Êsai 3:24 - Nau Brah Ndu Ngơi 2023

²⁴ Ndơ ƀâu ôm mra ntrok ma ndơ ƀâu kah; Rse brăt ntrok jêng rse bŭt; Bôk hil ntrok ma sŏk krô; Ao bok ƀau ntrok ma ao jong ueh ngăn; Têl loih gŭch krĕt ntrok ma nau ueh.

Êsai 3:24 ပူးပေါင်းရင်းမြစ်များ

Êsther 2:12

Ăp bu ur druh tĭng tâm nal ăn ƀư nau ueh ma tâm jât ma bar khay: Prao khay dŏng dak si tăng kôlônh-mir, prao khay dŏng dak si ƀâu kah ndrel ma dak kôlônh gay jut lơi nau ƀơ̆ ma phung bu ur. Măng nar lôch jêh, ăp bu ur druh tĭng nau dăp gay hăn văch tât ta hađăch Asuêrus.

Ndrom Samƀŭt bơh Yôp 16:15

Gâp jĭm ao ƀau nkŭm klơ ntâu săk jăn gâp, Tâp brôi n'hâm suan gâp tâm ndruyh neh.

Nau Hôr 31:24

Păng ƀư kho ao đah bok mhay djôt tăch; Ăn rse vân bŭt ma nơm tăch drăp.

Nau Hôr 7:17

Gâp hŏ djrah jêh ntŭk bê̆ch Đah dak si tăng, alôê jêh ri ma sinamôn.

Êsai 15:2

Phung Dibôn hăn hao jêh ta ntŭk yơk mbah Ta lĕ ntŭk prêh gay nhĭm nhhiăng. Phung Môap nhĭm nhhiăng Ma Nêbô jêh ri Mêdêba; Lĕ rngôch plưn bôk da dê Jêh ri têp kang poih lĕ.

Êsai 15:3

Tâm trong sâng, khân păng nsoh ao ƀau; Ta klơ chor jây jêh ri tâm lĕ ntŭk rgum băl, Lĕ rngôch bunuyh nhĭm nhhiăng da dê, dêh rhêt jêh ri luh dak măt.

Êsai 22:12

Tâm nar nây, Kôranh Brah jêng Brah Yêhôva ma phung tahan Kuăl khân may ma nau nhĭm jêh ri klâng rngot, Poih bôk jêh ri nsoh ao ƀau;

Êsai 3:23

nchrâng muh măt, kho ao ƀư ma bok mhay, bok mpân sŏk jêh ri bok nkŭm bôk.

Êsai 4:4

Tơlah Kôranh Brah sŏk nau di jêh ri huêng brah nau su gay rao lơi nau ƀơ̆ ƀơch phung kon bu ur ƀon Siôn, jêh ri ƀư kloh lơi mham tă bơh tâm nklang ƀon Yêrusalem,

Êsai 57:9

May hŏ djôt dak ngi jêh ri ntop dak si ƀâu kah Hăn nhhơr ma brah tih Môlek; May đă phung mbơh ktang may nơm hăn n'gor ngai, Ntrŭnh săk nơm tât ƀon phung khĭt!

Yêrêmi 4:8

Yor nây, put hom bok ƀau tâm săk Nhĭm nhhiăng vơl dăn, Yorlah nau Brah Yêhôva ji nuih Ê hŏ du bơh he ôh.”

Yêrêmi 48:37

Ăp nơm poih bôk hil, ăp nơm poih têp ăn pler; mpang ti ăp nơm têl tor, jêh ri ăp nơm mbăn ƀau sat da dê.

Yêrêmi 49:3

“Ơ ƀon Hêsbôn, nhĭm nhhiăng hom yor ma ƀon Ahi hŏ rai jêh! Hơi kon bu ur Raba, nhĭm vơl hom. Nsoh hom ao ƀau sat, Nchuăt nsong dâng lơ tâm nklang pêr nhĭm nhhiăng! Yorlah brah Malkôm bu mra mprơh hăn ƀư bu nă Ndrel ma phung kôranh ƀư brah jêh ri phung kôranh păng luh du bơh n'gor.

Yêrêmi 6:26

Hơi phung kon bu ur ƀon lan Gâp, put hom bok ƀau tâm săk, Jêh ri rlă tâm ndruyh ŭnh buh. Nhĭm vơl hom nâm bu roh kon bu klâu kon dul, Vơl nhĭm hom rngot ji ngăn; Yorlah phung ƀư rai Mra tât ndal rduh ma he.

Nau Nhĭm Vơl 2:10

Phung kôranh bu ranh kon bu ur ƀon Siôn Răk klăk gŭ ta klơ neh; Bôk pot neh muy, Săk jăn nsoh ƀau mhay. Phung bu ur druh ƀon Yêrusalem Kŭnh bôk êp ta neh.

Êsêkiêl 27:31

Khân păng poih bôk plưn yor may, Jêh ri nsoh ao ƀau. Khân păng mra nhĭm vơl may, Jêh ri nuih n'hâm bêng ma rngot klâng.

Êsêkiêl 7:18

Khân păng mra vân rse bŭt ma bok ƀau, nau krit nkŭm khân păng; lĕ rngôch muh măt prêng da dê, lĕ rngôch bôk poih plưn da dê.

Yôel 1:8

May nhĭm vơl hom nâm bu ur druh nsoh ao ƀau Nhĭm vơl ma sai dăch nđăp nôk ndăm!

Kan Lêvi 26:16

Gâp mra ƀư lĕ nau ma khân may: Gâp mra nkhŭt nau krit kir tât ma khân may, nau ji khô hiăn jêh ri nau ji kăt, ƀư vĭr măt khân may jêh ri ƀư rngot nuih n'hâm khân may. Khân may mra huăr srih ntil yorlah phung rlăng đah khân may mra sa lĕ ndơ nây.

Amôt 8:10

Gâp mra rgâl lĕ nar rƀŭn khân may jêng nar klâng rvê Jêh ri lĕ nau mprơ khân may jêng nau mprơ rngot. Gâp mra ƀư ăn khân may vân ƀau ta bŭt Jêh ri ƀư ăn lĕ rngôch bôk plưn da dê. Gâp mra ƀư ma khân may nhĭm nhhiăng nâm bu nuyh roh kon bu klâu kon dul Jêh ri nau nglĕ dŭt nâm bu du nar rngot ngăn ngên.”

Mika 1:16

Ƀư plưn hom bôk jêh ri poih ăn pler, Yorlah phung kon may ŭch rŏng; Di jêh, ƀư plưn hom ma may nâm bu klang, Yorlah khân păng bu nhŭp da dê hăn jêng bu nă tă bơh may!

Nau Vay Nkah Tay 28:22

Brah Yêhôva mra ƀư rêh ni khân may ma nau ji khô hiăn, nau ji kop, nau ji kren, nau duh ktang, nau prăng phang ƀư ma tơm si gơ̆ rêp klêu kro, luh o. Lĕ nau mhĭk nây mra tĭng khân may kŏ tât khân may rai lôch.

Nau Vay Nkah Tay 32:24

Khân păng mra huănh hươi yor ma nau ji ngot, Lĕ huăr yorlah nau duh hâu ngăn, Roh rai yor nau ji tưp mhĭk. Gâp mra đă mpa bri janh, Jêh ri dak kăch bơh lĕ ntil bêh tâm ndruyh neh văch mra ƀư mhĭk khân păng.

I Pêtrôs 3:3

Lơi uănh khlay nau nkrơ̆ padih nâm bu păch sŏk rlau keh ir, dok văn mah, nsoh kho ao mâu tâm di;

Nau Tâm Mpơl 11:3

Gâp mra ăn ma bar hê nơm mbơh Gâp, khân păng nsoh ao bok ƀau jêh ri ngơi nau mbơh lor tâm du rbăn bar rhiăng prao jât nar.”

Nau Tâm Mpơl 16:9

Jêh ri n'hôl duh hâu ir ngăn su kon bunuyh jêh ri khân păng ngơi djơh tât amoh Brah Ndu, jêng Nơm geh nau dơi ma ntil nau rêh ni nây, ƀiălah khân păng mâu đŏng rmal nau tih gay ma tâm rnê Păng.

Nau Tâm Mpơl 18:9

Lĕ rngôch phung hađăch ta neh ntu, đơ phung bunuyh ƀư tih văng tĭr jêh ri gŭ rêh dŭt ndrŏng dŭt maak đah păng, mra nhĭm nhhiăng, lŭng nter tơlah khân păng saơ nhhŭk ŭch sa păng.