Êsai 29:18 - Nau Brah Ndu Ngơi 2023

¹⁸ Tâm nar nây, phung tê̆k mra tăng Nau ngơi tâm ndrom samƀŭt, Măt phung chieh mra saơ bơh nau ngo klĕng vêt vê Jêh ri dơi saơ.

Êsai 29:18 ပူးပေါင်းရင်းမြစ်များ

Nau Mprơ Ơm 119:18

Dăn may pơk an măt gâp Gay ma gâp dơi saơ ntil khlay tâm nau vay May.

Nau Hôr 20:12

Tôr gay tăng, măt gay saơ, Brah Yêhôva hŏ njêng jêh lĕ bar.

Êsai 29:24

Phung geh nau mĭn vĭ nhhơt mra geh nau gĭt rbăng, Jêh ri phung vay ngơi ƀrôk mra dơn nau ntĭm nti.”

Êsai 32:3

Rnôk nây, măt phung dơi saơ mâu mra nhêp ôh, Tôr phung dơi gĭt tăng mra rkêng iăt.

Êsai 35:5

Aƀaơ, măt phung chieh mra dơi saơ, Tôr phung tê̆k mra tăng.

Êsai 42:19

Mbu nơm chieh măt, tơlah mâu di jêng oh mon Gâp? Mbu nơm tê̆k tâm ban ma nơm mbơh Gâp hŏ njuăl hăn? Mbu nơm chieh măt tâm ban ma nơm prăp ăn jêh Gâp, Mâu lah chieh măt tâm ban ma oh mon Brah Yêhôva?

Êsai 42:7

Gay pơk măt phung chieh măt, Ngluh phung bu nă bơh ndrung bu krŭng, Phung gŭ tâm nau ngo ngluh bơh ndrung bu krŭng.

Êsai 43:8

Djôt hom phung ƀon lan aơ luh, phung geh măt ƀiălah chieh, Phung geh tôr ƀiălah tê̆k!

Daniel 12:4

Bi may, hơi Y-Daniel, nchăng hom nau aơ jêh ri tâp pŏng lơi ndrom samƀŭt aơ kŏ tât ta rnôk nglĕ dŭt. Âk bunuyh mra nsong ta aơ ta ri jêh ri nau gĭt rbăng mra hao lơn.”

Mathay 11:5

Bunuyh chieh măt dơi saơ ang, bunuyh rvĕn dơi hăn, bunuyh phŭng sa dơi kloh, bunuyh tê̆k dơi tăng, bunuyh khĭt dơi dâk rêh tay, jêh ri bunuyh o ach dơi tăng Nau Mhe Mhan Ueh.

Mathay 16:17

Brah Yêsu lah ma păng: “Hơi Y-Simôn kon Y-Yôna, ueh maak ngăn ma may! Yor ri mâu di nglay săk jêh ri mham mpơl nau nây ma may ôh, ƀiălah jêng Mbơ̆ Gâp gŭ ta klơ trôk yơh.

Markôs 7:37

Lĕ rngôch bunuyh nây hih rhâl ngăn jêh ri lah: “Păng ƀư lĕ nau jêng ueh ngăn: Păng ăn bunuyh tê̆k dơi tăng, bunuyh mlo dơi ngơi!”

Luka 4:18

“Brah Huêng Ueh Brah Kôranh Brah gŭ ta klơ Gâp, Yorlah Păng tŏ jêh dak ƀâu kah ma Gâp gay mbơh nkoch Nau Mhe Mhan Ueh ma phung o ach.

Luka 7:22

Păng plơ̆ lah ma phung nây: “Plơ̆ sĭt nkoch tay hom ma Y-Yôhan lĕ nau khân may hŏ saơ jêh ri hŏ tăng jêh: Bunuyh chieh măt dơi saơ ang, bunuyh rvĕn dơi hăn, bunuyh phŭng sa dơi kloh, bunuyh tê̆k dơi tăng, bunuyh khĭt dơi dâk rêh tay, bunuyh o ach dơi tăng Nau Mhe Mhan Ueh.

Yôhan 6:45

Lĕ ndrom samƀŭt mbơh lor geh nchih: ‘Lĕ phung nây Brah Ndu hŏ ntĭm nti da dê.’ Mbu nơm hŏ iăt jêh ri nti ta Mbơ̆ mra văch ma Gâp.

Yôhan 9:7

jêh nây lah ma păng: “Hăn hom jêh ri rao ta dak nglao Silôê” (rplay ngơi aơ nâm bu ntĭt “dơi njuăl hăn”). Pôri, păng hăn jêh ri rao, jêh nây plơ̆ tay ri mơ saơ ang.

Kôranh Oh Mon 26:18

gay ma pơk an măt khân păng, ăn khân păng du bơh nau ngo hăn tâm nau ang, tă bơh nau dơi ktang Satan plơ̆ sĭt ma Brah Ndu; gay ma nau chroh ma Gâp, khân păng dơn nau yô̆ an nau tih jêh ri dơn kô̆ drăp ndơ ndrel ma phung kloh ueh.’

Êphêsô 5:14

Yor nây, geh nau lah pô aơ: “Hơi nơm dôl bê̆ch, kah rngăl hom, Dâk hom may tă bơh nklang phung bunuyh khĭt, Ri mơ Brah Krist mra nchrat ang may.”

Nau Vay Nkah Tay 29:4

Ƀiălah kŏ tât ta nar aơ Brah Yêhôva ê hŏ ăn ôh ma khân may nuih n'hâm gay gĭt, măt gay saơ mâu lah tôr gay tăng.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

Nau Tâm Mpơl 3:18

Yor nây, Gâp nkah may rvăt hom mah Gâp hŏ srŏng jêh ma ŭnh, gay ma may mra jêng ndrŏng; rvăt lĕ ao nglang jêh ri nsoh gay ma nau rhôk may mâu mpơl ôh, jêh ri rvăt dak si mhĭng măt may gay ma may dơi saơ.