Êsai 29:20 - Nau Brah Ndu Ngơi 2023

²⁰ Yorlah nơm janh ƀai mâu hôm ôh, Nơm dăng mưch mra roh, Jêh ri lĕ rngôch phung kâp ƀư nau mhĭk bu mra ƀư rai lơi.

Êsai 29:20 ပူးပေါင်းရင်းမြစ်များ

Nau Mprơ Ơm 10:18

Gay ƀư nau di ma phung kon đơi jêh ri phung bu tŭn jot, Ƀư ăn kon bunuyh ơm tă bơh ndruyh neh, mâu hôm klach đŏng ôh.

Nau Hôr 21:24

“Mưch” jêng ntơ phung n'hao êng nơm, nau sưr, Păng gŭ ngao ma nau mƀruh tĭng nau mơng sưr rlau păng.

Êsai 13:11

Gâp mra tâm rmal neh ntu yor nau mhĭk khân păng, Rmal phung ƀai yor nau kue khân păng; Gâp mra ƀư lôch nau sưr phung rnam, Jêh ri ƀư roh nau sưr phung ƀư ƀai.

Êsai 13:3

Gâp nơm hŏ ntăm jêh ma phung Gâp hŏ prăp êng jêh; Hŏ kuăl jêh phung bunuyh janh ktang Gâp tât Gay ma khân păng ƀư tât nau Gâp ji nuih; Khân păng jêng phung răm maak ma nau toyh Gâp.

Êsai 29:5

Ƀiălah âk ngăn phung rlăng đah may mra jêng tâm ban ma ndruyh neh muy. Phung ƀai mra jêng tâm ban ma lâk sial khôm. Nau nây mra tât ndal, knŏng tâm ƀât lât.

Êsai 49:25

Ƀiălah Brah Yêhôva lah: “Nanê̆, đơ phung bunuyh tă nơm dăng bu nhŭp mra dơi rklaih, Bu mra mplơ̆ tay ndơ bơh phung janh ƀai sŏk pit; Yorlah Gâp mra tâm rdâng đah phung tâm rdâng đah may, Jêh ri Gâp yơh mra tâm rklaih phung kon may.

Êsai 51:13

May chuêl jêh Brah Yêhôva, Nơm njêng may, Nơm ling jêh lĕ ndâr trôk Jêh ri n'gân mbon rplay neh, Gay ma may klach mro tâm lĕ nar Yor nau ji nuyh nơm tŭn jot, Nôk păng nkra ŭch ƀư rai may? Ƀiălah aƀaơ, mbah gŭ nau ji nuyh nơm tŭn jot?

Êsai 59:4

Mâu geh du huê phong ma nau sŏng srăng ôh. Mâu geh du huê tâm rlăch ma nau nanê̆ ngăn. Bu rnơm nsing ma nau ngơi dơm dam jêh ri ngơi mƀruh. Khân păng hŏ ntreo ma nau mhĭk jêh ri deh nau tih toyh.

Daniel 7:7

Jêh ma nây, tâm nau tâm saơ dôl măng gâp saơ tay du mlâm mpô mpa rơh puăn, uănh janh, krit ngăn jêh ri ktang ngăn. Păng geh neng loih toyh; păng rvăn jêh ri ƀư nchah, jêh nây jot plên ma jâng ndơ hôm e. Păng jêng êng đah lĕ mpô mpa tât lor jêh ri păng geh jât mlâm nke.

Mika 2:1

Rêh ni ngăn ma phung nchră ŭch ƀư nau mhĭk Jêh ri mĭn ŭch ƀư nau tih gŭ ta klơ gre bê̆ch păng! Tât ang ôi, khân păng ƀư ro nau ŭch mĭn Yorlah khân păng geh nau dơi ƀư tâm ti!

Mika 2:3

Yor ri, Brah Yêhôva lah: “Nĕ, Gâp mĭn ŭch ƀư nau mhĭk tât tâm ƀon lan aơ Ƀiălah phung khân may mâu dơi doh ôh bơh trô ko; Khân may kŏ mâu dơi đŏng ngơk bôk Yorlah nây jêng rnôk rêh ni ngăn.

Luka 16:14

Phung Pharisi jêng phung rŏng ma prăk rêl tăng lĕ nau nây, ri mơ mưch rmot ma Brah Yêsu.

Luka 23:11

Hêrôt ndrel ma phung tahan mưch rmot jêh ri ƀư bêk prêng ma Brah Yêsu, nsoh ma Brah Yêsu ao âk ntil bok jêh nây têk leo jao Păng ma Pilat.

Luka 23:35

Phung ƀon lan gŭ uănh ta nây, bi phung kôranh chiă uănh gơm mưch ma Brah Yêsu pô aơ: “Păng tâm rklaih bunuyh êng. Tơlah nanê̆ ngăn păng jêng Brah Krist, Nơm Brah Ndu săch jêh, ăn hom păng tâm rklaih păng nơm.”

Luka 6:7

Phung kôranh nchih samƀŭt jêh ri phung Pharisi kâp uănh ma Păng geh ƀư bah tâm nar saƀat mâu lah mâu, gay joi nau phong Păng.

Nau Tâm Mpơl 12:10

Gâp tăng ta klơ trôk geh bâr huy lah pô aơ: “Aƀaơ aơ nau tâm rklaih, nau brah, Ƀon bri hađăch Brah Ndu he, Jêh ri nau dơi Brah Krist văch jêh, Yorlah nơm phong phung oh nâu he, măng nâm nar phong khân păng tanăp Brah Ndu, Bu klŭp mƀăr jêh păng jŭr ta neh.