Êsai 28:19 - Nau Brah Ndu Ngơi 2023

¹⁹ Ăp tơ̆ nau mhĭk lip tât, păng mra nhŭp rdu khân may Yorlah păng mra rgăn ăp ôi, Nar tâm ban ma măng, nau tât mra hăn rgăn; Knŏng geh nau klach krit Ƀư ăn khân may gĭt rbăng nau ti nây.

Êsai 28:19 ပူးပေါင်းရင်းမြစ်များ

II Phung Hađăch 17:6

Tâm năm rơh sĭn rnôk rô̆ Y-Hôsêa chiă uănh, hađăch Asiri sŏk ƀon Samari jêh ri veng leo phung ƀon lan Israel rlet ma Asiri. Hađăch ăn ma khân păng gŭ tâm ƀon Hala, ta kơh dak krong Habôr n'gor Gôsan jêh ri tâm lĕ ƀon bri dak phung Mêdơ.

II Phung Hađăch 18:13

Tâm năm jât ma puăn rnôk rô̆ hađăch Hêsêkia chiă uănh, geh Y-Sênakêrip, hađăch Asiri, hăn lơh jêh ri pit sŏk ma lĕ rngôch ƀon dŭt nâp ngăn tâm n'gor Yuđa.

II Phung Hađăch 21:12

pôri Yêhôva Brah Ndu Israel lah pô aơ: ‘Aơ, Gâp mra ăn nau tât ma ƀon Yêrusalem jêh ri ma phung Yuđa nau mhĭk kŏ tât ăp nơm tăng nau nây mra ƀư tê̆k lĕ bar đah tôr.

II Phung Hađăch 24:2

Brah Yêhôva ƀư ăn âk phung tahan Kaldê, Aram, Môap jêh ri phung tahan Ammôn văch lơh jêh ri ƀư rai n'gor Yuđa, tĭng nâm nau Brah Yêhôva ngơi lor ma bâr mbung phung nơm mbơh lor jêng phung oh mon Păng.

Ndrom Samƀŭt bơh Yôp 18:11

Nau klach krit gŭ jŭm ƀư krit ngăn, Jêh ri tĭng groi pakơi ndơl jâng păng.

Ndrom Samƀŭt bơh Yôp 24:17

Đah khân păng, ang ôi jêng gui nau khĭt, Yorlah khân păng bên đah krit klach bơh gui nau khĭt.

Ndrom Samƀŭt bơh Yôp 41:9

Păng si đah luh mprănh ang, Măt păng nchrang ƀring nâm bu nchrat nar ơm ôi.

Ndrom Samƀŭt bơh Yôp 6:4

Yorlah lĕ chiông hăr Nơm Geh Lĕ Nau Brah di ta gâp jêh, Nuih n'hâm gâp lêng dak kăch khân păng; Brah Ndu nkrĭp dăp tahan tâm rdâng đah gâp ƀư ma gâp krit klach ngăn.

Nau Mprơ Ơm 55:4

Nuih n'hâm gâp ji dŭt n'hâm ngăn, Nau klach krit ma nau khĭt nhŭp jêh gâp.

Nau Mprơ Ơm 88:15

Ntơm bơh hôm mom, gâp geh nau rêh ni bơi ma khĭt; May ƀư ma gâp krit ngăn jêh ri rŭng răng.

Êsai 33:7

Aơ, phung tahan janh ktang khân păng lŭng nter nhĭm padih trong, Phung mbơh ma nau đăp mpăn nhĭm rngot ngăn.

Êsai 36:22

Y-Êliakim, kon bu klâu Y-Hilkia, kôranh mât uănh ngih hađăch, ndrel ma Y-Sêpna jêng kôranh nchih samƀŭt, jêh ri Y-Jôa jêng kôranh kâp nchih nau tât, kon bu klâu Y-Asap, nkhêk bok ao khân păng, plơ̆ sĭt tâm mâp đah hađăch Hêsêkia jêh ri nkoch tay ma păng lĕ nau Y-Rabshakeh ngơi.

Êsai 37:3

Khân păng lah ma Y-Êsai: “Y-Hêsêkia lah kơt aơ: ‘Nar aơ jêng nar rŭng răng, nau nduyh jêh ri nau bêk prêng; tâm ban bu ur lĕ tât nôk deh kon jêh ƀiălah mâu tŏng suan gay deh kon ôh.

Êsai 50:4

Kôranh Brah Yêhôva ăn jêh ma Gâp Mpiăt phung nti jêh, Gay ma Gâp blau ngơi N'hao nuih phung rgănh. Ăp ôi Păng rlay Gâp, Păng pơk tôr Gâp Gay ma Gâp gŭ iăt tâm ban ma nơm nti.

Yêrêmi 19:3

May lah hom: ‘Hơi lĕ phung hađăch Yuđa jêh ri phung gŭ ta ƀon Yêrusalem, rkêng hom tôr iăt nau Brah Yêhôva. Brah Yêhôva ma phung tahan, Brah Ndu Israel lah: Aơ, Gâp mra nkhŭt nau mhĭk jŭr ntŭk aơ, kŏ tât mbu nơm tăng nau ngơi nây mra ji tôr,

Yêrêmi 4:5

Mbơh hom tâm phung Yuđa jêh ri tâm ƀon Yêrusalem pô aơ: “Uh nŭng hom lam neh. Nter huy hom pô aơ: ‘Abaơ, he tâm rgum hom Jêh ri du lăp ma ƀon nâp!’

Yêrêmi 4:9

Brah Yêhôva lah: “Tâm nar nây, kôranh hađăch jêh ri phung kôranh chiă uănh roh nau duh nđơr da dê; Lĕ phung kôranh ƀư brah klach krit, Lĕ phung mbơh lor hih rhâl ngăn.”

Yêrêmi 6:24

Tăng lư nau nây, Ti jâng hên hươi ra ai ngăn, Nau klach krit rêt nâp phung hên, Ƀư ma hên ji kruăn rêt nâm bu ur ji deh.

Nau Nhĭm Vơl 2:22

May hŏ rgum nau klach krit gâp tă bơh lĕ rngôch mpeh, Nâm bu tâm nar rƀŭn; Tâm nar Brah Yêhôva ji nuih, Mâu geh nơm klaih mâu lah nơm hôm gŭ rêh klen. Phung gâp hŏ chông ra-u jêh ri pêt rong ntĭm nti, Lĕ rngôch lĕ phung rlăng nkhĭt da dê jêh.

Daniel 7:28

Nau nkoch bri lôch ta aơ. Bi gâp, Y-Daniel, lĕ nau mĭn ƀư ma gâp rŭng răng ngăn, muh măt rgâl jêng êr; ƀiălah gâp ăt djôt prăp lĕ nau nây tâm nuih n'hâm.”

Daniel 8:27

Rnôk nây, gâp, Y-Daniel, rgănh suan ngăn jêh ri ji kuet tâm âk nar. Jêh nau nây gâp dâk jêh ri pah kan ma hađăch. Gâp hih rhâl ma nau tâm saơ nây jêh ri ăt mâu dơi gĭt rbăng lĕ ôh nau khlay.

Habakuk 3:16

Tăng lĕ nau aơ, lam săk jăn gâp râm sâr, Toh yoi gâp mprâm ngăn, Nting gâp nâm bu bơi rmuk ôm, Jêh ri jâng gâp chuat ndĭt ndiu. Gâp mra gŭ rklăk gay kâp nar rêh ni, Jêng nar geh phung ƀon lan văch lơh hên.

I Samuel 3:11

Brah Yêhôva lah ma Y-Samuel: “Uănh hom! Gâp mra ƀư du nau kan tâm phung Israel mbu nơm tăng, mra ƀư tê̆k lĕ bar đah tôr.