Êsai 28:7 - Nau Brah Ndu Ngơi 2023

⁷ Rlau ma nĕ phung aơ vĕt ta vĕng đŏng yor ndrănh, Jêh ri hăn ndĭt ndĭu yor nhŭl ndrănh. Phung kôranh ƀư brah jêh ri phung nơm mbơh lor hăn ndĭt ndĭu da dê yor ndrănh ktang, Ndrănh hŏ rvăn khân păng, Jêh ri hăn ndĭt ndĭu yor ndrănh ktang; Khân păng but bi tâm saơ, Jêh ri ƀư vĭ dôl gŭ phat dôih.

Êsai 28:7 ပူးပေါင်းရင်းမြစ်များ

Nau Mprơ Ơm 107:27

Khân păng hăn vât vâr ndĭt ndĭu nâm bu du huê bunuyh nhŭl ndrănh; Nau blau mĭn roh rai da dê.

Nau Hôr 20:1

Ndrănh ƀư ăn bu tâm mưch, ndơ nhêt nhŭl ƀư ăn nau ngơi drơu drơu; Mbu nơm dŏng păng rlau keh ir mâu di ôh jêng blau mĭn.

Nau Hôr 23:30

Nây jêng phung grem êp kêng ndrănh, Hăn chiăm ndrănh bu tâm lŭk.

Nơm Nti 10:17

Ueh maak ăn bri dak geh hađăch jêng noi deh lư rnam, Jêh ri geh phung kôranh chiă uănh sông sa nhêt geh di mông, Gay geh nau dăng ktang mâu di mâu yor nau nhŭl ndrănh!

Êsai 19:14

Brah Yêhôva hŏ ƀư lŭk rlăk ta nklang khân păng Du huêng brah ƀư vĭ, Păng ƀư ma Êjipt vĭ tâm lĕ nau kan, Nâm bu bunuyh nhŭl ndrănh ƀah hăn ndĭt ndĭu ƀă hok.

Êsai 22:13

Ntrok đah nau aơ, khân may nkhơng ma hâk răm: Chôk ndrôk, nkhĭt biăp, Sa puăch jêh ri nhêt ndrănh. Khân may lah: “Aƀaơ, sông sa nhêt hom, Yorlah nar ôi taơ he mra khĭt!”

Êsai 24:2

Rnôk nây, lĕ rngôch bunuyh mra nsum ndrel nau mrô nal: Kôranh ƀư brah tâm ban đŏng ma phung ƀon lan; Kôranh bu klâu tâm ban ma bu klâu dĭk, kôranh bu ur tâm ban ma bu ur dĭk; Nơm tăch tâm ban đŏng ma nơm rvăt; Nơm ăn chan tâm ban ma nơm chan, Kôranh ăn bu manh ndơ tâm ban ma nơm manh.

Êsai 24:20

Neh ndĭt ndĭu tâm ban ma bunuyh nhŭl ndrănh, Păng n'gơ tâm ban ma ndưp ja; Nau tih păng ƀư jâk păng, Jêh ri păng mra prah, mâu hôm dâk ôh!

Êsai 28:1

Rêh ni ngăn ma đon hađăch sưr phung mơng nhêt ndrănh ta bri Êphraim, Rêh ni ngăn ma rvang kao gơnh nhop, jêng ndơ nkrơ̆ khlay prăk Ma ƀon toyh ta klơ kô yôk rlŭng jêng ngăn, ma phung vay nhŭl ndrănh!

Êsai 29:11

Yor ri ma khân may, nau tâm saơ ma lĕ rngôch nau aơ tâm ban ma lĕ nau ngơi nchih tâm ndrom samƀŭt bu hŏ tâp pŏng jêh. Tơlah bu njŭn păng ma du huê bunuyh gĭt rŏ jêh ri lah: “Rŏ hom ndrom samƀŭt aơ,” pôri păng mra plơ̆ lah pô aơ: “Gâp mâu dơi rŏ ôh yorlah bu tâp pŏng ndrom samƀŭt aơ jêh.”

Êsai 3:12

Phung kon se mra tŭn jot phung ƀon lan gâp, Jêh ri phung bu ur chiă uănh khân păng. Ơ phung ƀon lan gâp! Phung njŭn trong khân may ƀư ma khân may nhhơt trong, Khân păng ƀư nau rŭng răng trong may.

Êsai 43:27

Chô yau may ƀư tih jêh, Phung chiă uănh tâm may dâk tâm rdâng đah Gâp.

Êsai 5:11

Rêh ni ngăn ma phung kah rngăl ơm Gay tĭng joi ndrănh, Gŭ nhêt kŏ tât măng Gay ndrănh pâr su khân păng!

Êsai 5:22

Rêh ni ngăn ma phung dăng nhêt ndrănh, Jêh ri phung blau kan nau lŭk lai lĕ ndơ nhêt nhŭl!

Êsai 5:23

Rêh ni ngăn ma phung yor dơn drăp blŏl gay kơp nau sŏng srăng ma phung geh nau tih, Jêh ri pit sŏk nau sŏng srăng ma phung sŏng srăng!

Yêrêmi 14:14

Brah Yêhôva lah đŏng ma gâp: “Lĕ phung nơm mbơh lor nây hŏ tâm amoh Gâp mbơh lĕ nau mƀruh nchơt. Gâp mâu mâp prơh khân păng hăn ôh, mâu mâp lĕ ntăm nau mâu lah moh nau lah ma khân păng. Khân păng mbơh lor ma khân may tĭng nau tâm mpơl mƀruh, nau ƀŭk rƀên, nau dơm dam, jêh ri nau ndơm luh bơh nuih n'hâm mhĭk khân păng nơm.”

Yêrêmi 23:13

“Gâp hŏ saơ jêh nau brŭt ndrăng Phung nơm mbơh lor Samari; Khân păng mbơh lor ma amoh brah Baal, Ƀư nhhơt trong ma ƀon lan Israel Gâp.

Yêrêmi 23:16

Brah Yêhôva ma phung tahan lah: “Lơi ta iăt ôh nau phung mbơh lor mbơh ma khân may. Khân păng srih nau kâp gân ma nau dơm dam Ngơi nau tâm saơ yor bơh khân păng nơm mĭn êng Mâu di bơh trôm mbung Brah Yêhôva lah ôh.

Nau Nhĭm Vơl 2:4

Păng van jêh na păng nâm bu phung rlăng, Ti pa ma Păng yơr hao nâm bu du huê rlăng; Păng hŏ nkhĭt lĕ rngôch phung ƀư maak măt hên uănh. Păng nkhŭt nau păng ji nuih nâm bu ŭnh Tâm ngih bok kon druh Siôn.

Êsêkiêl 13:7

Mâu di hĕ khân may hŏ saơ jêh nau tâm saơ dơm dam jêh ri nau ƀŭk rƀên mƀruh tơlah khân may lah pô aơ: “Brah Yêhôva lah”, mâm di lĕ Gâp mâu mâp lah?’

Êsêkiêl 44:21

Mâu geh ôh du huê kôranh ƀư brah dơi nhêt ndrănh tơlah păng lăp tâm nkual ta trôm.

Ndrom Samƀŭt bơh Ôsê 7:5

Tâm nar maak hađăch he Phung kôranh ji kop yor n'hôl ƀâu ndrănh; Hađăch nhŭp ti nđâp phung suai rak.

Mika 2:11

Tơlah geh bunuyh ngơi mƀruh lah pô aơ: “Gâp mra mbơh lor ma may ma nau ndrănh jêh ri ndrănh dăng,” Pôri bunuyh nây jêng nơm mbơh lor jêng di phung bơh ƀon lan aơ!

Habakuk 2:15

Rêh ni ngăn ma nơm n'hơk ndrănh ma phung chiau meng păng N'hơk kachok nau ji nuih kŏ tât khân păng nhŭl ndrănh, Gay uănh nau rhôk khân păng!

Habakuk 2:16

May mra bêng ma nau prêng yor ntrok ma nau chrêk rmah. Nhêt hom may nơm jêh ri gay mpơl nau ê hŏ ŭch koh ntâu. Kachok Brah Yêhôva djôt tâm ti ma Mra tât ăn ma may, Jêh ri nau bêk prêng mra ntrok nau chrêk ma lơp may.

Mathay 24:29

Ƀât lât jêh lôch lĕ nar rêh ni nây, nar mra jêng ngo, khay mâu mra nchrat ang ôh, phung mănh mbing mra tŭp tă bơh trôk, jêh ri nau dơi ktang klơ trôk mra mpât n'gơ.

Luka 21:34

Pôri, njrăng hom! Klach lah yorlah nau sông sa rlau keh ir, nhŭl ndrănh jêh ri nau rvê nau rêh aơ ƀư ma nuih n'hâm khân may pâl maak, jêh ri Nar nây tât ƀât lât tâm ban ma dăk rlâm klơ khân may,

Êphêsô 5:28

Pônây lĕ, ăn phung sai rŏng ma ur nâm bu rŏng ma săk jăn păng nơm lĕ. Mbu nơm rŏng ma ur jêng rŏng ma păng nơm lĕ.