Êsai 29:13 - Nau Brah Ndu Ngơi 2023

¹³ Kôranh Brah lah: “Yorlah phung ƀon lan aơ knŏng sŏk trôm mbung văch êp Gâp, Sŏk mpiăt tâm rnê Gâp, Ƀiălah nuih n'hâm khân păng ngai đah Gâp; Nau khân păng klach yơk ma Gâp knŏng jêng nau vay bunuyh ntăm dơm, Yor bunuyh ntĭm nti.

Êsai 29:13 ပူးပေါင်းရင်းမြစ်များ

Nau Mprơ Ơm 17:1

Ơ Brah Yêhôva! Dăn gŭ iăt jêh ri sek uănh nau sŏng srăng ma gâp; Gŭ iăt nau gâp nter; Dăn rkêng tôr ma nau gâp mbơh sơm, Tă bơh bâr mbung mâu geh nau ndơm ôh.

Nau Mprơ Ơm 50:16

Ƀiălah Brah Ndu lah ma phung mhĭk pô aơ: “Mâm ƀư may nkoch tay lĕ nau vay dăp Gâp? Moh yor bâr mbung may ngơi ma nau Gâp tâm rnglăp?

Nau Hôr 30:6

Lơi ntop ôh tâm nau ngơi Păng, Klach lah Păng nduyh may, Jêh ri bu kơp may jêng bunuyh ngơi mƀruh!

Êsai 10:6

Gâp njuăl păng hăn tâm rdâng đah bri dak mâu blau yơk ma Brah Ndu ôh, Gâp ntăm păng hăn tâm lơh đah phung ƀon lan nsônh ăn Gâp ji nuih, Gay ntŭng ndô ndơ, pit sŏk Jêh ri jot khân păng tâm ban ma neh bŏk ta trong.

Êsai 29:1

Rêh ni ngăn ma Ariêl, Ariêl, Jêng ƀon Đavit hŏ ƀư ntŭk păng gŭ! Năm aơ chuat tât ma năm ri, Lĕ rngôch năng rƀŭn tât tĭng năm di.

Êsai 29:12

Mâu lah tơlah bu ăn ndrom samƀŭt nây ăn du huê bunuyh mâu gĭt rŏ samƀŭt ôh jêh ri lah: “Rŏ hom rŏ ndrom samƀŭt aơ,” pôri păng mra plơ̆ lah: “Gâp mâu gĭt rŏ samƀŭt ôh.”

Êsai 30:11

Du hom tă bơh trong, chalơi ndô̆, Lơi dĭng nkoch Nơm Kloh Ueh Israel tanăp măt hên!”

Êsai 42:25

Yor nây, Kôranh Brah hŏ nkhŭt jêh nau ji nuih hâu ngăn Jêh ri nau tâm lơh ktang ngăn ta klơ păng; Ŭnh sa văr jŭm jêh păng, ƀiălah khân păng mâu gĭt rbăng ôh, Ŭnh sa jêh păng ƀiălah păng mâu mĭn rvê ôh.

Êsai 63:17

Ơ Brah Yêhôva, mâm ƀư May ăn hên nkhah du bơh trong may? Mâm dĭng ăn nuih n'hâm hên dăng kŏ tât hên mâu hôm klach yơk ma May ôh? Yor phung oh mon May jêh ri phung ndŭl mpôl drăp ndơn May. Dăn Kôranh Brah plơ̆ sĭt hom!

Yêrêmi 12:2

May hŏ brôi tăm khân păng, Khân păng hŏ hon reh văch ma toyh jêh ri geh play. Bâr mbung khân păng gŭ dăch May, Ƀiălah nuih n'hâm khân păng ƀah ngai ma May.

Yêrêmi 3:10

Tât pônây jêh oh bu ur mâu răp jăp păng jêng Yuđa ăt mƀruh nchơt, mâu lĕ nuih n'hâm plơ̆ sĭt ndrel ma Gâp.” Brah Yêhôva lah pô aơ.

Yêrêmi 42:20

Khân may ndơm êng khân may nơm. Khân ay may hŏ prơh jêh gâp hăn tât ma Yêhôva Brah Ndu khân ay may jêh ri lah ma gâp: ‘Ăn yor ma phung hên mbơh sơm hom ma Yêhôva Brah Ndu hên, ăn ma hên gĭt moh nau Yêhôva Brah Ndu hên lah ma may pônây hên mra tĭng ƀư.’

Yêrêmi 5:2

Nđâp lah khân păng ngơi: ‘Nanê̆ nâm bu Brah Yêhôva gŭ rêh mro mrăng!’ Khân păng ăt ton mbruh!”

Êsêkiêl 14:1

Geh ƀaƀă kôranh bu ranh Israel văch ta gâp jêh ri gŭ panăp gâp.

Êsêkiêl 33:30

Hơi kon bunuyh, phung ƀon lan may gŭ n'gŏ mpêr ƀon jêh ri nkoch may tanăp mpông ngih; khân păng tâm ngơi ndrăng khân păng nơm, nơm aơ đă nơm ri: ‘Ăn văch hom iăt nau mbơh tă bơh Brah Yêhôva.’

Ndrom Samƀŭt bơh Ôsê 7:14

Khân păng mâu lĕ nuih n'hâm kuăl mbơh sơm ma Gâp, Ƀiălah gŭ nter klơ sưng bê̆ch khân păng; Khân păng rek tor êng khân păng nơm gay dăn ba ƀlê jêh ri ndrănh mhe; Khân păng ƀư rlăng ma Gâp.

Kôlôh 2:22

nôk lĕ rngôch ndơ nây rai lôch da dê tơlah khân may hŏ dŏng. Khân păng knŏng jêng lĕ nau vay jêh ri ntĭm nti bơh kon bunuyh.

I Samuel 15:30

Y-Sôl lah: “Gâp lĕ ƀư tih jêh, ƀiălah yơk hom ma gâp tanăp phung kôranh bu ranh phung ƀon lan gâp, jêh ri tanăp lĕ rngôch bunuyh ƀon lan Israel. Dăn may plơ̆ văch hom ndrel ma gâp, gay ăn gâp dơi yơk mbah ma Yêhôva Brah Ndu may.”