Êsai 3:14 - Nau Brah Ndu Ngơi 2023

¹⁴ Brah Yêhôva mra phat dôih Phung kôranh bu ranh phung ƀon lan Păng jêh ri phung kôranh chiă uănh khân păng: “Khân may nơm jêng phung sa rvăn đang krăk ƀâu, Drăp ndơ ntŭng bơh phung o ach dôl gŭ tâm ngih khân may!

Êsai 3:14 ပူးပေါင်းရင်းမြစ်များ

Ndrom Samƀŭt bơh Yôp 22:4

Di lĕ yor may klach yơk ma Păng dĭng Păng nduyh lah, Jêh ri phat dôih may?

Ndrom Samƀŭt bơh Yôp 24:14

Trôk ê hŏ ang, phung nkhĭt bunuyh lĕ kah rngăl bê̆ch, Nkhĭt phung o ach jêh ri phung rêh ni. Lah lĕ măng jêh păng nâm bunuyh ntŭng.

Ndrom Samƀŭt bơh Yôp 24:9

Phung ƀai pĭt sŏk nuyh kon đơi mbơ̆ dôl pu toh mê̆; Nhŭp kon bê phung o ach ƀư ndơ nchăm.

Ndrom Samƀŭt bơh Yôp 34:23

Brah Ndu mâu hôm khăch ôp sek kon bunuyh đŏng ôh, Khân păng mra văch panăp măt Păng gay dơn nau phat dôih.

Nau Mprơ Ơm 10:9

Păng gŭ krap tâm ntŭk ndâp nâm bu yau mŭr tâm trôm, Păng gŭ krap gay ma nhŭp phung rêh ni; Păng têk bunuyh o ach lăp tâm nhuăl gay nhŭp khân păng.

Nau Mprơ Ơm 14:4

Di lĕ rngôch phung djơh mhĭk mâu gĭt rbăng da dê? Khân păng sa rvăn phung ƀon lan Gâp tâm ban ma sa ƀănh, Jêh ri mâu mâp kuăl mbơh sơm ma Brah Yêhôva.

Nau Mprơ Ơm 143:2

Lơi dĭng phat dôih ma oh mon May ôh, Yorlah mâu geh du huê jêng sŏng srăng tanăp May ôh.

Nau Hôr 30:14

Geh phung bunuyh geh sêk hơr nâm bu đao, Găm hơr nâm bu pêh. Gay rvăn roh lĕ bunuyh ndĭt trơi bơh neh, Jêh ri lĕ bunuyh rêh ni bơh kon bunuyh.

Êsai 10:1

Rêh ni ngăn ma phung nchih nau vay mâu sŏng, Phung nchih nau vay dăp mâu di,

Êsai 10:2

Gay pit sŏk nau geh phung mâu geh nau ktang Jêh ri sŏk roh nau di bơh phung o ach tâm phung ƀon lan Gâp, Plăch rgâl phung bu ur ndrô sai jêng mpa sa ma khân păng, Jêh ri phung kon đơi jêng ndơ pit sŏk!

Êsai 11:4

Ƀiălah Păng mra phat dôih tâm nau sŏng srăng ma phung mâu geh nau ktang, Jêh ri phat dôih nau sŏng ma phung rdơ̆ rbăn ta neh ntu. Păng mra dong neh ntu ma mâng jra bơh trôm mbung Păng, Jêh ri sŏk n'hâm bơh trôm mbung gay nkhĭt phung ƀai.

Êsai 14:30

Rnôk nây, phung o ach lơn mra joi saơ ndơ sông sa, Phung pưt ndơ mra lâng bê̆ch tâm nau đăp mpăn. Ƀiălah Gâp mra ƀư ma noi deh may khĭt ma nau sa sât ji ngot, Jêh ri đơ phung hôm klen bu mra nkhĭt.

Êsai 26:6

Bu mra jot păng tâm dâng jâng, Tâm dâng mpang jâng nơm o ach, Tâm dâng nhuat jâng nơm mâu geh nau ktang.”

Êsai 29:19

Phung dêh rhêt mra răm maak ntop âk tâm Brah Yêhôva, Phung o ach mra răm maak yor Nơm Kloh Ueh Israel.

Êsai 30:12

Yor nây, Nơm Kloh Ueh Israel lah pô aơ: “Yorlah khân may mưch ma nau ngơi aơ, Rnơm ma nau tŭn jot jêh ri nau mƀruh, Jêh ri rnơm ma nau nây,

Êsai 5:7

Đang play Brah Yêhôva ma phung tahan Jêng ngih Israel, Bi ma phung Yuđa Jêng lĕ tơm si Păng răm maak tăm. Păng kâp gân gay saơ nau sŏng, Ƀiălah knŏng saơ nau mhĭk; Păng kâp gân ma nau sŏng srăng, Ƀiălah knŏng geh nau nter nđêng!

Êsai 58:4

Nanê̆ yơh, khân may ât sông sa gay ma tâm djrel jêh ri tâm rlăch, Dŏng ti nau ƀai tâm lơh ndrăng nơm. Khân may lơi ât sông sa tâm ban ma hŏ ƀư nar aơ, Gay ma bu tăng bâr khân may tât ta ntŭk prêh.

Yêrêmi 12:10

Geh âk phung rmăk biăp ƀư rai jêh đang krăk ƀâu Gâp, Jot nkrâm ta ntŭk neh Gâp, Rgâl ntŭk neh Gâp ŭch rŏng Jêng bri rdah rngot rjăp.

Yêrêmi 5:27

Ngih vâl khân păng bêng ma nau mƀruh nchơt, Nâm bu ndrung bêng sĭm; Yor ri khân păng jêng ndrŏng geh jêh ri geh nau dơi,

Êsêkiêl 18:12

tŭn jot phung o ach mâu geh ndô ndơ, ntŭng ndơ bu, mâu mplơ̆ ôh ndơ nchăm ăn ma nơm geh rnon, kâp gân ma phung rup brah jêh ri ƀư ma nau ƀơ̆ ƀơch,

Êsêkiêl 20:35

Gâp mra leo khân may njŭn lăp tâm bri rdah lĕ rngôch phung ƀon lan êng jêh ri ta nây Gâp mra ăn gŭ panăp phat dôih khân may.

Êsêkiêl 20:36

Nâm bu Gâp phat dôih jêh phung chô yau khân may tâm bri rdah n'gor bri Êjipt tâm ban pônây lĕ Gâp mra phat dôih khân may,’ Kôranh Brah Yêhôva lah pônây.

Kan Lêvi 25:14

Tơlah khân may tăch mâu lah rvăt moh ndơ tă bơh phung chiau meng khân may, lơi ta ndơm ndrăng nơm ôh.

Kan Lêvi 25:17

Lơi tâm ndơm ndrăng khân may nơm ôh, ƀiălah ăn khân may klach yơk ma Brah Ndu khân may, yorlah Gâp jêng Yêhôva Brah Ndu khân may.

Amôt 2:7

Khân păng jot plên bôk phung ndĭt trơi tâm bŏk krăk, Jêh ri ƀư kue trong ma bunuyh dêh rhêt. Kon jêh ri mbơ̆ păng hăn bê̆ch nsum ma du huê bu ur. Jêh ri pônây ƀư ƀơ̆ kơt nĕ amoh kloh ueh Gâp.

Amôt 4:1

Hơi phung ndrôk me phung Basan, gŭ ta klơ yôk Samari, Iăt hom! Khân may tŭn jot phung o ach jêh ri jot plên phung mâu geh mâu jêng, Jêh ri lah ma sai khân păng pô aơ: “Djôt hom ndơ nhêt tât ta aơ!”

Mika 2:1

Rêh ni ngăn ma phung nchră ŭch ƀư nau mhĭk Jêh ri mĭn ŭch ƀư nau tih gŭ ta klơ gre bê̆ch păng! Tât ang ôi, khân păng ƀư ro nau ŭch mĭn Yorlah khân păng geh nau dơi ƀư tâm ti!

Mika 2:2

Khân păng kơnh neh mir jêh ri pit in lơi, Khân păng kơnh ngih vâl jêh ri sŏk lơi. Khân păng tŭn jot bu jêh ri ngih vâl khân păng Jêng bunuyh jêh ri drăp ndơ khân păng.

Mika 3:3

Khân may sa puăch phung ƀon lan Gâp, N'huk sŏk ntâu Jêh ri nchah ntĭng ƀư âk rlat jê̆ jê̆, Choh păng nâm bu choh puăch, Nâm bu puăch tâm glah ƀŭng.”

Mika 6:10

Hơi ngih djơh mhĭk, mâm Gâp dơi chuêl Jay drăp ndơ khlay mƀruh Jêh ri ndơ veh njing n'hŭch khư ma nau tâm rmot ma may?

Mathay 21:33

“Iăt hom nau hôr êng. Geh du huê bunuyh tăm du đang krăk ƀâu, ƀư n'gar jŭm mir, tâm trôm păng kuyh du ntu mpet ndrănh, ƀư du ngih tŭm gak, jêh ri ăn lĕ bunuyh tăm krăk ƀâu nkhôm, jêh nây păng hăn du bri êng.

Yakơ 2:6

Ƀiălah khân may mưch rmot ma phung o ach. Mâu di phung ndrŏng hĕ tŭn jot khân may, têk khân may văch tanăp ntŭk ngih phat dôih?