Êsai 28:28 - Nau Brah Ndu Ngơi 2023

²⁸ Bu kĭn ba ƀlê gay ma ƀư piăng let, Ƀiălah bu mâu mprah păng ndăng ôh; Nđâp lah jâng ndeh rlă mâu lah jâng seh jot ta ba, Păng mâu đŏng hăch ôh.

Êsai 28:28 ပူးပေါင်းရင်းမြစ်များ

Êsai 21:10

Ơ phung bu mbang tâm ban ma ba ta ntŭk mprah ba gâp! Nau gâp hŏ tăng jêh bơh Brah Yêhôva ma phung tahan, Jêng Brah Ndu phung Israel, Gâp hŏ mbơh jêh nau nây ma oh nâu gâp gĭt.

Êsai 28:27

Yorlah bu mâu dong kumin jê̆ ma nôp, Mâu đŏng ăn jâng ndeh seh rlă ta kumin toyh; Ƀiălah bu dong kumin jê̆ ma mâng jê̆, Bu dong kumin toyh ma mâng jra.

Êsai 28:29

Nau nây tât đŏng tă bơh Brah Yêhôva ma phung tahan, Nau Păng dăp ƀư khlay ngăn, Nau blau mĭn Păng dŭt ueh ngăn ngên!

Yêrêmi 10:24

Mbah Brah Yêhôva, dăn nkra nti gâp, ƀiălah tâm nau di; Mâu di ôh tâm nau ji nuih, Klach lah May ăn gâp rai lơi.

Amôt 9:9

“Yorlah aơ, Gâp mra ntĭnh jêh ri mra ƀư nchah rai ngih Israel ta nklang lĕ rngôch mpôl băl bunuyh Nâm bu nsiăng ba ƀlê tâm dông Ƀiălah mâu geh du găr jê̆ mra tŭp ôh ta neh.

Nau Kơp Bunuyh 7:3

Khân păng djôt leo lĕ ndơ nhhơr tât tanăp Brah Yêhôva: Prao bôk ndeh geh ndơ nkŭm jêh ri jât ma bar mlâm ndrôk nkuăng; ăp kôranh chiă uănh nhhơr du mlâm ndrôk jêh ri bar hê bunuyh nhhơr du bôk ndeh. Khân păng nhhơr lĕ ndơ nhhơr panăp Ngih Bok.

Mathay 3:12

Păng djôt dông nsiăng kloh plên ba Păng nơm, jêh nây rgum ba tâm jay; bi njŏk rhe su lơi tâm ŭnh mâu blau nhhât.”

Yôhan 12:24

Nanê̆, Gâp lah ngăn ma khân may: Lah du ntil găr ba ƀlê srih ta neh mâu khĭt, păng hôm e du găr nây lĕ; ƀiălah lah păng khĭt, păng geh play âk ngăn.

I Kôrintô 3:9

Yorlah hên jêng phung bunuyh pah kan ndrel ma Brah Ndu; khân may jêng mir lŏ Brah Ndu, jêng ngih Brah Ndu.