Êsai 30:14 - Nau Brah Ndu Ngơi 2023

¹⁴ Păng mra nchah hăch tâm ban ma glah uk bu nchah lơi ăn hăch, Nchah hăch jêng âk rngơl mâu nhhuach ôh; Kŏ tât bu mâu dơi joi du rsong uk ôh Gay ŭch sŏk ŭnh bơh năk, Mâu lah bâk dak bơh nglau.”

Êsai 30:14 ပူးပေါင်းရင်းမြစ်များ

Ndrom Samƀŭt bơh Yôp 27:22

Chiông sial rpuh tât nau mhĭk toyh ta klơ păng mâu geh nau yô̆ nđach; Păng nsrôih nchuăt du bơh nau tât.

Nau Mprơ Ơm 2:9

Kon dŏng mâng tăk jra loih mbang nchah khân păng, Ƀư khân păng nchah lơi nâm bu yăng neh chah rai.”

Nau Mprơ Ơm 31:12

Tâm nuih n'hâm khân păng chuêl gâp nâm bu du huê bunuyh khĭt jêh. Gâp jêng tâm ban ma du play yăng chah hăch.

Nau Hôr 6:15

Yor nây, nau rêh ni mra tât ma păng ma nau ndal; Tâm ƀât lât, păng mra rai roh ro mâu hôm dơi bah ôh.

Êsai 27:11

Lah n'gĭng păng kro jêh ri bu nkê̆ch pă, Phung bu ur sŏk gay ƀư long sŭnh ŭnh. Yorlah phung ƀon lan aơ mâu ŭch gĭt rbăng ôh, Yor nây Nơm njêng khân păng mâu yô̆ nđach ma khân păng ôh, Nơm njêng khân păng mâu ăn nau ueh ôh.

Êsai 30:26

Nau ang khay mra jêng tâm ban ma nau ang nar, jêh ri nau ang nar mra duh ktang lơn pơh tơ̆ tâm ban ma ang pơh nar, tâm nar Brah Yêhôva put n'grêp ntŭk sôt phung ƀon lan Păng, jêh ri ƀư bah ntŭk sôt khân păng.

Êsai 47:14

Aơ, khân păng mra plơ̆ jêng tâm ban ma rhe, Ŭnh sa; Khân păng mâu dơi tâm rklaih khân păng nơm ôh Bơh nau brah mpiăt ŭnh; Ŭnh aơ mâu jêng ôh tâm ban ma ônh rnga bu njâr, Mâu lah gŭ pĭt ŭnh.

Êsai 65:7

Nau tih khân may tâm ban ma nau tih phung chô yau khân may.” Brah Yêhôva lah pônây; “Yorlah khân păng hŏ su ndơ ƀâu kah ta klơ lĕ yôk, Jêh ri suai rak Gâp ta klơ lĕ dor yôk, Rĭ dĭng Gâp mra veh nau kan khân păng nôk kăl e Jêh ri plơng bôk tĭng nâm kan khân păng ƀư jêh.”

Yêrêmi 13:14

Brah Yêhôva lah: ‘Gâp mra ƀư ma bunuyh aơ tâm djrel đah bunuyh ri, mbơ̆ tâm tom đah kon. Gâp mra ti mâu djân, mâu yô̆, mâu nhhuach nôk Gâp ƀư rai khân păng.’”

Yêrêmi 48:38

Tâm ăp ta klơ chor ngih Môap, tâm ntŭk nhuang ƀon mâu geh padih nau nhĭm vơl, yorlah Gâp hŏ mbang chah jêh bri Môap nâm bu du mlâm yăng bu mâu hôm ŭch đŏng ôh.” Brah Yêhôva lah pônây.

Nau Nhĭm Vơl 4:2

Phung kon bu klâu Siôn ueh ngăn, Khlay ngăn nâm bu mah chrêk, Aƀaơ bu uănh tâm ban ma yăng bu mon uk, Tă bơh kan ti phung mon uk ƀư!

Êsêkiêl 24:14

Gâp, Brah Yêhôva, hŏ lah jêh nau nây mra geh tât. Gâp mra ƀư, Gâp mâu mra plơ̆ rŭch ôh, mâu yô̆ ôh, mâu tâm rgâl nau mĭn ôh. Bu mra phat dôih may tĭng nâm trong jêh ri kan may pah,’ Kôranh Brah Yêhôva lah pônây.”

Êsêkiêl 5:11

Yêhôva Brah Ndu lah: “N'hêl nê̆ tĭng nâm Gâp gŭ rêh mro mrăng, yor may hŏ ƀư ƀơ̆ ƀơch jêh ntŭk kloh ueh Gâp tă bơh lĕ nau mhĭk Gâp tâm rmot yor ri Gâp mra ƀư rai may mâu mra nhhuach. Măt Gâp mâu mra yô̆ may đŏng ôh.

Êsêkiêl 7:4

Măt Gâp uănh mâu nhhuach ôh ma may, Gâp mâu mra geh nau yô̆ ma may; ƀiălah Gâp mra mplơ̆ ma may tĭng nâm trong may hăn, jêh ri ntil nau ƀơ̆ ƀơch may mra gŭ ta nklang may. Rnôk aơ, khân may mra gĭt Gâp jêng Brah Yêhôva.’

Êsêkiêl 7:9

Măt Gâp uănh mâu nhhuach ôh ma may, mâu lĕ yô̆ ôh ma may. Gâp mplơ̆ ma may tĭng trong may hăn jêh ri lĕ nau ƀơ̆ ƀơch may mra gŭ ta nklang may. Rnôk nây, khân may mra gĭt Gâp yơh, Brah Yêhôva, jêng Nơm tâm rmal.

Êsêkiêl 8:18

Yor nây yơh, Gâp mra ƀư ma khân păng tĭng nau ji nuih; măt Gâp mâu nhhuach ôh, mâu lĕ yô̆ klâng đŏng. Nđâp tơlah khân păng kuăl nter tăng tât ma tôr Gâp, Gâp mâu hôm ŭch n'gĭl iăt ôh.”

Êsêkiêl 9:10

Bi ma Gâp, măt Gâp uănh mâu mra nhhuach ôh, mâu mra yô̆ klâng lĕ. Gâp mra ƀư trong khân păng nkhŭt ta klơ bôk khân păng nơm.”

Luka 4:2

Ta nây, brah mhĭk ndơm Păng tâm puăn jât nar. Tâm lĕ nar nây, Păng mâu sông sa ôh; nôk mông nar nây lôch jêh Păng ji ngot.

Samƀŭt Pôl Njuăl Ăn Ma Phung Nsing Ta Ƀon Rôm 11:21

Yorlah tơlah Brah Ndu mâu nhhuach ma đơ n'gĭng păng nơm, Păng mâu đŏng nhhuach ma may ôh.

Samƀŭt Pôl Njuăl Ăn Ma Phung Nsing Ta Ƀon Rôm 8:32

Brah Ndu mâu nhhuach Kon Păng nơm, ƀiălah Păng jao jêh Kon nây ma lĕ rngôch he, mâm ƀư Păng mâu ăn lĕ ntil ndơ ndrel Kon nây ma he?

Nau Vay Nkah Tay 29:20

Brah Yêhôva mâu mra yô̆ an ôh ma păng nây, ƀiălah nau ji nuih jêh ri nau ntôn bơh Brah Yêhôva mra su bunuyh nây. Lĕ rngôch nau rak rtăp hŏ nchih jêh tâm ndrom samƀŭt aơ mra nkhŭt ta păng jêh ri Brah Yêhôva mra jut lơi amoh păng bơh tâm neh ntu aơ.

Nau Tâm Mpơl 2:27

păng mra chiă uănh lĕ bri dak ma mâng jra loih, jêh ri mbang nchah khân păng nâm bu ndơ neh uk, tâm ban đŏng Gâp hŏ dơn jêh nau dơi nây bơh Mbơ̆ Gâp.