Êsai 30:10 - Nau Brah Ndu Ngơi 2023

¹⁰ Khân păng lah ma phung geh nau tâm saơ: “Lơi saơ nau tâm saơ đŏng,” Jêh ri lah đah phung saơ nau tâm saơ pô aơ: “Lơi nkoch ma hên lĕ nau tâm saơ ma nau nanê̆ ngăn đŏng ôh! Ngơi hom ma hên lĕ nau ƀư maak ma tôr hên, Jêh ri nkoch hom ma hên lĕ nau mâu geh ngăn.

Êsai 30:10 ပူးပေါင်းရင်းမြစ်များ

I Phung Hađăch 21:20

Y-Ahap lah ma Y-Êli: “Hơi nơm rlăng gâp, may lĕ mâp jêh gâp?” Y-Êli plơ̆ lah: “Di ngăn, gâp saơ jêh may, yorlah may hŏ tăch jêh may nơm gay ƀư nau mhĭk tanăp măt Brah Yêhôva.

I Phung Hađăch 22:27

jêh ri ntĭnh khân păng nây lah: ‘Hađăch lah: Krŭng hom bunuyh aơ tâm ndrung, knŏng siăm păng ma piăng let jêh ri dak gay păng rêh, kŏ tât nôk gâp plơ̆ sĭt đăp mpăn.’”

II Nau Rêh Jêng 16:10

Y-Asa ji nuih ma nơm geh nau tâm saơ jêh ri nhŭp krŭng păng yor ma nau nây, hađăch ji nuih ngăn ma păng. Dôl nôk nây, Y-Asa tŭn jot đŏng bunuyh êng ƀaƀă tâm phung ƀon lan.

II Nau Rêh Jêng 25:16

Tâm nôk nơm mbơh lor dôl ngơi; hađăch lah ma păng: “Hên mâp dăp may jêng nơm kơl nchră ma hađăch? Găp hôm, gŭ klăk hom! May ŭch khĭt lĕ?” Nơm mbơh lor gŭ klăk, ƀiălah jêh nây păng lah tay: “Gâp gĭt Brah Yêhôva tâm nal ƀư rai may, yorlah may hŏ ƀư jêh nau aơ jêh ri mâu ŭch iăt ôh nau gâp nkah.”

Ndrom Samƀŭt bơh Yôp 41:3

Gâp mra ngơi ma lĕ kô̆ săk jăn păng, Ma n'hâm suan jêh ri nau ueh săk jăn păng.

Êsai 28:15

Yorlah khân may lah jêh: “Hên hŏ ƀư jêh nau tâm rnglăp đah nau khĭt, Hên geh du nau tâm rnglăp đah ƀon phung khĭt Lah nau tât geh ƀư rai rmeh ler rgăn Mâu mra tât ma hên ôh. Yorlah hên sŏk jêh nau mƀruh jêng ntŭk hên nsing, Sŏk nau ndơm jêng ntŭk hên du krap.”

Êsai 29:10

Yorlah Brah Yêhôva hŏ nkhŭt brah bê̆ch hăk ma khân may; Păng hŏ nsêt jêh măt khân may jêng phung nơm mbơh lor, Păng nkŭm jêh bôk khân may, jêng phung geh nau tâm saơ.

Êsai 5:20

Rêh ni ngăn ma phung rnha ntơ nau mhĭk jêng ueh, Lah nau ueh jêng mhĭk; Sŏk nau ngo jêng nau ang, Sŏk nau ang jêng nau ngo; Sŏk nau tăng jêng nau njŭng, Sŏk nau njŭng jêng nau tăng.

Yêrêmi 11:21

Brah Yêhôva lah: “Ma phung Anathôt, phung ŭch nkhĭt nau rêh may, hŏ nkrit nhhu may pô aơ: ‘Tơlah may mâu ŭch khĭt tâm ti he pôri lơi sŏk amoh Brah Yêhôva ngơi mbơh lor đŏng ôh.’

Yêrêmi 23:17

Khân păng lah ƀaƀơ đah phung tâm rmot ma Gâp pô aơ: ‘Brah Yêhôva lah: Khân may mra geh nau đăp mpăn.’ Jêh ri lah ma phung geh nuih n'hâm dăng: ‘Mâu geh nau mhĭk mra tât ma khân may ôh.’

Yêrêmi 26:11

Rnôk aơ, phung kôranh ƀư brah jêh ri phung mbơh lor lah ma phung kôranh jêh ri ma lĕ rngôch phung ƀon lan pô aơ: “Bunuyh aơ khư ma nau khĭt yorlah hŏ mbơh lor tâm rdâng đah ƀon toyh aơ, nâm bu tôr khân may nơm hŏ tăng jêh.”

Yêrêmi 29:27

Pônây mâm ƀư may mâu nduyh Y-Yêrêmi bunuyh Anathôt, dôl ngơi mbơh lor nây ăn ma khân may?

Yêrêmi 36:29

Bi ma Y-Jêhôjakim, hađăch Yuđa, ăn may lah: Brah Yêhôva lah: ‘May lĕ su lơi jêh ndrom samƀŭt ntâu nây jêh ri lah: Mâm ƀư may nănh nchih pô aơ hađăch Babilôn mra văch tât nanê̆ ngăn ƀư rai bri aơ jêh ri mra ƀư rai lĕ rngôch bunuyh nđâp mpô mpa rong?’

Yêrêmi 38:4

Phung kôranh lah ma hađăch: “Ăn bu nkhĭt lơi bunuyh aơ, yorlah đơ nau păng ngơi ƀư rdja nuih n'hâm phung tahan hôm tâm ƀon aơ tâm ban ma lĕ rngôch phung ƀon lan. Bunuyh aơ mâu joi ôh nau ueh ma phung ƀon lan ƀiălah knŏng djôt leo ma nau rai yot dơm.”

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Amôt 2:12

“Ƀiălah khân may hŏ ăn ma phung Nasirit nhêt ndrănh Jêh ri buay phung nơm mbơh lor pô aơ: ‘Lơi khân may mbơh lor ôh!’

Amôt 7:13

Ƀiălah lơi ngơi nau mbơh lor ôh ta Bêthel yorlah păng jêng ntŭk kloh ueh ma hađăch jêh ri jêng ngih brah ma ƀon bri hađăch.”

Mika 2:11

Tơlah geh bunuyh ngơi mƀruh lah pô aơ: “Gâp mra mbơh lor ma may ma nau ndrănh jêh ri ndrănh dăng,” Pôri bunuyh nây jêng nơm mbơh lor jêng di phung bơh ƀon lan aơ!

Mika 2:6

Khân păng lah pô aơ: “Khân may lơi ta mbơh lor đŏng ôh. Lơi ta mbơh lor lĕ nau pônây; Nau bêk prêng mâu ôh mra tât ma he”

Yôhan 7:7

Neh ntu mâu dơi tâm rmot ma khân may ôh ƀiălah tâm rmot ma gâp, yorlah gâp hŏ mbơh ma neh ntu gĭt pô aơ nau kan khân păng jêng djơh mhĭk.

Yôhan 8:45

Ƀiălah yor ri Gâp ngơi nau ngăn, khân may mâu chroh ma Gâp.

Kôranh Oh Mon 4:17

Nđâp lah kơt nĕ, gay ma nau nây mâu lư đŏng ôh tâm phung ƀon lan, ăn he buay khân păng mâu dơi ôh sŏk amoh nây nti lah ma ăp nơm đŏng.”

Kôranh Oh Mon 5:28

“Hên hŏ buay khân may ktang ngăn, mâu ăn nti lah ma amoh bunuyh nây ôh, ƀiălah aƀaơ ri khân may hŏ ƀư jêh ma ƀon Yêrusalem bêng ler nau khân may nti, khân may ŭch ăn mham Bunuyh nây nkhŭt tay ta hên!”

Samƀŭt Pôl Njuăl Ăn Ma Phung Nsing Ta Ƀon Rôm 16:18

Yorlah phung pônây mâu pah kan ma Brah Krist, Kôranh Brah he ôh, ƀiălah pah kan ma ndŭl khân păng nơm; khân păng sŏk nau ngơi ueh, ngơi rnê gay ma ndơm mƀruh lĕ nuih n'hâm phung sŏng.

Galati 4:16

Pônây gâp plơ̆ jêng nơm rlăng đah khân may yorlah ngơi nau ngăn ma khân may lĕ ƀơh?

II Timôthê 4:3

Yorlah mra tât du rnôk phung bunuyh mâu hôm ŭch iăt nau nti nau ngăn, ƀiălah tĭng nuih n'hâm ŭch kơnh, khân păng mra tâm rgum phung kôranh nơm nti jŭm khân păng nơm gay iăt lĕ nau ƀư maak ma tôr;

II Timôthê 4:4

khân păng nsêt tôr mâu iăt nau ngăn, ƀiălah rle n'gĭl ma lĕ nau nkoch bri tă bơh kăl e.

Nau Tâm Mpơl 11:7

Tơlah bar hê khân păng mbơh nkoch lôch jêh, geh mpô mpa dŭt janh hăn hao tă bơh brŏng jru, tâm lơh jêh ri păng dơi jêh ri nkhĭt khân păng.

I Samuel 9:9

(Nar kăl e, tâm n'gor Israel, tơlah bu hăn ôp nau mĭn Brah Ndu, păng vay lah: “Văch hom! He hăn hom mâp ma nơm geh nau tâm saơ”; yorlah bunuyh bu ntơ nơm mbơh lor nar aơ, nar kăl e bu ntơ nơm geh nau tâm saơ.)