Êsai 28:16 - Nau Brah Ndu Ngơi 2023

¹⁶ Yor nây, Kôranh Brah jêng Brah Yêhôva lah pô aơ: “Aơ, Gâp dơm ta Siôn du mlâm lŭ, Jêng lŭ rlong uănh, lŭ njônh ngih, lŭ khlay, Ƀư mbon nâp ktang Gay ma mbu nơm chroh mâu mra rŭng răng ôh.

Êsai 28:16 ပူးပေါင်းရင်းမြစ်များ

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

Nau Ntơm 49:24

Ƀiălah rnơm bơh ti Nơm Geh Nau Brah bơh Y-Yakôb, Ƀiălah na păng hôm e dăng; Rnơm tă bơh Nơm Rmăk Biăp, jêng Lŭ Toyh ma phung Israel Bar đah ti păng hôm ngăch ngăn.

II Nau Rêh Jêng 20:20

Ôi taơ, khân păng kah rngăl ơm ôi jêh ri luh hăn tâm bri rdah Têkôa. Dôl khân păng luh du, Y-Jôsaphat gŭ dâk jêh ri lah: “Ơ phung Yuđa jêh ri phung gŭ tâm ƀon Yêrusalem, iăt hom gâp! Rnơm nsing hom ma Yêhôva Brah Ndu khân may, jêh ri khân may mra dơi nâp; iăt hom phung nơm mbơh lor Păng, jêh ri khân may mra dơi jêng.”

Nau Mprơ Ơm 118:22

Lŭ phung ƀư ngih mƀăr lơi jêh Hŏ jêng jêh lŭ ta njônh ngih.

Nau Mprơ Ơm 87:1

Păng n'gân mbon ma ƀon Păng Ta klơ yôk kloh ueh.

Êsai 14:32

Moh nau mra plơ̆ lah ma phung mbơh bơh bri dak aơ? Plơ̆ lah hom pô aơ: “Brah Yêhôva rdâk jêh Siôn, Jêh ri phung o ach tâm phung ƀon lan Păng mra dơi joi ntŭk nde.”

Êsai 30:18

Nđâp lah pônây, Brah Yêhôva ăt hôm kâp gân gay ăn nau ueh ma khân may; Păng mra dâk ŭch mpơl nau yô̆ nđach ma khân may. Yorlah Yêhôva jêng Brah Ndu sŏng. Ueh maak ngăn ma lĕ rngôch phung kâp gân Păng.

Êsai 54:11

“Ơ phung rêh ni, nơm phŭt sial ktang rpuh đô̆, jêh ri nơm mâu geh bonh leng ôh, Aơ, gâp sŏk lŭ saphir ƀư lŭ gay ndâk ngih may, Jêh ri gâp mra dơm mbon may ma lŭ ônik.

Daniel 2:45

Nâm bu may saơ jêh, glo lŭ bu trah tă bơh yôk mâu di tă bơh ti kon bunuyh ôh, jêh ri dong nchah loih, kông, neh uk, prăk jêh ri mah. Brah Ndu nơm dŭt prêh tâm mpơl jêh ma hađăch gĭt nau mra tât. Nau mbơi aơ jêng ngăn jêh ri nau rblang nây jêng nanê̆ ngăn.”

Sakari 10:4

Tă bơh ngih Yuđa, mra luh lŭ mbon njônh ngih, Tă bơh khân păng, mra luh n'gâng vâl bok, Tă bơh khân păng, mra luh hăr na tâm lơh, Jêh ri tă bơh khân păng, mra luh lĕ rngôch kôranh chiă uănh.

Sakari 3:9

Yorlah aơ, glo lŭ Gâp dơm jêh panăp măt Y-Yôsuê, knŏng du glo lŭ ƀiălah geh pơh mlâm găr măt. Gâp mra tor chrăk rplay samƀŭt ta klơ păng jêh ri Gâp mra sŏk lơi nau djơh mhĭk tă bơh bri dak aơ tâm du nar.’” Brah Yêhôva ma phung tahan lah.

Mathay 21:42

Brah Yêsu lah ma khân păng: “Khân may ê hŏ mâp geh rŏ nau aơ tâm Nau Brah Ndu Ngơi: ‘Glo lŭ phung ƀư ngih mƀăr lơi jêh Hŏ jêng lŭ njônh ngih; Aơ jêng kan Kôranh Brah ƀư, Jêh ri nây jêng nau khlay ngăn tanăp măt he’?

Markôs 12:10

Khân may ê hŏ geh rŏ nau Brah Ndu ngơi ƀơh: ‘Glo lŭ phung ƀư ngih mƀăr lơi, Hŏ jêng lŭ njônh ngih;

Samƀŭt Pôl Njuăl Ăn Ma Phung Nsing Ta Ƀon Rôm 10:11

Nau Brah Ndu Ngơi lah: “Mbu nơm chroh ma Păng mâu mra bêk prêng ôh.”

Samƀŭt Pôl Njuăl Ăn Ma Phung Nsing Ta Ƀon Rôm 9:33

tâm ban geh nchih: “Aơ, Gâp dơm ta Siôn du mlâm lŭ nking, jêng lŭ toyh ƀư ma khân păng chêh prah; Ƀiălah mbu nơm chroh ma păng mâu mra geh nau bêk prêng ôh.”

I Kôrintô 3:11

Yorlah mâu geh bunuyh dơi n'gân du mbon êng, knŏng mbon bu n'gân jêh jêng Brah Yêsu Krist.

Êphêsô 2:20

bu ndâk njêng khân may klơ mbon phung kôranh oh mon jêh ri phung nơm mbơh lor jêh ri Brah Yêsu Krist yơh jêng lŭ njônh ngih.

II Timôthê 2:19

Ƀiălah, nau mbon lĕ nâp Brah Ndu ăt gŭ nâp, ma nau tâp pŏng pô aơ: “Kôranh Brah gĭt năl phung bunuyh jêng phung Păng;” jêh ri: “Mbu moh kuăl mbơh sơm amoh Kôranh Brah, ăn der ngai bơh nau mâu di.”