Êsai 28:4 - Nau Brah Ndu Ngơi 2023

⁴ Rvang kao gơnh nhop jêng ndơ nkrơ̆ khlay prăk Gŭ ta klơ yôk rlŭng jêng ngăn, Mra jêng tâm ban ma play rvi dŭm lor ta yan vai; Lah bu saơ play nây, pĕ jêh ri sa ro.

Êsai 28:4 ပူးပေါင်းရင်းမြစ်များ

Êsai 28:1

Rêh ni ngăn ma đon hađăch sưr phung mơng nhêt ndrănh ta bri Êphraim, Rêh ni ngăn ma rvang kao gơnh nhop, jêng ndơ nkrơ̆ khlay prăk Ma ƀon toyh ta klơ kô yôk rlŭng jêng ngăn, ma phung vay nhŭl ndrănh!

Êsai 8:4

yorlah êlor ma kon se nây gĭt kuăl: ‘Mbơ̆ gâp!’ mâu lah, ‘Mê̆ gâp!’ hađăch Asiri mra hăn sŏk lĕ drăp ndơ bơh Damas jêh ri ndơ pit sŏk bơh Samari.”

Ndrom Samƀŭt bơh Ôsê 13:1

Ăp tơ̆ Êphraim ngơi, bu râm nsâr; Păng n'hao dơi geh nau bu yơk tâm n'gor Israel. Ƀiălah yor tih jêh mbah brah Baal, Yor nây păng mra khĭt.

Ndrom Samƀŭt bơh Ôsê 13:15

Nđâp tơlah Êphraim geh bĭk rơ̆ ta nklang oh nâu păng Pôri du chiông sial tă nhâp nar mra khôm tât, Nây jêng sial Brah Yêhôva khôm tă bơh bri rdah, Ƀư suăt lĕ tu dak jêh ri ƀư sơh lĕ n'hor dak. Chiông sial nây mra sŏk ntŭng jay bun drăp prăp ăp ndơ khlay.

Ndrom Samƀŭt bơh Ôsê 6:4

Mâm Gâp mra ƀư ma may, hơi Êphraim? Mâm Gâp mra ƀư ma may, hơi Yuđa? Nau rŏng khân may ăn Ma Gâp tâm ban ma ndâr ntŭk nkân ang ôi, Nâm bu dak ngom gơnh sơh.

Ndrom Samƀŭt bơh Ôsê 9:16

Êphraim bu lơh jêh; Reh păng lĕ kro. Khân păng mâu mra play đŏng ôh; Nđâp tơlah khân păng deh kon Tâm ban lĕ Gâp nkhĭt lơi lĕ kon nau rŏng khân păng hŏ ntreo jêh.”

Mika 7:1

Rêh ni ma gâp! Yorlah gâp jêng nâm bunuyh pĕ play yan ta vai, Jêh ri nâm bunuyh mban play krăk ƀâu tâm yan pĕ play krăk ƀâu hŏ lĕ jêh, Ƀiălah mâu geh ôh du rkŭm play krăk ƀâu gay sa; Play rvi bôk yan Ƀiălah huêng gâp ŭch hâu ngăn kŏ mâu geh lĕ.

Nahum 3:12

Lĕ rngôch pôih may jêng nâm bu tơm play rvi Bêng ma play dŭm bôk yan; Lah bu n'gơ ri mơ play rŭng, Tŭp tâm trôm mbung bunuyh sa.

Nau Tâm Mpơl 6:13

Phung mănh klơ trôk tŭp ta neh ntu nâm bu play ndrêh rŭng tă bơh tơm rvi tâm nôk sial khôm ktang.