Êsai 3:26 - Nau Brah Ndu Ngơi 2023

²⁶ Lĕ mpông pêr Siôn mra nhĭm nhhiăng jêh ri ndrê klâng; Khân păng mra gŭ tâm bri rngol.

Êsai 3:26 ပူးပေါင်းရင်းမြစ်များ

Ndrom Samƀŭt bơh Yôp 2:13

Pe nuyh mĭt jiăng gŭ ta neh ndrel Y-Yôp tâm pơh năng nar, mâu geh du huê ngơi du tong ndrel păng, yor khân păng saơ nau ji păng toyh ngăn.

Ndrom Samƀŭt bơh Yôp 2:8

Y-Yôp gŭ tâm nklang mbŭch buh, sŏk rlat rsong yăng chah kuach chiăt.

Êsai 14:31

Ơ mpông mpêr! Nhĭm nhhiăng hom! Ơ ƀon toyh, lŭng nter hom! Ơ lĕ phung Philistin, rai lôch hom! Yorlah geh du nau nhhŭk ŭnh tât tă bơh mpeh pa lơ, Mâu geh du huê chalơi phung tahan păng nơm.”

Êsai 29:2

Gâp mra nchueng jŭm Ariêl, Păng mra geh nau rngot klâng jêh ri lŭng nter, Ƀiălah păng ăt hôm jêng ƀon Ariêl ma Gâp.

Êsai 32:14

Ngăn yơh, bu mra chalơi ngih hađăch, Ƀon toyh mra jêng rngot njăp; Yôk jêh ri ngih tŭm gak mra jêng trôm mpa bri lĕ rngôch rnôk n'ho ro Ntŭk pâl ma seh bri, Jêh ri ƀư ndrêch gơ̆ ma phung mpô mpa sa,

Êsai 33:9

Bri neh nhĭm jêh ri huănh hươi; Liban bêk jêh ri klêu; Sarôn jêng tâm ban ma ndrêch rdah; Basan jêh ri yôk Karmel nhop kro.

Êsai 47:1

Ơ bu ur druh ƀon Babilôn, Trŭnh jêh ri gŭ hom tâm ndruyh neh! Ơ kon bu ur phung Kaldê! Gŭ hom ta neh, mâu hôm gŭ ta sưng hađăch ôh! Yorlah bu mra mâu hôm rnha ma may Jêng rdơ̆ rbăn ueh lăng ôh.

Êsai 6:11

Gâp ôp, “Ơ Kôranh Brah, kŏ tât ndah jŏ?” Păng plơ̆ lah: “Kŏ tât âk ƀon toyh jêng rngot njăp, Mâu geh bunuyh gŭ ôh, Ngih mâu geh bunuyh gŭ, Jêh ri lĕ bri neh plơ̆ jêng rngol lĕ ƀhiau;

Yêrêmi 14:2

“N'gor Yuđa gŭ tâm nau klâng ndrê, Mpông ƀon lĕ rai; Phung ƀon lan nhĭm vơl da dê ăn ma ntŭk nây, Jêh ri tăng bâr ƀon Yêrusalem kuăl.

Yêrêmi 15:8

Bu ur ndrô mra hao Âk lơn choih dak mƀŭt. Gâp hŏ mprơh nơm ƀư rai tât nar nklang bôk, Ƀư nau mhĭk ma mê̆ phung tahan bu klâu ndăm. Ƀât lât, Gâp mra nkhŭt ta klơ khân păng Nau rngot klâng jêh ri klach krit.

Nau Nhĭm Vơl 1:1

Ơ! Ƀon aơ kăl e âk ngăn bunuyh, Aƀaơ gŭ êng du huê du! Kăl e geh nau dơi toyh ta nklang phung ƀon lan, Aƀaơ jêng nâm bu bu ur ndrô, Kăl e jêng hađăch bu ur ta nklang âk n'gor, Aƀaơ ri jêng pah kan jâk rgănh ngăn!

Nau Nhĭm Vơl 1:4

Trong hăn ma ƀon Siôn rngot klâng ngăn Yorlah mâu hôm geh nơm tât tâm nar rƀŭn. Lĕ rngôch mpông pêr păng jêng rngol, Phung kôranh ƀư brah nter vơl; Phung bu ur druh tang tat păng rngot klâng. Nau rêh păng gŭ tâm nau rngot ngăn.

Nau Nhĭm Vơl 2:10

Phung kôranh bu ranh kon bu ur ƀon Siôn Răk klăk gŭ ta klơ neh; Bôk pot neh muy, Săk jăn nsoh ƀau mhay. Phung bu ur druh ƀon Yêrusalem Kŭnh bôk êp ta neh.

Nau Nhĭm Vơl 2:8

Brah Yêhôva hŏ lĕ dăp nal ƀư rai jêh Mpêr ƀon kon druh Siôn; Păng hŏ nthăng jêh rse veh, Nkhĭt mâu rlu ôh ti Păng ƀư ăn ma mpêr jêh pôih rngot klâng, Nsum ndrel tâm nau rgănh huăr rai lĕ.

Êsêkiêl 12:20

Ƀon toyh geh âk bunuyh gŭ mra jêng rai, bri dak mra jêng rngol jêh ri khân may mra gĭt Gâp jêng Brah Yêhôva.’”

Êsêkiêl 26:16

Lĕ rngôch phung kôranh tâm nkual dak mƀŭt mra trŭnh tă bơh sưng hađăch khân păng nơm da dê, doh lơi ao jâr jêh ri doh lơi ao cheh chiăk. Khân păng geh nau klach nchueng jŭm jêh ri gŭ rvel ta neh. Khân păng râm nsâr ƀaƀơ, jêh ri klach ngăn yor may.

Mika 1:9

Yorlah ntŭk têl rmanh păng mâu dơi bah ôh; Păng trêng tât n'gor Yuđa tâm ban lĕ, Tât ta mpông pêr mpôl băl gâp, Nây jêng tât ƀon Yêrusalem.

Mathay 11:17

‘Hên uh n'hôm, ƀiălah khân may mâu pâl ntalơ̆ ôh; Hên mprơ nau mprơ rngot, ƀiălah khân may mâu nhĭm nhhiăng ôh.’

Luka 19:44

Khân păng mra ƀư rai may jêh ri phung kon sau ta nklang may đŏng. Khân păng mâu mra ăn glo lŭ aơ gŭ ta klơ glo lŭ ri, yorlah may mâu gĭt ôh mông may geh nau khâl.”