Êsai 3:13 - Nau Brah Ndu Ngơi 2023

¹³ Brah Yêhôva dâk gay tâm rlăch nchră, Păng gŭ râng gay phat dôih phung ƀon lan.

Êsai 3:13 ပူးပေါင်းရင်းမြစ်များ

Nau Mprơ Ơm 12:5

Yorlah bu tŭn jot phung rêh ni jêh ri phung pưt kƀah rđêng nđor, Yor ri Brah Yêhôva lah: “Aƀaơ Gâp mra dâk, Dơm khân păng ta ntŭk đăp mpăn ntŭk khân păng gŭ kâp.”

Nau Mprơ Ơm 74:22

Ơ Brah Ndu, dâk hăn hom koh dŏng nau May ngơi. Ăn kah gĭt tay ma phung rluk suai rak May ăp nar.

Nau Mprơ Ơm 82:1

Brah Ndu gŭ tâm nau phung Păng tâm rƀŭn; Păng phat dôih ta nklang phung brah:

Êsai 1:18

Brah Yêhôva lah: “Văch hom aƀaơ, ăn he sek uănh ndrel: Nđâp tơlah nau tih khân may chăng nâm bu chăng rhŏnh, Mra jêng nglang tâm ban ma pler; Nđâp tơlah păng chăng rhưch nâm bu bok chăng, Mra jêng nglang tâm ban ma rsau biăp.

Êsai 51:22

Kôranh Brah jêng Brah, Yêhôva, Brah Ndu may Jêng Nơm ngơi n'gang ma phung ƀon lan Păng, lah pô aơ: “Aơ, Gâp sŏk lơi jêh kachok nau hăn ndĭt ndĭl bơh ti may, Jêng kachok nau Gâp ji nuih; May mâu mra nhêt đŏng ôh.

Êsai 66:16

Yorlah Brah Yêhôva mra dŏng ŭnh jêh ri đao Gay phat dôih lĕ rngôch nglay săk; Jêh ri phung Brah Yêhôva nkhĭt mra jêng âk.

Yôel 3:12

“Lĕ bri dak du dâk hom, hăn hao tâm rlŭng Jôsaphat, Yorlah ta nây jêng ntŭk Gâp mra gŭ phat dôih lĕ rngôch phung mpôl băl bunuyh gŭ jŭm.

Mika 6:1

Abaơ aơ, iăt hom nau Brah Yêhôva lah; Dâk hom may, tâm rlăch đah phung yôk Jêh ri ƀư ăn phung gôl yôk iăt bâr may!

Mika 6:2

Hơi phung yôk jêh ri lĕ mbon nâp ktang n'ho ro ma neh ntu, Iăt hom nau Brah Yêhôva phong! Yorlah Brah Yêhôva kât nau tih ma phung ƀon lan Păng, Jêh ri Păng mra tâm rlăch đah phung Israel.