Êsai 30:15 - Nau Brah Ndu Ngơi 2023

¹⁵ Kôranh Brah jêng Brah Yêhôva, Nơm Kloh Ueh Israel lah: “Yor nau khân may plơ̆ sĭt jêh ri mpăn rlu, khân may mra rklaih; Yor nau gŭ rklăk jêh ri king n'gang, khân may mra geh nau ktang. Ƀiălah khân may mâu ŭch pônây ôh!

Êsai 30:15 ပူးပေါင်းရင်းမြစ်များ

I Nau Rêh Jêng 5:20

Dôl khân păng tâm lơh, khân păng vơl dăn ma Brah Ndu, jêh ri yorlah khân păng geh nuih n'hâm rnơm nsing ma Păng, pôri Păng kơl rklaih an, jao phung Hagrit jêh ri lĕ rngôch phung tĭng păng tâm ti khân păng.

II Nau Rêh Jêng 16:8

Mâu di bơh phung Kus jêh ri phung Libi jêng du phung tahan ktang? Mâu di bơh ndeh seh jêh ri phung tahan ncho seh khân păng dŭt âk râk ngăn? Nđâp lah pônây, yorlah may rnơm ma Brah Yêhôva, Păng jao jêh khân păng tâm ti may.

II Nau Rêh Jêng 32:8

Păng knŏng geh ti nglay săk; bi he geh Yêhôva Brah Ndu gŭ ndrel he gay kâp kơl, jêh ri sâm tâm lơh ăn ma he.” Phung ƀon lan geh nau n'hao nuih yor bơh nau ngơi Y-Hêsêkia, hađăch Yuđa.

Nau Mprơ Ơm 116:7

Ơ huêng gâp, lŏ sĭt hom ma ntŭk may rlu, Yorlah Brah Yêhôva ƀư ueh ma may rmeh ler.

Nau Ngluh Êjipt 14:14

Brah Yêhôva mra tâm lơh an ma khân may, bi khân may ăn gŭ rklăk.”

Êsai 28:12

Păng hŏ lah jêh đah khân păng: “Aơ jêng ntŭk rlu, Ăn hom nơm rgănh dơi rlu; Aơ jêng ntŭk đăp mpăn.” Ƀiălah khân păng mâu ŭch iăt ôh.

Êsai 30:11

Du hom tă bơh trong, chalơi ndô̆, Lơi dĭng nkoch Nơm Kloh Ueh Israel tanăp măt hên!”

Êsai 30:7

Yorlah nau bri Êjipt kơl knŏng jêng dơm dam, mâu khlay ôh Yor nây Gâp rnha păng “H'Rahap gŭ rklăk mâu mpât.”

Êsai 32:17

Ndô ndơ bơh nau sŏng srăng jêng nau đăp mpăn, Play khlay bơh nau sŏng srăng jêng nau đăp rmên jêh ri nau rnơm ƀaƀơ.

Êsai 32:18

Phung ƀon lan Gâp mra gŭ tâm ntŭk đăp mpăn, Tâm ntŭk gŭ rklăk, tâm ntŭk rlu mpăn ngăn.

Êsai 40:31

Ƀiălah mbu nơm kâp gân tâm Brah Yêhôva nanê̆ mra geh nau dăng ktang mhe, Mpăr hao prêh tâm ban ma klang, Nchuăt mâu hŏt rgănh ôh, Hăn mâu huăr rgănh ôh.

Êsai 42:24

Mbu nơm jao jêh phung Yakôb tâm nau ntŭng ndô ndơ, Jêh ri jao phung Israel ma phung pit sŏk? Mâu di hĕ jêng Brah Yêhôva, jêng Nơm phung he hŏ ƀư nau tâm rdâng đah Păng? Yorlah mâu geh nơm ŭch hăn tĭng trong Păng, Mâu lĕ khân păng tông ma nau vay Păng.

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Êsai 7:4

Ăn may lah ma Y-Ahas pô aơ: ‘Njrăng hom jêh ri gŭ rklăk, lơi klach ôh, lơi ăn may rdja nuih n'hâm ôh yor bar mlâm yôk ngâl knŏng hôm luh nhhŭk, nây jêng nau Y-Rêsin ji nuih, hađăch Aram, jêh ri kon bu klâu Y-Rêmalia.

Yêrêmi 23:36

Nôk nây, khân may mâu dơi ngơi tât, ‘nau ngơi bơh Brah Yêhôva ƀư jâk’ đŏng ôh; yorlah bu nơm ngơi jêng jâk ăn bunuyh nây, yorlah khân may hŏ nsak nkhăng nau Brah Ndu gŭ rêh mro mrăng, jêng Brah Yêhôva ma phung tahan, Brah Ndu he.

Mathay 22:3

Hađăch njuăl oh mon hăn kuăl phung dơi jă jêh văch râng nau nhêt sông tâm nkol ur sai, ƀiălah khân păng mâu văch.

Mathay 23:37

“Hơi Yêrusalem, Yêrusalem! May nkhĭt phung nơm mbơh lor jêh ri klŭp ma lŭ phung bu njuăl ma may! Âk tơ̆ jêh Gâp ŭch tâm rgum phung kon may tâm ban ma iăr me rtŭk kon păng, gay pôn lơi tâm dâng năr păng, ƀiălah khân may mâu ŭch ôh!

Luka 13:34

“Hơi Yêrusalem, Yêrusalem! May nkhĭt phung nơm mbơh lor jêh ri klŭp ma lŭ phung bu njuăl ma may! Âk tơ̆ jêh Gâp ŭch tâm rgum phung kon may tâm ban ma iăr me rtŭk kon păng gay pôn lơi tâm dâng năr păng, ƀiălah khân may mâu ŭch ôh.

Yôhan 5:40

ƀiălah khân may mâu ŭch văch ta Gâp gay dơi geh nau rêh n'ho ro.

ហេឞ្រើ 12:25

Njrăng hom, lơi dun ma Nơm ngơi đah khân may. Yorlah tơlah khân păng dun iăt nơm mbơh nau mbơh lor ma khân păng ta neh ntu, rlau lơn ma he tâm rdâng đah Nơm ntrŭnh nau mbơh lor bơh trôk, lơ hô mâu dơi klaih ôh.