Êsai 28:9 - Nau Brah Ndu Ngơi 2023

⁹ “Pôri, ma mbu nơm may mra nti nau gĭt mĭn, Jêh ri ma mbu nơm may mra rblang gay ma gĭt vât nau may nti? Di lĕ nti ma phung kon se chalơi pu toh, Mhe rklaih pu toh ƀơh?

Êsai 28:9 ပူးပေါင်းရင်းမြစ်များ

Nau Mprơ Ơm 131:2

Gâp hŏ ƀư ma huêng gâp gŭ rklăk jêh ri đăp mpăn, Nâm bu du huê kon se mhe lơi pu toh êp meng mê̆ păng nơm; Huêng gŭ tâm gâp nâm bu kon se mhe lơi bu toh.

Nau Mprơ Ơm 50:17

Yor may tâm rmot nau nkra nti, Mƀăr lơi pakơi lĕ nau Gâp lah.

Nau Hôr 1:29

Yorlah khân păng tâm rmot jêh ma nau blau mĭn, Mâu săch ôh nau klach yơk ma Brah Yêhôva,

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Êsai 28:26

Nĕ jêng Brah Ndu yơh hŏ ntĭm Jêh ri sâm nti phung kan mir ƀư.

Êsai 30:20

Kôranh Brah mra ăn ma khân may piăng let nau rngot jêh ri dak nau rêh ni. Rnôk aơ, phung sâm nti may mâu hôm đŏng pôn muh măt ôh; măt may mra saơ phung sâm nti may.

Êsai 48:17

Brah Yêhôva, Nơm Tâm Chuai may, Jêng Nơm Kloh Ueh Israel lah pônây: “Gâp jêng Yêhôva Brah Ndu may, Jêng Nơm sâm nti may gay may dơi geh nau khlay, Jêh ri njŭn may tâm trong may mra hăn.

Êsai 50:4

Kôranh Brah Yêhôva ăn jêh ma Gâp Mpiăt phung nti jêh, Gay ma Gâp blau ngơi N'hao nuih phung rgănh. Ăp ôi Păng rlay Gâp, Păng pơk tôr Gâp Gay ma Gâp gŭ iăt tâm ban ma nơm nti.

Êsai 53:1

Mbu nơm chroh jêh nau hŏ mbơh nkoch ma he? Jêh ri ti Brah Yêhôva mpơl ma mbu nơm?

Êsai 54:13

Brah Yêhôva mra sâm nti lĕ rngôch phung kon may, Jêh ri khân păng mra geh nau đăp mpăn ngăn.

Yêrêmi 35:13

“Brah Yêhôva ma phung tahan, Brah Ndu Israel, lah: Hăn ngơi hom ma phung Yuđa jêh ri phung gŭ ta ƀon Yêrusalem pô aơ: Brah Yêhôva lah: ‘khân may mâu sŏk dơn nau nkah nti, jêh ri mâu iăt hĕ nau Gâp ngơi?

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Yêrêmi 6:10

Mbu nơm gâp mra ngơi jêh ri mbơh ma mbu moh, Gay ma khân păng iăt gâp? Aơ, tôr khân păng ê hŏ kŏ ntâu, Yor ri mâu dơi tăng ôh. Aơ, khân păng mưch nau Brah Yêhôva, Mâu hâk răm du djê̆ lê̆ ôh.

Mathay 11:25

Nôk nây Brah Yêsu ngơi pô aơ: “Ơ Mbơ̆, Kôranh Brah trôk jêh ri neh ntu, Gâp tâm rnê ma Mbơ̆, yorlah Mbơ̆ pôn jêh lĕ nau nây ma bunuyh blau mĭn, bunuyh gĭt rbăng, ƀiălah tâm mpơl jêh ma phung kon se jê̆.

Markôs 10:15

Nanê̆ ngăn, Gâp lah ma khân may, mbu nơm mâu sŏk dơn ƀon bri hađăch Brah Ndu nâm bu du huê kon se jê̆ mâu mra lăp ta nây ôh.”

Yôhan 12:38

gay nau nơm mbơh lor Y-Êsai hŏ lah dơi tât di ngăn jêh: “Ơ Kôranh Brah, mbu chroh jêh nau hên mbơh nkoch, Jêh ri ti Kôranh Brah mpơl ma mbu nơm?”

Yôhan 3:19

Nau tâm rmal nây jêng kơt aơ: Nau ang hŏ tât jêh ta neh ntu, ƀiălah kon bunuyh ŭch nau ngo rlau lơn ma nau ang, yorlah kan khân păng jêng nau djơh mhĭk.

I Pêtrôs 2:2

Khân may ji hir hom ma dak toh brah kloh rsang nâm bu kon se mhe deh, gay tă bơh nĕ khân may văch ma toyh ma nau tâm rklaih,