Êsai 29:10 - Nau Brah Ndu Ngơi 2023

¹⁰ Yorlah Brah Yêhôva hŏ nkhŭt brah bê̆ch hăk ma khân may; Păng hŏ nsêt jêh măt khân may jêng phung nơm mbơh lor, Păng nkŭm jêh bôk khân may, jêng phung geh nau tâm saơ.

Êsai 29:10 ပူးပေါင်းရင်းမြစ်များ

Nau Mprơ Ơm 69:23

Ŭch ma măt khân păng chieh, mâu dơi saơ ôh, Jêh ri ndŭr kơi khân păng kuăt krô mro.

Êsai 29:14

Yor nây, Gâp mra thoi đŏng ƀư Lĕ nau kan khlay ngăn ngên ta nklang phung ƀon lan aơ, Nau kan êng ngăn kŏ tât nau gĭt mĭn ma phung blau mĭn khân păng mra jêng dơm dam, Nau gĭt rbăng ma phung gĭt rbăng mra nkŭm ndâp.”

Êsai 30:10

Khân păng lah ma phung geh nau tâm saơ: “Lơi saơ nau tâm saơ đŏng,” Jêh ri lah đah phung saơ nau tâm saơ pô aơ: “Lơi nkoch ma hên lĕ nau tâm saơ ma nau nanê̆ ngăn đŏng ôh! Ngơi hom ma hên lĕ nau ƀư maak ma tôr hên, Jêh ri nkoch hom ma hên lĕ nau mâu geh ngăn.

Êsai 43:27

Chô yau may ƀư tih jêh, Phung chiă uănh tâm may dâk tâm rdâng đah Gâp.

Êsai 44:18

Phung nây mâu gĭt rbăng ôh, mâu lĕ blau sek uănh; yorlah măt khân păng nhêp jêh gay mâu dơi saơ ôh, nuih n'hâm khân păng nchăng jêh gay mâu dơi gĭt rbăng.

Yêrêmi 4:9

Brah Yêhôva lah: “Tâm nar nây, kôranh hađăch jêh ri phung kôranh chiă uănh roh nau duh nđơr da dê; Lĕ phung kôranh ƀư brah klach krit, Lĕ phung mbơh lor hih rhâl ngăn.”

Nau Nhĭm Vơl 4:14

Khân păng hăn nsong mblêng njŏ trong sâng Nâm bu bunuyh chieh măt. Lĕ mham ƀư ƀơ̆ Kŏ tât mâu geh nuyh pah bi tât ma bok ao khân păng.

Êsêkiêl 14:9

Tơlah nơm mbơh lor geh nau ntrôl jêh ri ngơi du bâr, Gâp nơm yơh, Brah Yêhôva, mra ăn bu ntrôl nơm mbơh lor nây jêh ri Gâp mra yơr ti tâm rdâng đah păng, jêh ri ƀư rai lơi păng bơh ta phung ƀon lan Gâp Israel.

Mika 2:6

Khân păng lah pô aơ: “Khân may lơi ta mbơh lor đŏng ôh. Lơi ta mbơh lor lĕ nau pônây; Nau bêk prêng mâu ôh mra tât ma he”

Mika 3:1

Gâp lah: Hơi phung kôranh Yakôb Jêh ri phung chiă uănh ngih Israel, iăt hom! Khân may mâu gĭt nau sŏng ƀơh?

Mika 3:6

Yor ri, nôk măng mra nkŭm tâm khân may yor nây mâu geh ôh nau tâm saơ; Nau ngo mra văch yor nây mâu geh ôh nau mbơh lor; Nar mra nhâp tâm phung mbơh lor nây Jêh ri nôk nar mra jêng ngo klĕng tâm khân păng.

Samƀŭt Pôl Njuăl Ăn Ma Phung Nsing Ta Ƀon Rôm 11:8

nâm bu nau bu nchih jêh pô aơ: “Brah Ndu ăn jêh ma khân păng huêng nuih n'hâm rluk mâl, Măt chieh, jêh ri tôr tê̆k, tât ta nar aơ.”

II Kôrintô 4:4

Brah tâm rnôk aơ ƀư chieh măt nau mĭn ma phung bunuyh mâu chroh, gay khân păng mâu saơ nau ang Nau Mhe Mhan Ueh chrêk rmah tâm Brah Krist, jêng rup Brah Ndu.

I Samuel 26:12

Pôri, Y-Đavit sŏk tak jêh ri dak yăng bơh bôk bê̆ch Y-Sôl, jêh nây bar hê khân păng dâk hăn. Mâu geh nơm saơ ôh, mâu geh nơm gĭt ôh, jêh ri mâu geh nơm kah rngăl, lĕ rngôch hăk bê̆ch da dê, yorlah Brah Yêhôva hŏ ƀư ăn ma khân păng lêt bê̆ch.

I Samuel 9:9

(Nar kăl e, tâm n'gor Israel, tơlah bu hăn ôp nau mĭn Brah Ndu, păng vay lah: “Văch hom! He hăn hom mâp ma nơm geh nau tâm saơ”; yorlah bunuyh bu ntơ nơm mbơh lor nar aơ, nar kăl e bu ntơ nơm geh nau tâm saơ.)