Êsai 28:15 - Nau Brah Ndu Ngơi 2023

¹⁵ Yorlah khân may lah jêh: “Hên hŏ ƀư jêh nau tâm rnglăp đah nau khĭt, Hên geh du nau tâm rnglăp đah ƀon phung khĭt Lah nau tât geh ƀư rai rmeh ler rgăn Mâu mra tât ma hên ôh. Yorlah hên sŏk jêh nau mƀruh jêng ntŭk hên nsing, Sŏk nau ndơm jêng ntŭk hên du krap.”

Êsai 28:15 ပူးပေါင်းရင်းမြစ်များ

Nau Ntơm 37:20

Kay lŏng ăn he nkhĭt păng, klŭp nklăch păng tâm ntu dak, jêh ri lah pô aơ: ‘Du mlâm mpa bri janh sa jêh păng, jêh nây uănh moh nau mra tât ma nau mbơi păng!’ ”

Ndrom Samƀŭt bơh Yôp 5:23

Yorlah may ƀư nau tâm rnglăp đah lŭ tâm mir, Jêh ri lĕ mpô mpa bri mra tâm rnglăp đah may.

Nơm Nti 8:8

Mâu mbu geh nau dơi ta klơ n'hâm rêh gay djôt prăp păng tay, Ăt mâu mbu geh nau dơi ta klơ nar khĭt. Mâu geh nơm dơi mâu kơp tâm nau tâm lơh nây; Jêh ri nau djơh mhĭk mâu dơi rklaih phung ƀư nau mhĭk.

Êsai 28:18

Rnôk nây, nau khân may tâm rnglăp đah nau khĭt mâu mra hôm jêng ôh, Nau khân may tâm rnglăp đah ƀon phung khĭt mâu mra dâk nâp ôh. Lah nau tât ƀư rai bêng ler rgăn, Khân may mra rai yot.

Êsai 28:2

Aơ, bơh ntŭk Kôranh Brah geh du huê nơm ktang jêh ri geh nau dơi, Nâm bu mih tŭp pler, phŭt chuănh ƀư rai, Tâm ban ma dak toyh pling ntôr, dak lip lam ntŭk; Păng mra dong ti klŭp păng ta neh.

Êsai 29:15

Rêh ni ngăn phung pôn nau khân păng tâm nchră tâm ntŭk jru ndâp bơh Brah Yêhôva, Kan tâm nau ngo, Jêh ri khân păng mĭn êng: “Mbu dơi saơ he, mbu dơi gĭt he?”

Êsai 3:12

Phung kon se mra tŭn jot phung ƀon lan gâp, Jêh ri phung bu ur chiă uănh khân păng. Ơ phung ƀon lan gâp! Phung njŭn trong khân may ƀư ma khân may nhhơt trong, Khân păng ƀư nau rŭng răng trong may.

Êsai 30:10

Khân păng lah ma phung geh nau tâm saơ: “Lơi saơ nau tâm saơ đŏng,” Jêh ri lah đah phung saơ nau tâm saơ pô aơ: “Lơi nkoch ma hên lĕ nau tâm saơ ma nau nanê̆ ngăn đŏng ôh! Ngơi hom ma hên lĕ nau ƀư maak ma tôr hên, Jêh ri nkoch hom ma hên lĕ nau mâu geh ngăn.

Êsai 30:12

Yor nây, Nơm Kloh Ueh Israel lah pô aơ: “Yorlah khân may mưch ma nau ngơi aơ, Rnơm ma nau tŭn jot jêh ri nau mƀruh, Jêh ri rnơm ma nau nây,

Êsai 30:28

N'hâm Păng sôr jêng tâm ban ma dak hoch thăng, Ler tât ta trô ko. Păng nsiăng ăp bri dak ma dông ƀư rai, Jêh ri dơm kang thao tâm trôm mbung phung ƀon lan gay leo khân păng vĭ trong.

Êsai 30:9

Yorlah khân păng jêng du phung ƀon lan tâm rdâng, Jêng phung kon mƀruh, Phung kon mâu ŭch iăt ôh Nau ntrŭnh bơh Brah Yêhôva.

Êsai 44:20

Nơm nây siăm păng nơm ma ŭnh buh; nuih n'hâm ngo ƀư ăn păng vĭ trong, mâu dơi tâm rklaih huêng păng ôh. Păng mâu lĕ prot ôp êng păng nơm: “Mâu di hĕ ndơ gâp djôt tâm ti ma gâp jêng ndơ mƀruh?”

Êsai 59:3

Yorlah mpang ti khân may ƀơ̆ ƀơch jêh yor ma krêp mham, Nglau ti khân may ƀơ̆ ƀơch yor nau tih, Mbung khân may ngơi nau mƀruh, Mpiăt khân may ngơi huêt nau ƀai.

Êsai 59:4

Mâu geh du huê phong ma nau sŏng srăng ôh. Mâu geh du huê tâm rlăch ma nau nanê̆ ngăn. Bu rnơm nsing ma nau ngơi dơm dam jêh ri ngơi mƀruh. Khân păng hŏ ntreo ma nau mhĭk jêh ri deh nau tih toyh.

Êsai 9:15

Yorlah phung têk ndrêng phung ƀon lan aơ hŏ nhhơt trong jêh, Bi phung njŭn khân păng lĕ roh rai jêh.

Yêrêmi 13:25

Brah Yêhôva lah: “Nây jêng mrô nal may, Jêng kô̆ Gâp prăp ăn may, Yorlah may hŏ chuêl Gâp Jêh ri rnơm nsing ma nau mƀruh nchơt.

Yêrêmi 14:13

Ƀiălah gâp lah pô aơ: “Aơ! Ơ Kôranh Brah Yêhôva, geh phung nơm mbơh lor lah ma khân păng pô aơ: ‘Khân may mâu mra saơ đao, mâu lĕ geh nau sa sât ji ngot, yorlah Gâp mra ăn ma khân may gŭ tâm nau đăp mpăn nâp ktang tâm ntŭk aơ.’”

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Yêrêmi 44:17

Ƀiălah, hên mra ƀư nŭm lĕ nau hŏ ton jêh luh bơh ma mbung hên, mra nhhơr ndơ ƀâu kah jêh ri ƀư nau ndơ nhhơr nhêt ma hađăch bu ur tâm trôk, nâm bu hên jêh ri phung chô yau hên, phung hađăch jêh ri phung kôranh hên hŏ ƀư jêh tâm ƀon n'gor Yuđa jêh ri n'gŏ trong toyh ƀon Yêrusalem. Nôk nây, hên hŏ geh ndơ sông sa âk rmeh, gŭ rêh geh nau chăt hao, mâu geh nau mhĭk tât ôh.

Yêrêmi 5:12

Khân păng hŏ dun mƀăr lơi Brah Yêhôva, Jêh ri lah: “Păng mâu ƀư ôh! Mâu geh nau rêh ni jŭr ta klơ phung he, Ăt mâu geh tak đao, ji ngot ji hir ôh.

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Êsêkiêl 13:16

Khân păng jêng phung nơm mbơh lor Israel mbơh lor lah ma Yêrusalem jêh ri uănh nau tâm saơ đăp mpăn ma ƀon nây ƀiălah mâu geh nau nđăp mpăn ôh, Kôranh Brah Yêhôva lah pônây.”’

Êsêkiêl 13:22

Yorlah khân may sŏk nau nchơt mƀruh ƀư rngot nuih n'hâm phung sŏng srăng nđâp lah Gâp mâu mâp ƀư rdja nuih khân păng ôh. Ƀiălah khân may ƀư ma ti phung ƀai ktang lơn gay ma khân păng mâu chalơi ôh bơh trong nau mhĭk păng gay dơi geh nau rêh.

Êsêkiêl 22:28

Phung nơm mbơh lor păng nsut ma klo mhĭng âk ta klơ khân păng ma nau tâm saơ dơm dam jêh ri ƀư nau n'hŭm pol mƀruh. Khân păng ngơi pô aơ: “Aơ jêng nau Kôranh Brah Yêhôva lah” tâm dôl Brah Yêhôva mâu mâp lah ôh.

Êsêkiêl 8:12

Păng lah ma gâp: “Hơi kon bunuyh, may saơ lĕ nau phung bu ranh ngih Israel, ăp nuyh ƀư tâm ntŭk ngo klĕng, trôm jrô kach nsêr rup brah khân păng? Yorlah khân păng lah pô aơ: ‘Brah Yêhôva mâu saơ ôh he; Brah Yêhôva hŏ chalơi jêh bri aơ!’”

Daniel 11:22

Phung tahan bu năch lăp ler nâm bu dak lip mra geh dak bŭk jêh ri nchah rai tanăp hađăch nây, nđâp kôranh ma nau tâm rnglăp tâm ban lĕ.

Daniel 9:27

Kôranh nây mra ƀư nau tâm rnglăp nâp đah âk bunuyh tâm du pơh. Ƀiălah tât ta n'gul pơh nây, păng mra rlu lơi nau nhhơr mpa ƀư brah jêh ri nau nhhơr ndơ ƀư brah rnih môi. Nơm ƀư rai mra tât klơ năr lĕ nau ƀơ̆ ƀơch kŏ tât nau gưl ƀư rai nglĕ dŭt hŏ nal jêh klơ phung ƀư rai.”

Ndrom Samƀŭt bơh Ôsê 2:18

Tâm nar nây, Gâp mra ƀư nau tâm rnglăp ta nklang khân may Đah lĕ mpô mpa bri, sĭm klơ trôk, Đah lĕ mpa vơr ta neh. Gâp mra nkê̆ch pă lơi na, tak đao Jêh ri ƀư nau tâm lơh du luh bơh n'gor aơ, Gay khân may dơi gŭ mpăn.

Amôt 2:4

Brah Yêhôva lah: “Yor nau tih mhĭk Yuđa ntop hôm nau tih mhĭk Yor ri Gâp mâu rhuăt tay nau tâm rmal bơh păng. Yorlah khân păng dun jêh ma nau vay Brah Yêhôva, Jêh ri mâu djôt prăp ôh nau vay păng ntĭnh, Ƀiălah lĕ nau mbruh ƀư vĭ trong, Hăn tĭng trong chô yau khân păng,

Amôt 6:13

Khân may hâk răm yor dơi lơh pit in ƀon Lô-Dêbar Jêh ri lah pô aơ: “Mâu di ma nau ktang he nơm sŏk jêh ƀon Karnaim ma he nơm?”

Yônais 2:8

Tơlah huêng gâp lĕ huơi jêh tâm gâp Pôri gâp kah gĭt ma Brah Yêhôva Jêh ri nau gâp mbơh sơm tât ma May, Lăp tât tâm ngih brah kloh ueh May.

Sôphôni 1:12

Nôk nây, Gâp mra djôt ŭnh rdo sek joi ƀon Yêrusalem, Jêh ri mra tâm rmal phung geh nau mpay jêh nâm bu ndrănh djah dăch dŭt, Jêng phung lah êng pô aơ: ‘Brah Yêhôva mâu mra ăn nau ueh ôh, Mâu lĕ ăn nau mhĭk.’