Êsai 3:15 - Nau Brah Ndu Ngơi 2023

¹⁵ Mâm dĭng khân may janh jot plên phung ƀon lan Gâp, Jot rchal lơi muh măt phung o ach?” Kôranh Brah jêng Brah Yêhôva ma phung tahan lah.

Êsai 3:15 ပူးပေါင်းရင်းမြစ်များ

Nau Mprơ Ơm 94:5

Ơ Brah Yêhôva, khân păng jot hăch phung ƀon lan May, Ƀư rêh ni ma drăp ndơn May.

Nau Ngluh Êjipt 5:14

Phung kôranh mbŭch bunuyh Israel tă bơh phung kôranh uănh kan Pharaôn săch gay uănh nđôi lĕ phung Israel ƀaƀă jêng phung lĕ bu hŏ dong mbang jêh ri ôp khân păng: “Mâm ƀư nđaơ jêh ri nar aơ khân may mâu ƀư nŭm ôh rnoh ƀrĭk hŏ jao jêh nâm bu lor?”

Nau Hôr 30:14

Geh phung bunuyh geh sêk hơr nâm bu đao, Găm hơr nâm bu pêh. Gay rvăn roh lĕ bunuyh ndĭt trơi bơh neh, Jêh ri lĕ bunuyh rêh ni bơh kon bunuyh.

Êsai 10:2

Gay pit sŏk nau geh phung mâu geh nau ktang Jêh ri sŏk roh nau di bơh phung o ach tâm phung ƀon lan Gâp, Plăch rgâl phung bu ur ndrô sai jêng mpa sa ma khân păng, Jêh ri phung kon đơi jêng ndơ pit sŏk!

Êsai 14:30

Rnôk nây, phung o ach lơn mra joi saơ ndơ sông sa, Phung pưt ndơ mra lâng bê̆ch tâm nau đăp mpăn. Ƀiălah Gâp mra ƀư ma noi deh may khĭt ma nau sa sât ji ngot, Jêh ri đơ phung hôm klen bu mra nkhĭt.

Êsai 26:6

Bu mra jot păng tâm dâng jâng, Tâm dâng mpang jâng nơm o ach, Tâm dâng nhuat jâng nơm mâu geh nau ktang.”

Êsai 29:19

Phung dêh rhêt mra răm maak ntop âk tâm Brah Yêhôva, Phung o ach mra răm maak yor Nơm Kloh Ueh Israel.

Êsai 30:12

Yor nây, Nơm Kloh Ueh Israel lah pô aơ: “Yorlah khân may mưch ma nau ngơi aơ, Rnơm ma nau tŭn jot jêh ri nau mƀruh, Jêh ri rnơm ma nau nây,

Êsai 32:6

Yorlah bunuyh rluk mra ngơi lĕ nau rluk, Nuih n'hâm khân păng mĭn ƀư nau mhĭk Gay ŭch ƀư nau ƀơ̆ ƀơch, Ngơi nau mhĭk đah Brah Yêhôva; Ƀư ma bunuyh ji ngot gŭ ndŭl hŏng, Jêh ri nơm ji hir mâu dơi nhêt dak.

Êsai 5:7

Đang play Brah Yêhôva ma phung tahan Jêng ngih Israel, Bi ma phung Yuđa Jêng lĕ tơm si Păng răm maak tăm. Păng kâp gân gay saơ nau sŏng, Ƀiălah knŏng saơ nau mhĭk; Păng kâp gân ma nau sŏng srăng, Ƀiălah knŏng geh nau nter nđêng!

Êsai 58:4

Nanê̆ yơh, khân may ât sông sa gay ma tâm djrel jêh ri tâm rlăch, Dŏng ti nau ƀai tâm lơh ndrăng nơm. Khân may lơi ât sông sa tâm ban ma hŏ ƀư nar aơ, Gay ma bu tăng bâr khân may tât ta ntŭk prêh.

Êsai 63:8

Yorlah Păng lah jêh: “Nanê̆, khân păng jêng ƀon lan Gâp, Jêng phung kon mâu mra ndơm mƀruh ôh.” Jêh ri Păng jêng Nơm Tâm Rklaih khân păng.

Êsêkiêl 18:2

“Moh nau khân may ngơi dôl ngơi tay nau hôr aơ ma bri Israel: ‘Phung mbơ̆ sa play krăk ƀâu srat Phung kon nkhơng kĭr sêk’?

Yônais 1:6

Kôranh kumpăn văch dăch ma păng jêh ri lah: “Dơi lĕ may gŭ bê̆ch? Hăn dâk hom! Kuăl hom ma brah may. Klăp lah brah nây mra kah gĭt tay he pôri he mra klaih khĭt.”