Êsai 29:9 - Nau Brah Ndu Ngơi 2023

⁹ Ndrât hom jêh ri hih rhâl! Ƀư hom ma khân may nơm chieh măt jêh ri vĭr măt! Khân păng nhŭl, ƀiălah mâu di yor ndrănh ôh; Khân may ndĭt ndĭu ƀiălah mâu di yor ndrănh ktang ôh.

Êsai 29:9 ပူးပေါင်းရင်းမြစ်များ

Êsai 1:2

Ơ lĕ ndâr trôk gŭ iăt hom, ơ neh ntu rkêng tôr iăt hom! Yorlah Brah Yêhôva lah pô aơ: “Gâp hŏ mât mơh jêh oh kon, ăn khân păng toyh kuăng, Ƀiălah khân păng tâm rdâng jêh đah Gâp.

Êsai 19:14

Brah Yêhôva hŏ ƀư lŭk rlăk ta nklang khân păng Du huêng brah ƀư vĭ, Păng ƀư ma Êjipt vĭ tâm lĕ nau kan, Nâm bu bunuyh nhŭl ndrănh ƀah hăn ndĭt ndĭu ƀă hok.

Êsai 29:1

Rêh ni ngăn ma Ariêl, Ariêl, Jêng ƀon Đavit hŏ ƀư ntŭk păng gŭ! Năm aơ chuat tât ma năm ri, Lĕ rngôch năng rƀŭn tât tĭng năm di.

Êsai 29:10

Yorlah Brah Yêhôva hŏ nkhŭt brah bê̆ch hăk ma khân may; Păng hŏ nsêt jêh măt khân may jêng phung nơm mbơh lor, Păng nkŭm jêh bôk khân may, jêng phung geh nau tâm saơ.

Êsai 49:26

Gâp mra ăn phung tŭn jot may sa nglay săk khân păng nơm, Nhŭl nhêt mham khân păng nơm tâm ban ma nhŭl ndrănh mhe. Lĕ rngôch bunuyh mra gĭt Gâp jêng Brah Yêhôva, Nơm Tâm Rklaih may, Jêng Nơm Tâm Chuai may, Nơm Geh Lĕ Nau Brah phung Yakôb!”

Êsai 51:17

Ơ ƀon Yêrusalem, Kah rngăl hom, kah rngăl hom jêh ri dâk hom may! May hŏ nhêt jêh kachok nau Păng ji nuih, Bơh ti Brah Yêhôva, Nhêt kŏ lĕ jêh Tâm khăl ăn hăn ndĭt ndiu.

Êsai 56:10

Lĕ rngôch phung gak Israel Chieh măt da dê, mâu geh nau gĭt rbăng ôh. Lĕ rngôch khân păng jêng so mlo, Mâu blau groh ôh; Knŏng mbơi, bê̆ch jong Jêh ri rŏng bê̆ch.

Êsai 6:10

Ƀư hom ma phung ƀon lan aơ rluk mâl, Tê̆k trôm tôr, nhêp măt; Klach lah măt khân păng dơi saơ, Tôr khân păng dơi tăng, Nuih n'hâm khân păng dơi gĭt rbăng, Jêh nây khân păng plơ̆ sĭt jêh ri bu ƀư bah!”

Êsai 63:6

Tâm nau ji nuih, Gâp jot plên phung ndŭl mpôl bunuyh; Gâp ăn khân păng nhŭl yorlah nau Gâp ji nuih, Jêh ri Gâp ƀư pling jêh mham khân păng ta neh.”

Yêrêmi 13:13

May mra lah tay: ‘Brah Yêhôva lah: Aơ, Gâp mra ƀư lĕ rngôch phung ƀon lan gŭ ta klơ neh aơ, phung hađăch gŭ ta sưng hađăch Đavit, phung kôranh ƀư brah, phung nơm mbơh lor, jêh ri lĕ rngôch phung ƀon lan Yêrusalem nhŭl ndrănh da dê.’

Yêrêmi 2:12

Hơi lĕ ndâr trôk, hih rhâl hom ma nau nây, Mpât n'gơ hom jêh ri klach krit ngăn.” Brah Yêhôva lah pônây.

Yêrêmi 23:9

Ma lĕ nơm mbơh lor: Nuih n'hâm gâp lĕ nchah rai; Nting nđăng Gâp lêt rgănh; Gâp nâm bu bunuyh nhŭl ndrănh, Nâm bu bunuyh nhŭl ndrănh hâu ngăn yor ndrănh, Yor Brah Yêhôva Yor lĕ rngôch nau kloh ueh Păng.

Yêrêmi 25:27

“May ăt lah ma khân păng: Brah Yêhôva ma phung tahan, Brah Ndu phung Israel lah pô aơ: ‘Nhêt hôm kŏ tât nhŭl jêh ri hok, cha lôt hom jêh ri lơi dâk đŏng ôh, yor đao Gâp njuăl tât tâm nklang khân may!’

Yêrêmi 4:9

Brah Yêhôva lah: “Tâm nar nây, kôranh hađăch jêh ri phung kôranh chiă uănh roh nau duh nđơr da dê; Lĕ phung kôranh ƀư brah klach krit, Lĕ phung mbơh lor hih rhâl ngăn.”

Yêrêmi 51:7

Ƀon Babilôn jêng du mlâm kachok mah tâm ti Brah Yêhôva, Ƀư ăn lĕ rngôch bri neh nhŭl ndrănh; Lĕ rngôch bri dak hŏ nhêt jêh ndrănh păng. Yor nây yơh dĭng jêng brŭt rluk.

Nau Nhĭm Vơl 4:21

Hơi kon bu ur Êđôm, gŭ tâm bri Us, Maak răm rhơn hom; Ƀiălah kachok ji nuih mra tât ta may, May mra nhŭl ndrănh jêh ri gŭ săk hưl.

Habakuk 1:5

“Uănh hom ma lĕ bri dak jêh ri nklân kâp uănh, Hih rhâl hom jêh ri ndrŏt ndal! Yorlah Gâp mra ƀư du ntil kan tâm rnôk khân may, Nđâp tơlah bu nkoch bri, khân may mâu chroh đŏng ôh.

Mathay 26:45

Dôl nây Păng plơ̆ tay ma phung oh mon jêh ri lah ma khân păng pô aơ: “Mâm khân may hôm bê̆ch jêh ri gŭ rlu? Ri, mông tât jêh, bu rlăng mra jao Kon Bunuyh tâm ti phung tih.

Markôs 14:41

Păng plơ̆ tay đŏng rơh pe, jêh ri lah ma phung oh mon: “Mâm khân may hôm bê̆ch jêh ri gŭ rlu? Găp jêh, mông tât jêh! Aơ, nơm rlăng mra jao Kon Bunuyh tâm ti phung tih.

Nau Tâm Mpơl 17:6

Gâp saơ bu ur nĕ nhŭl mham phung kloh ueh jêh ri mham phung mbơh nkoch ma Brah Yêsu. Tơlah gâp saơ păng, gâp hih rhâl hâu ngăn.