Êsai 30:18 - Nau Brah Ndu Ngơi 2023

¹⁸ Nđâp lah pônây, Brah Yêhôva ăt hôm kâp gân gay ăn nau ueh ma khân may; Păng mra dâk ŭch mpơl nau yô̆ nđach ma khân may. Yorlah Yêhôva jêng Brah Ndu sŏng. Ueh maak ngăn ma lĕ rngôch phung kâp gân Păng.

Êsai 30:18 ပူးပေါင်းရင်းမြစ်များ

Ndrom Samƀŭt bơh Yôp 35:14

Lơ hâu lah may lah pô aơ may mâu saơ Păng, May mbơh jêh nau di ma Păng jêh ri mra gŭ kâp Păng phat dôih!

Nau Mprơ Ơm 2:12

Chŭm Kon hom, klach Păng ji nuih Jêh ri khân may mra rai yot tâm trong khân may, Yorlah nau Păng ji nuih mra gơnh hao nuih. Ueh maak yơh ma mbu nơm nde krap ma Păng.

Nau Mprơ Ơm 27:14

Kâp gân hom ma Brah Yêhôva; Ktang hom jêh ri nâp! Di yơh, kâp gân hom Brah Yêhôva!

Nau Mprơ Ơm 34:8

Rlong ler hom jêh ri gĭt năl Brah Yêhôva ueh reh hâu ngăn ngên! Ueh maak ngăn mbu nơm gŭ krap tâm Păng!

Nau Mprơ Ơm 84:12

Ơ Brah Yêhôva ma phung tahan, Ueh maak yơh ma bunuyh rnơm nsing ma May!

Nau Mprơ Ơm 99:4

May jêng Hađăch nau brah; May rŏng nau sŏng srăng; Păng rdâk nau di, Ƀư nau phat dôih jêh ri nau di tâm ngih Yakôb.

Nau Ngluh Êjipt 34:6

Brah Yêhôva hăn rgăn panăp păng jêh ri mbơh: “Yêhôva! Yêhôva! Jêng Brah Ndu geh nau ueh, yô̆ nđach, Mâu gơnh ji nuih ôh, Rmeh ler nau ueh uĭn jêh ri nau n'hêl nanê̆ ngăn,

Nau Hôr 16:20

Mbu nơm djôt ƀoi ntil nau chroh, dơi joi nau khlay, Jêh ri mbu nơm nsing ma Brah Yêhôva geh nau ueh maak ngăn!

Êsai 18:4

Yorlah nau Brah Yêhôva lah jêh ma gâp tâm ban pônây: “Bơh ntŭk Gâp dôl gŭ, Gâp mra gŭ rlăk uănh Tâm ban ma duh gring nar nchrat, Tâm ban thŭl dak ngom dôl duh nar yan rek.

Êsai 2:11

Muh măt kon bunuyh sưr rlau bu mra n'glưh lơi, Nau sưr rlau kon bunuyh mra chŭn; Tâm nar nây, Knŏng du huê Brah Yêhôva dơm geh nau yơk prêh.

Êsai 2:17

Nuih n'hâm sưr kon bunuyh bu mra chŭn, Jêh ri nau hưn kon bunuyh bu mra n'glưh; Tâm nar nây, knŏng êng Brah Yêhôva geh nau bu yơk.

Êsai 25:9

Tâm nar nây, bu mra lah: “Ri, aơ jêng Brah Ndu he; He kâp gân Păng, jêh ri Păng hŏ tâm rklaih he jêh. Aơ yơh jêng Brah Yêhôva he kâp gân, Ăn he hâk răm jêh ri maak yor nau Păng tâm rklaih!”

Êsai 28:17

Gâp mra sŏk nau di ƀư rse veh, Jêh ri nau sŏng srăng jêng ndơ veh rnhuan; Mih pler mra pih kloh ntŭk phung mƀruh nsing, Dak mra lip lĕ ntŭk du krap.”

Êsai 33:2

Ơ Brah Yêhôva, dăn yô̆ nđach an ma hên! Hên kâp gân May. Dăn ăn nau ktang ma hên ăp kêng ôi, Tâm rklaih hên nôk tâm nau rêh ni.

Êsai 33:5

Brah Yêhôva geh nau yơk yorlah Păng gŭ tâm ntŭk prêh klơ. Păng ƀư ma Siôn bêng ma nau di jêh ri nau sŏng srăng.

Êsai 40:31

Ƀiălah mbu nơm kâp gân tâm Brah Yêhôva nanê̆ mra geh nau dăng ktang mhe, Mpăr hao prêh tâm ban ma klang, Nchuăt mâu hŏt rgănh ôh, Hăn mâu huăr rgănh ôh.

Êsai 42:14

Jŏ jêh Gâp gŭ rklăk, Gâp hŏ gŭ rklăk, Gâp hŏ kuăn rdâng Gâp nơm. Ƀiălah aƀaơ aơ, Gâp nter, ngơi nthôk nthơk, nsôr n'hâm mâu luh n'hâm, Tâm ban ma du huê bu ur deh kon,

Êsai 42:16

Gâp mra njŭn phung chieh măt hăn ta trong khân păng mâu mâp gĭt năl ôh, Têk khân păng tâm lĕ trong jê̆ ê hŏ gĭt ôh. Gâp mra rgâl nau ngo tanăp khân păng jêng nau ang, Lĕ ntŭk neh nduh ndăp jêng neh lâng. Ngăn yơh, Gâp mra ƀư lĕ nau nây, Jêh ri mâu mra chalơi khân păng ôh.

Êsai 48:9

Yor amoh Gâp dĭng Gâp ât lơi nau ji nuih; Yor nau chrêk rmah Gâp dĭng Gâp nkân lơi nau ji nuih đah may, Gay ma mâu ƀư rai may.

Êsai 5:16

Ƀiălah Brah Yêhôva ma phung tahan geh nau n'hao tâm nau phat dôih, Brah Ndu jêng Nơm Kloh Ueh mra tâm mpơl Păng jêng nơm kloh ueh tâm nau sŏng srăng.

Êsai 55:8

Brah Yêhôva lah: “Nau Gâp mĭn mâu di jêng nau khân may mĭn ôh, Trong khân may mâu di jêng trong Gâp ôh.

Êsai 57:16

Gâp mâu ndăng mro nau tih, Mâu lĕ mra nuih mro mrăng; Yorlah huêng bunuyh mra hŏt rgănh tanăp Gâp, Jêh ri lĕ huêng rêh phung Gâp rhăk jêng tâm ban lĕ.

Êsai 61:8

Yorlah Gâp, Brah Yêhôva, rŏng ma nau sŏng, Tâm rmot ma nau ntŭng jêh ri nau kue; Yor ri Gâp mra tĭng nau răp jăp gay nkhôm ma phung ƀon lan Gâp, Jêh ri Gâp mra ƀư đah khân păng nau tâm rnglăp n'ho ro.

Êsai 64:4

Bơh rnôk ơm, bu mâu mâp tăng ôh, Tôr mâu mâp tăng, măt mâu mâp saơ, Rlau ma May, Mâu geh Brah Ndu êng ôh, Nơm hŏ pah kan kơl kơt nĕ ma phung gŭ kâp Păng.

Êsai 8:17

Gâp mra gŭ kâp Brah Yêhôva, jêng Nơm pôn muh măt Păng bơh ngih Yakôb; gâp mra kâp gân Păng!

Yêrêmi 17:7

Ueh maak yơh mbu nơm nsing ma Brah Yêhôva, Sŏk Brah Yêhôva ƀư ntŭk mbin nsing ma păng.

Yêrêmi 42:7

Jât nar pakơi, geh nau Brah Yêhôva lah ma Y-Yêrêmi.

Daniel 12:12

Ueh maak ngăn ma mbu nơm nâp nuih n'hâm gŭ kâp lĕ du rbăn pe rhiăng pe jât ma prăm nar!

Ndrom Samƀŭt bơh Ôsê 1:7

Ƀiălah Gâp mra yô̆ nđach ma ngih Yuđa jêh ri mra tâm rklaih khân păng, yorlah Gâp jêng Yêhôva Brah Ndu khân păng. Gâp mâu mra dŏng tât ma na ôh, đao mâu lah tâm lơh, mâu lĕ dŏng ma seh mâu lah phung tahan ncho seh tâm rklaih khân păng.”

Ndrom Samƀŭt bơh Ôsê 2:14

“Yor ri, aơ, Gâp mra nkơnh ndơm păng, Leo păng lăp bri rdah, Sŏk nau ngơi rdơ̆ rmên ngơi ma păng.

Ndrom Samƀŭt bơh Ôsê 5:15

Gâp mra hăn, mra plơ̆ sĭt ta ntŭk Gâp gŭ Kŏ tât khân păng gĭt năl nau tih khân păng nơm jêh ri tĭng joi muh măt Gâp. Tâm nau rêh ni, khân păng mra khŏm nsrôih ngăn tĭng joi Gâp.”

Malachi 2:17

Khân may hŏ rsuak jêh Brah Yêhôva ma nau khân may ngơi, khân may lah đŏng pô aơ: “Ntŭk geh hên ƀư rsuak Păng?” Nây jêng lah khân may ngơi: “Ăp nơm ƀư nau mhĭk jêng ueh tanăp măt Brah Yêhôva, jêh ri Păng ŭch ngăn phung bunuyh pônây.” Mâu lah ôp: “Ta ntŭk gŭ Brah Ndu nau sŏng?”

Luka 15:20

Păng dâk ro, plơ̆ sĭt ma mbơ̆ păng. Ƀiălah dôl hôm ngai, mbơ̆ păng saơ jêh ri nuih n'hâm yô̆ nđach, nchuăt ran ut ta trô ko păng jêh ri chŭm.

Luka 2:25

Nôk nây, ta ƀon Yêrusalem geh du huê bunuyh sŏng srăng jêh ri gŭ sŏng, amoh păng Y-Simêôn. Păng kâp gân nau bonh leng phung Israel, jêh ri Brah Huêng Ueh gŭ ta klơ păng.

Kôranh Oh Mon 5:31

Brah Ndu hŏ njŭn leo jêh Nơm nây n'hao gŭ pa ma Păng gay ma ƀư Hađăch jêh ri Nơm Tâm Rklaih, gay ăn nau tâm rmal nau tih jêh ri nau yô̆ an ma nau tih ma phung Israel.

Samƀŭt Pôl Njuăl Ăn Ma Phung Nsing Ta Ƀon Rôm 5:20

Nau vay tât jêh ƀư ma nau tih jêng âk lơn; ƀiălah moh ntŭk nau tih geh âk lơn, nau yô̆ geh âk rmeh lơn.

Samƀŭt Pôl Njuăl Ăn Ma Phung Nsing Ta Ƀon Rôm 9:22

Tơlah Brah Ndu ŭch tâm mpơl nau ji nuih jêh ri mbơh nau brah Păng, Păng hŏ srôih ŭn nuih tâm lĕ yăng khư geh nau ji nuih prăp ma nau roh rai, mhâm hơh?

Êphêsô 1:6

gay ma tâm rnê ma nau yô̆ chrêk rmah Păng hŏ ăn jêh ma he tâm Kon Păng rŏng ngăn ngên!

Êphêsô 1:8

jêng nau yô̆ Păng ăn âk rmeh ma he. Ndrel ma lĕ rngôch nau blau mĭn jêh ri nau gĭt rbăng,

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.

Yakơ 5:11

Aơ, he kuăl phung bunuyh nâp jêh jêng geh ueh lăng ngăn. Khân may tăng jêh nkoch bri ma nau Y-Yôp nâp jêh, jêh ri dơi saơ jêh nau ŭch Kôranh Brah; yorlah Kôranh Brah bêng ma nuih n'hâm yô̆ nđach jêh ri nuih n'hâm ueh.

II Pêtrôs 3:15

Kah gĭt hom nau Kôranh Brah he srôih jêng yor ma nau tâm rklaih khân may. Nâm bu Y-Pôl, nâu he rŏng ngăn ngên, nchih jêh ma khân may tĭng nâm nau blau mĭn ăn jêh ma păng.

II Pêtrôs 3:9

Kôranh Brah mâu mbrĕ mbrơi ma nau Păng ton tĭng nâm ƀaƀă mĭn, ƀiălah Păng srôih đah khân may, mâu ŭch ôh du huê khĭt roh, ƀiălah ŭch ma lĕ rngôch rmal nau tih da dê.

I Samuel 2:3

Găp hơi, lơi hôm ngơi lĕ rngôch nau sưr! Lơi dĭng ăn ôh lĕ nau ngơi ƀlăch ƀlêr luh du tă bơh bâr mbung khân may! Yorlah Brah Yêhôva jêng Brah Ndu gĭt lĕ rngôch, Păng veh njing lĕ rngôch kan bu ƀư.