Êsai 28:2 - Nau Brah Ndu Ngơi 2023

² Aơ, bơh ntŭk Kôranh Brah geh du huê nơm ktang jêh ri geh nau dơi, Nâm bu mih tŭp pler, phŭt chuănh ƀư rai, Tâm ban ma dak toyh pling ntôr, dak lip lam ntŭk; Păng mra dong ti klŭp păng ta neh.

Êsai 28:2 ပူးပေါင်းရင်းမြစ်များ

Ndrom Samƀŭt bơh Yôp 22:16

Khân păng bu mra pih kloh lĕ êlor nar tâm nal, Ntŭk mbon khân păng lĕ dak rdu tǐng n'hong dak;

Êsai 25:4

Yorlah May jêng ntŭk phung o ach nsing, Jêng ntŭk nde nâp ma phung nau ndĭt trơi tâm nôk jêr jŏt ngăn, Jêng ntŭk krap bơh sial phŭt, Jêng gui n'hâm der nôk nar duh, Nôk phung ƀai khôm n'hâm luh Tâm ban ma sial phŭt njach mpêr ƀon,

Êsai 27:1

Tâm nar nây, Brah Yêhôva mra dŏng đao dăng, toyh jêh ri ktang Gay ma tâm rmal Lêviathan jêng bêh du ngăch, Tâm rmal Lêviathan jêng bêh kue kuăt; Jêh ri Păng mra nkhĭt mpa djơh gŭ tâm dak mƀŭt.

Êsai 29:6

Brah Yêhôva ma phung tahan mra phat dôih khân păng, Ma nglaih, nau n'găr neh, nau nteh ktang, Ma vănh blông ktang, sial phŭt, jêh ri ma mpiăt ŭnh hit.

Êsai 30:28

N'hâm Păng sôr jêng tâm ban ma dak hoch thăng, Ler tât ta trô ko. Păng nsiăng ăp bri dak ma dông ƀư rai, Jêh ri dơm kang thao tâm trôm mbung phung ƀon lan gay leo khân păng vĭ trong.

Êsai 30:30

Brah Yêhôva mra ăn bu iăt bâr nau rnam Păng. Păng mra ăn bu saơ ti ktang Păng tâm nau ji nuih, ma ŭnh sa, ma sial phŭt, sial phŭt ktang jêh ri mih pler.

Êsai 32:19

Ƀiălah mih pler mra nkhŭt tâm krŏng, Jêh ri ƀon toyh mra rlâm,

Êsai 40:10

Aơ, Kôranh Brah Yêhôva mra văch ma nau brah, Păng mra chiă uănh ma ti Păng. Aơ, nau Păng nkhôm gŭ ndrel Păng, Nau Păng plơng gŭ tanăp Păng.

Êsai 8:6

“Yorlah phung ƀon lan aơ hŏ dun jêh ma n'hong dak Silôê đăp mpăn, jêh ri klach râm nsâr tanăp măt Y-Rêsin ndrel ma kon bu klâu Y-Rêmalia;

Êsêkiêl 13:11

Lah hom ma phung mhĭng klo nglang mpêr nây mra rlâm. Dak mih toyh mra tât. Hơi dak mih pler toyh, may mra tŭp jêh ri phŭt chuănh ktang mra hêk sat mpêr nây!

Êsêkiêl 38:9

May jêh ri nđâp ma phung tahan may ndrel ma phung mpôl băl bunuyh gŭ ndrel may mra rduh ran panăp, rduh lơh nâm bu phŭt chuănh, nâm bu ndâr tŭk nkŭm lam bri neh.’”

Daniel 9:26

Jêh tăch prao jât ma bar năng pơh nây, bu mra nkhĭt lơi Nơm Dơn Tŏ Dak Ƀâu Kah jêh ri mâu mra geh ndơ ôh. Phung tahan du huê kôranh tât pakơi mra ƀư rai lơi ƀon jêh ri ngih brah. Nau dăch dŭt mra tât nâm bu dak lip. Kêng dŭt mra geh tât nau tâm lơh, nau rngol hŏ nal jêh.

Nahum 1:8

Ƀiălah Păng sŏk dak lip ler băm Gay ƀư rai lĕ ntŭk păng gŭ, Jêh ri hăn tĭng phung rlăng Păng lăp tâm nau ngo.

Yôsuê 10:11

Dôl khân păng nchuăt du panăp phung Israel, Brah Yêhôva ƀư ăn lŭ toyh tă bơh trôk tŭp ta trong ntơm bơh sop Bet-Hôron tât ta Asêka, jêh ri khân păng khĭt da dê. Rnoh phung khĭt yor mih tŭp pler jêng âk lơn ma rnoh phung khĭt ma đao phung tahan Israel.

Nau Tâm Mpơl 18:8

Yor ri, tâm du nar lĕ nau rêh ni mra văch ma păng: Nau khĭt, nau klâng ndrê, nau sa sât ji ngot. Ŭnh mra su lơi păng, Yorlah Kôranh Brah, Nơm phat dôih păng, jêng Brah Ndu geh bêng nau dơi.”

Nau Tâm Mpơl 8:7

Tông mpăr tal nguay uh nŭng, geh mih pler jêh ri ŭnh tâm pot đah mham nkhŭt tâm neh ntu. Du kô̆ tâm pe neh ntu ŭnh sa, du kô̆ tâm pe tơm si ŭnh sa, jêh ri lĕ rngôch gơ̆ nđĭr ŭnh sa lĕ.