Êsai 28:17 - Nau Brah Ndu Ngơi 2023

¹⁷ Gâp mra sŏk nau di ƀư rse veh, Jêh ri nau sŏng srăng jêng ndơ veh rnhuan; Mih pler mra pih kloh ntŭk phung mƀruh nsing, Dak mra lip lĕ ntŭk du krap.”

Êsai 28:17 ပူးပေါင်းရင်းမြစ်များ

II Phung Hađăch 21:13

Gâp mra nthăng ta klơ Yêrusalem rse veh ƀon Samari jêh ri rse yông ndơ jâk ngih Y-Ahap. Gâp mra pih kloh ƀon Yêrusalem tâm ban bu jut du mlâm ngan pala, jêh nây kŭp tâm dâng, klơ jêh rao kŭp lơi păng.

Ndrom Samƀŭt bơh Yôp 22:16

Khân păng bu mra pih kloh lĕ êlor nar tâm nal, Ntŭk mbon khân păng lĕ dak rdu tǐng n'hong dak;

Nau Mprơ Ơm 94:15

Nau di mra plơ̆ sĭt ma nau phung sŏng srăng, Jêh ri lĕ rngôch phung geh nuih n'hâm sŏng mra tĭng nau nây.

Êsai 10:22

Hơi Israel, nđâp lah phung ƀon lan may mra jêng âk tâm ban ma choih tâm dak mƀŭt, knŏng du kô̆ hôm e klen mra plơ̆ sĭt. Bu tâm nal jêh nau ƀư rai, nau di mra ăp ntŭk.

Êsai 25:4

Yorlah May jêng ntŭk phung o ach nsing, Jêng ntŭk nde nâp ma phung nau ndĭt trơi tâm nôk jêr jŏt ngăn, Jêng ntŭk krap bơh sial phŭt, Jêng gui n'hâm der nôk nar duh, Nôk phung ƀai khôm n'hâm luh Tâm ban ma sial phŭt njach mpêr ƀon,

Êsai 28:15

Yorlah khân may lah jêh: “Hên hŏ ƀư jêh nau tâm rnglăp đah nau khĭt, Hên geh du nau tâm rnglăp đah ƀon phung khĭt Lah nau tât geh ƀư rai rmeh ler rgăn Mâu mra tât ma hên ôh. Yorlah hên sŏk jêh nau mƀruh jêng ntŭk hên nsing, Sŏk nau ndơm jêng ntŭk hên du krap.”

Êsai 28:2

Aơ, bơh ntŭk Kôranh Brah geh du huê nơm ktang jêh ri geh nau dơi, Nâm bu mih tŭp pler, phŭt chuănh ƀư rai, Tâm ban ma dak toyh pling ntôr, dak lip lam ntŭk; Păng mra dong ti klŭp păng ta neh.

Êsai 30:18

Nđâp lah pônây, Brah Yêhôva ăt hôm kâp gân gay ăn nau ueh ma khân may; Păng mra dâk ŭch mpơl nau yô̆ nđach ma khân may. Yorlah Yêhôva jêng Brah Ndu sŏng. Ueh maak ngăn ma lĕ rngôch phung kâp gân Păng.

Êsai 30:28

N'hâm Păng sôr jêng tâm ban ma dak hoch thăng, Ler tât ta trô ko. Păng nsiăng ăp bri dak ma dông ƀư rai, Jêh ri dơm kang thao tâm trôm mbung phung ƀon lan gay leo khân păng vĭ trong.

Êsai 32:2

Mra geh du huê tâm ban ma ntŭk krap ma sial, Jêh ri ntŭk nde ma sial phŭt, Tâm ban ma dak n'hor tâm ntŭk sơh, Tâm ban ma gui n'hâm lŭ toyh tâm neh nđang.

Êsai 5:16

Ƀiălah Brah Yêhôva ma phung tahan geh nau n'hao tâm nau phat dôih, Brah Ndu jêng Nơm Kloh Ueh mra tâm mpơl Păng jêng nơm kloh ueh tâm nau sŏng srăng.

Êsai 61:8

Yorlah Gâp, Brah Yêhôva, rŏng ma nau sŏng, Tâm rmot ma nau ntŭng jêh ri nau kue; Yor ri Gâp mra tĭng nau răp jăp gay nkhôm ma phung ƀon lan Gâp, Jêh ri Gâp mra ƀư đah khân păng nau tâm rnglăp n'ho ro.

Yêrêmi 19:7

Ta ntŭk aơ, Gâp mra ƀư rai lơi nau ƀư nchră phung Yuđa jêh ri phung Yêrusalem, Gâp mra ăn ma khân păng cha lôt prah tâm dâng mpiăt đao tanăp phung rlăng, jêh ri tâm dâng ti ma phung joi ŭch ƀư rai nau rêh khân păng. Gâp mra jao săk jăn khĭt khân păng ƀư ndơ sa ăn ma sĭm klơ trôk jêh ri mpô mpa bri.

Yêrêmi 23:19

Aơ, nau phŭt sial Brah Yêhôva Nây jêng nau Păng ji nuih hŏ hao ntoh, Nau phŭt sial vănh blông, Vănh trŭnh ta bôk phung ƀai.

Yêrêmi 7:14

Yor nây moh nau Gâp hŏ ƀư ăn ma Silô, Gâp ăt mra ƀư ăn ngih aơ, jêng ngih dơi kuăl ma amoh Gâp, ngih khân may nsing, ntŭk gâp hŏ ăn jêh ma khân may ndrel phung chô yau khân may.

Yêrêmi 7:20

Yor nây, Kôranh Yêhôva lah: “Aơ, nau ji nuih Gâp, nau ji nuih Gâp, mra nkhŭt jŭr ntŭk aơ, ta klơ bunuyh jêh ri mpô mpa, ta klơ tơm si tâm mir jêh ri kao play neh; nau ji nuih nây mra hit gring gring, mâu dơi buh nhhât ôh.”

Êsêkiêl 38:22

Gâp mra ƀư nau phat dôih tâm rdâng đah păng ma nau ji tưp jêh ri ma nau pling mham. Gâp mra nkhŭt dak mih toyh, glo dak pler, ŭnh jêh ri lŭ mô ŭnh nkhŭt ta klơ păng, ta klơ phung tahan âk păng jêh ri phung ƀon lan hăn ndrel păng.

Daniel 11:22

Phung tahan bu năch lăp ler nâm bu dak lip mra geh dak bŭk jêh ri nchah rai tanăp hađăch nây, nđâp kôranh ma nau tâm rnglăp tâm ban lĕ.

Nahum 1:8

Ƀiălah Păng sŏk dak lip ler băm Gay ƀư rai lĕ ntŭk păng gŭ, Jêh ri hăn tĭng phung rlăng Păng lăp tâm nau ngo.

Mathay 7:27

Geh mih, dak lêng lip tât, sial khôm ktang mra ƀư ma ngih nây rlâm, roh rai âk ngăn.”

Samƀŭt Pôl Njuăl Ăn Ma Phung Nsing Ta Ƀon Rôm 2:2

He gĭt nau Brah Ndu phat dôih ma phung bunuyh ƀư lĕ nau tâm ban pônây jêng di ma nau nanê̆ ngăn.

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

Samƀŭt Pôl Njuăl Ăn Ma Phung Nsing Ta Ƀon Rôm 9:28

yorlah Kôranh Brah mra gơnh ro jêh ri ƀư nanê̆ nau Păng phat dôih ta neh ntu.”

Yôsuê 10:11

Dôl khân păng nchuăt du panăp phung Israel, Brah Yêhôva ƀư ăn lŭ toyh tă bơh trôk tŭp ta trong ntơm bơh sop Bet-Hôron tât ta Asêka, jêh ri khân păng khĭt da dê. Rnoh phung khĭt yor mih tŭp pler jêng âk lơn ma rnoh phung khĭt ma đao phung tahan Israel.

Nau Tâm Mpơl 11:19

Ngih brah Brah Ndu ta klơ trôk pơk jêh, tâm trôm saơ geh Hip Nau Tâm Rnglăp Păng, jêh nây geh lĕ lơp nglaih, bâr ngơi, nteh nglaih, nau n'găr neh jêh ri mih pler ktang.

Nau Tâm Mpơl 16:21

Geh mih pler dŭt toyh, jâk klăp lah puăn jât kilô, tă bơh trôk tŭp ta kon bunuyh, kon bunuyh ngơi djơh tât Brah Ndu yor lĕ ntil nau rêh ni tă bơh mih pler nây, yorlah nây jêng du ntil nau rêh ni dŭt krit kir.

Nau Tâm Mpơl 19:2

Yorlah lĕ nau Păng phat dôih jêng nanê̆ ngăn jêh ri sŏng. Păng phat dôih jêh bu ur văng tĭr toyh, nơm hŏ sŏk nau păng văng tĭr ƀư djơh tâm neh ntu; jêh ri Brah Ndu plơng bôk jêh yor mham phung oh mon Păng bơh bu ur văng tir nây ƀư nkhŭt jêh.”

Nau Tâm Mpơl 8:7

Tông mpăr tal nguay uh nŭng, geh mih pler jêh ri ŭnh tâm pot đah mham nkhŭt tâm neh ntu. Du kô̆ tâm pe neh ntu ŭnh sa, du kô̆ tâm pe tơm si ŭnh sa, jêh ri lĕ rngôch gơ̆ nđĭr ŭnh sa lĕ.