm ƀư may nter nhĭm huy ngăn? Mâu geh hađăch gŭ ta nklang may ƀơh? Mâu lah bunuyh sâm nchră ma may lĕ khĭt jêh Yor ri may ji dŭt hâu ngăn nâm bu du huê bu ur ji deh?

Luka 6:21

Ueh maak ngăn ma phung kon jêng phung bunuyh aƀaơ aơ dôl nau ji ngot, Yorlah mra dơi hơm tŏng. Ueh maak ngăn ma phung kon jêng phung bunuyh aƀaơ aơ gŭ tâm nau nhhiăng nhĭm, Yorlah mra dơi maak gơm.

Samƀŭt Pôl Njuăl Ăn Ma Phung Nsing Ta Ƀon Rôm 11:26

Pôri lĕ rngôch phung Israel mra dơi rklaih, nâm bu geh nau nchih jêh: “Nơm Rklaih mra văch tă bơh Siôn, Sŏk lơi nau mâu chroh bơh ngih Y-Yakôp”;

Êphêsô 3:20

Brah Ndu jêng Nơm pah kan tâm he ma nau brah Păng, dơi ƀư rlau lơn âk râk ma lĕ nau he mbơh sơm dăn mâu lah he mĭn ŭch.

Nau Tâm Mpơl 5:4

Gâp nhĭm rngot, yorlah mâu geh du huê nuyh khư pơk mâu lah uănh ndrom samƀŭt.

Nau Tâm Mpơl 7:17

Yorlah Kon Biăp gŭ ta nklang sưng hađăch mra mât njrăng khân păng jêh ri njŭn leo khân păng tât ta lĕ dak n'hor rêh. Brah Ndu mra jut lơi dak măt bơh trôm măt khân păng.”