Êsai 28:21 - Nau Brah Ndu Ngơi 2023

²¹ Yorlah Brah Yêhôva mra dâk tâm ban ma Păng ƀư jêh ta yôk Pêrasim, Păng mra ji nuih tâm ban ma tâm rlŭng Gibêôn Gay ma ƀư nau kan Păng, jêng nau kan hih rhâl; Gay ƀư nau Păng pah kan, jêng nau pah kan khlay ngăn ngên.

Êsai 28:21 ပူးပေါင်းရင်းမြစ်များ

II Samuel 5:20

Pônây, Y-Đavit leo phung tahan păng hăn rlet ma Baal-Pêrisim jêh ri dơi đah khân păng; hađăch lah: “Brah Yêhôva hŏ lơh rai jêh phung rlăng gâp tanăp gâp nâm bu dak hoch.” Yor ri, păng ntơ amoh ntŭk aơ jêng Baal Pêrasim.

II Samuel 5:25

Y-Đavit ƀư di tĭng lĕ ntĭl Brah Yêhôva hŏ ntĭnh ntăm jêh ma păng, jêh ri hađăch hŏ dơi lơh phung tahan Philistin ntơm bơh Gêba ma tât ta Gêser.

I Nau Rêh Jêng 14:11

Phung tahan Philistin hăn hao ma Baal-Pêrisim, jêh ri Y-Đavit dơi đah khân păng ta nây. Y-Đavit lah: “Brah Ndu hŏ dŏng ti gâp ƀư rai jêh phung rlăng gâp nâm bu dak lip!” Yor ri, bu ntơ ntŭk aơ jêng Baal Pêrasim.

I Nau Rêh Jêng 14:16

Y-Đavit ƀư tĭng nâm Brah Ndu ntĭnh jêh ma păng, jêh ri khân păng tâm lơh dơi đah phung tahan Philistin ntơm bơh Gibêôn tât ta Gêser.

Nau Mprơ Ơm 94:16

Mbu mra dâk yor ma gâp, tâm rdâng ma phung ƀai? Mbu nơm dâk koh dŏng gâp, tâm rdâng đah phung janh ƀai?

Êsai 10:12

Ƀiălah dôl Kôranh Brah hŏ ƀư jêh lĕ kan Păng ta klơ yôk Siôn jêh ri ta ƀon Yêrusalem, Păng lah: “Gâp mra tâm rmal lĕ nau kan nuih n'hâm n'hao êng jêh ri măt nau hưn n'hao êng nơm hađăch Asiri.

Êsai 28:19

Ăp tơ̆ nau mhĭk lip tât, păng mra nhŭp rdu khân may Yorlah păng mra rgăn ăp ôi, Nar tâm ban ma măng, nau tât mra hăn rgăn; Knŏng geh nau klach krit Ƀư ăn khân may gĭt rbăng nau ti nây.

Êsai 29:14

Yor nây, Gâp mra thoi đŏng ƀư Lĕ nau kan khlay ngăn ngên ta nklang phung ƀon lan aơ, Nau kan êng ngăn kŏ tât nau gĭt mĭn ma phung blau mĭn khân păng mra jêng dơm dam, Nau gĭt rbăng ma phung gĭt rbăng mra nkŭm ndâp.”

Êsai 29:23

Ƀiălah tơlah Yakôb saơ phung kon păng, Jêng kan ti Gâp ƀư ta nklang khân păng, Khân păng mra yơk ma amoh Gâp jêng Kloh Ueh: Khân păng mra yơk ma Nơm Kloh Ueh Y-Yakôb, Jêh ri klach yơk ma Brah Ndu Israel

Êsai 64:2

Tâm ban ma ŭnh sa long kro, Tâm ban ma ŭnh ƀư khuh dak, Gay ăn phung rlăng đah May gĭt amoh May, Jêh ri lĕ phung ndŭl mpôl bunuyh râm nsâr tanăp May.

Êsai 65:7

Nau tih khân may tâm ban ma nau tih phung chô yau khân may.” Brah Yêhôva lah pônây; “Yorlah khân păng hŏ su ndơ ƀâu kah ta klơ lĕ yôk, Jêh ri suai rak Gâp ta klơ lĕ dor yôk, Rĭ dĭng Gâp mra veh nau kan khân păng nôk kăl e Jêh ri plơng bôk tĭng nâm kan khân păng ƀư jêh.”

Yêrêmi 30:14

Lĕ rngôch phung rŏng ma may hŏ chuêl jêh may, Mâu meng tât ma may: Yorlah Gâp hŏ dong may kŏ sôt nâm bu du huê rlăng dong, Nduyh nkra may nâm bu phung ƀai nduyh nkra, Yorlah nau may tih toyh ngăn, Nau djơh mhĭk may âk ngăn.

Nau Nhĭm Vơl 2:15

Lĕ rngôch bunuyh rgăn rŏ trong Tap ti, nsŭch, rteh bôk, Ntêh rmot bu ur druh ƀon Yêrusalem: “Di lĕ aơ jêng ƀon toyh bu ntơ: ‘Nau ueh reh rah vah ngăn, Nau răm rhơn ma lĕ rngôch neh ntu’ lĕ?”

Nau Nhĭm Vơl 3:33

Yorlah tâm nuih n'hâm, Păng mâu ŭch ôh Ƀư nau rêh ni mâu lah nau rngot ăn ma phung kon bunuyh.

Êsêkiêl 33:21

Tâm năng nguay, khay jât, năm rơh jât bar, pakơi nôk nau bu nhŭp hên hăn ƀư bu nă, geh du huê bunuyh rklaih jêh tă bơh ƀon Yêrusalem văch mbơh ma gâp pô aơ: “Ƀon lĕ bu sŏk jêh!”

Habakuk 1:5

“Uănh hom ma lĕ bri dak jêh ri nklân kâp uănh, Hih rhâl hom jêh ri ndrŏt ndal! Yorlah Gâp mra ƀư du ntil kan tâm rnôk khân may, Nđâp tơlah bu nkoch bri, khân may mâu chroh đŏng ôh.

Yôsuê 10:10

Brah Yêhôva ƀư ăn ma khân păng nchuăt du rŭng răng tanăp phung Israel, jêh ri nkhĭt khân păng âk ngăn ta Gibêôn. Phung tahan Israel tĭng rgot khân păng ta trong sop Bet-Hôron, jêh ri lơh nkhĭt khân păng kŏ tât ma Asêka jêh ri Makêda.

Yôsuê 10:11

Dôl khân păng nchuăt du panăp phung Israel, Brah Yêhôva ƀư ăn lŭ toyh tă bơh trôk tŭp ta trong ntơm bơh sop Bet-Hôron tât ta Asêka, jêh ri khân păng khĭt da dê. Rnoh phung khĭt yor mih tŭp pler jêng âk lơn ma rnoh phung khĭt ma đao phung tahan Israel.

Yôsuê 10:12

Tâm nar Brah Yêhôva jao phung Amôrit tâm ti phung Israel, Y-Yôsuê ngơi ma Brah Yêhôva tanăp măt phung Israel pô aơ: “Hơi nar, gŭ nsrŭng hom ta klơ Gibêôn! Hơi khay, gŭ nsrŭng hom tâm rlŭng Aijalon!”