Êsai 29:8 - Nau Brah Ndu Ngơi 2023

⁸ Tâm ban ma bunuyh ji ngot mbơi saơ păng nơm dơi sa, Ƀiălah tơlah păng kah rngăl ndŭl ăt ji ngot; Tâm ban ma bunuyh ji hir mbơi saơ păng nơm dơi nhêt dak, Ƀiălah tơlah păng kah rngăl saơ păng nơm rgănh suan jêh ri ăt ji hir; Phung tahan lĕ bri dak hăn lơh yôk Siôn, Mra tâm ban pônây lĕ.

Êsai 29:8 ပူးပေါင်းရင်းမြစ်များ

II Nau Rêh Jêng 32:21

Brah Yêhôva njuăl du huê tông mpăr nkhĭt lơi lĕ rngôch phung tahan janh ktang, phung kôranh tahan jêh ri phung kôranh tâm pôih tahan hađăch Asiri. Păng plơ̆ sĭt ma n'gor păng nơm ma muh măt prêng. Lah păng lăp tâm ngih brah păng, geh tâm phung kon bu klâu păng nơm sreh păng ta nây ma đao.

Nau Mprơ Ơm 129:5

Đơ phung tâm rmot ma ƀon Siôn Bêk prêng jêh ri rŭch lơi.

Nau Mprơ Ơm 73:20

Ơ Kôranh Brah, tâm ban bu uănh mâu khlay nau mbơi tơlah kah rngăl, Pôri May ăt nsot lơi gui rup khân păng tơlah May kah rngăl kơt nây.

Êsai 41:11

Aơ, lĕ rngôch phung ji nuih đah may Mra geh nau bêk prêng jêh ri bu mưch. Phung tâm rdâng đah may Mra jêng dơm dam jêh ri rai yot.

Êsai 41:12

May mra joi phung tâm rdâng đah may, Ƀiălah mâu saơ khân păng ôh; Phung tâm lơh đah may Bu mra nkhĭt lĕ jêh ri mâu hôm geh ôh.

Êsai 44:12

Nơm chiăr sŏk du njăr loih gŭch sĭn jêh ta klơ rnga ŭnh, jêh ri dŏng me nôp gay ƀư rup; păng pah kan ma ti ktang păng. Nđâp lah ji ngot jêh ri mâu hôm dăng, păng mâu nhêt dak ôh, jêh ri rgănh huơi.

Êsai 54:17

Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Nahum 1:15

Aơ, ta klơ phung yôk Geh jâng phung ntuh mbơh nau mhe mhan ueh, Jêh ri mbơh nau đăp mpăn! Hơi Yuđa, prăp hom ăp nar tâm rƀŭn Jêh ri ƀư ăn nanê̆ nau ton, Yorlah phung rlăng mâu mra tŭn jot may đŏng ôh, Păng hŏ rai lĕ jêh.

Nahum 2:1

Nơm ƀư rai văch jêh tâm rdâng đah may. Gay ma n'gang nâp pôih, Gak njrăng hom ta trong; Vân hom rse bŭt ăn ueh Jêh ri ndrăp nâp phung tahan!